konka coffee
KONKA

AMAKURU

UKWEZI

Inzego z’ubuzima ziramagana ihohoterwa rikorerwa abafite uburwayi bwo mu mutwe

Inzego z’ubuzima ziramagana ihohoterwa rikorerwa abafite uburwayi bwo mu mutwe
7-04-2018 saa 13:59' | By Vincent Nsengiyumva | Yasomwe n'abantu 1030 | Ibitekerezo

Inzego z’ubuzima zita ku bafite uburwayi bwo mu mutwe zivuga ko hari abantu bagifite imitekerereze ishaje yo kumva ko abafite ubu burwayi atari abantu nk’abandi bigatuma babahohotera kandi baba bakwiye kwitabwaho nk’abandi barwayi bose.

Ibi byagarutsweho n’inzobere mu bijyanye n’ubuzima bwo mu mutwe, Dr. Jean Damascene Iyamuremye umuyobozi w’agashami gashinzwe indwara zo mu mutwe, wagaragaje ko abafite ubu burwayi bahohoterwa bikomeye.

Dr. Iyamuremye avuga ko bibabaje kubona abantu bashungera umuntu ufite uburwayi bwo mu mutwe bamuvugiriza induru cyangwa se bamufata bakamuzirika, bakamwambika amapingu n’ibindi bikorwa bigayitse bakorerwa asobanura ko bitaba bikwiye cyane ko iyo babikorewe bituma barushaho kugira ikibazo cyo mu mutwe.

Yagize ati “[….]Iyi mitekerereze ishaje y’abantu bagihohotera abarwayi bo mu mutwe, ukabona umurwayi abantu bamushungereye bamutera amabuye, abantu babirebera nk’aho atari umurwayi nk’abandi. Ese kuki umuntu arwara izindi ndwara, akarwara SIDA tukamurwaza ntitumutere amabuye, kuki umurwayi wo mu mutwe agomba guterwa amabuye?”

Aha Dr Iyamuremye yahise yifashisha ingero agaragaza uburyo abafite uburwayi bwo mu mutwe bahohoterwa bikanabagiraho ingaruka zikomeye aho yagarutse ku murwayi wo mu Bugesera wafashwe akambikwa amapingu ku buryo yamwinjiyemo maze bakaza kumuca akaboko.

Avuga ko umurwayi wo mu mutwe agomba kwitabwaho nk’abandi barwayi ntatereranwe cyangwa se ngo ahabwe akato nk’uko bikunze kugaragara mu miryango imwe n’imwe.

Aha yavuze ko hari abarwaza abantu babo ubu burwayi bwo mu mutwe bakabajyana mu nsengero, mu byumba by’amasengesho cyangwa mu bapfumu aho usanga banabakorera ibikorwa bitandukanye bishobora gushyira ubuzima bwabo mu kaga.Yanavuze ko abatindana abarwayi babo muri ubu buryo akenshi bibaviramo no gukomerezwa bakaza kugezwa kwa muganga uburwayi bwararengeranye.

Ati “ Hari abantu barwaza ababo bakabanza kubajyana mu nsengero cyangwa mu bapfumu, babona binaniranye bakajya babajyana kwa muganga, bakabajyana bararembye ku bavura bikaba byagorana ku buryo abenshi bibaviramo kugira uburwayi bwo mu mutwe buhoraho[ubumuga bwo mu mutwe] kandi byari gushoboka ko bari guhita bakira iyo bakijyanwa kwa muganga hakiri kare.”

Dr Iyamuremye yavuze ko uburwayi bwo mu mutwe buri mu ndwara zivurwa zigakira iyo uyirwaye ajyanwe kwa muganga agakurikiranwa uko bikwiye. Yanavuze ko hari gukorwa ibishoboka mu korohereza abafite ubu burwayi aho kuri buri vuriro bashyizemo abaganga babiri bavura uburwayi bwo mu mutwe.

Dr Iyamuremye avuga ko abajyana abarwayi bo mu mutwe kubavuriza mu bapfumu no mu nsengero bagira uruhare mu kudakira kwabo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...