konka coffee
KONKA

AMAKURU

UKWEZI

Kigali: Abantu 4 bishwe n’inzoga abandi amaso arahuma

Kigali: Abantu 4 bishwe n’inzoga abandi amaso arahuma
4-04-2018 saa 20:26' | By Akayezu Jean de Dieu | Yasomwe n'abantu 9919 | Ibitekerezo

Kuri uyu wa Gatatu tariki 4 Mata 2018, nibwo umuturage wo mu kagari ka Ruliba, Umurenge wa Kigali mu karere ka Nyarugenge ho mu Mujyi wa Kigali, yapfuye azize inzoga yanyoye mu ijoro rya Pasika. Uyu nyakwigendera wapfuye ariko yaje yiyongera kuri bagenzi be batatu bapfuye bose bazira kunywa iyi nzoga bivugwa ko yari ivanzemo ikiyobyebwenge batasobanukiwe, ndetse hari n’abandi batatu bamaze guhuma.

Abaturage banyoye kuri iyi nzoga bose ni 10 gusa muri bo batatu bahise bapfa ku ikubitiro harimo uwitwa Immaculee Mukagasana, Fortunee Manishimwe ndetse n’uwitwa Niyoyita Theoneste naho undi mugenzi wabo we akaba yitabye Imana mu gitondo cyo kuri uyu wa Gatatu.

Muri aba icumi banyoye kuri iyi nzoga kandi barimo abagore batatu basezerewe mu bitaro bya CHUK kuri uyu wa Gatatu gusa aba bo ngo kuko banyoyeho gake batashye ari bazima mu gihe abandi bo banyoye nyinshi barimo na nyir’akabari bahumye abandi bagapfa.

Umwe mu banyoye kuri izi nzoga kuri ubu wanamaze guhuma bivuye kuri iyi nzoga yavuze ko iyi nzoga ubusanzwe icupa rimwe ryaguraga amafaranga y’u Rwanda magana atatu (300Frw).

Yakomeje avuga ko iyi nzoga yari asanzwe ayizana ariko ngo bakumva irabishye bakamubwira ngo ajye gushyiramo akandi karyoshye ari nabwo yagiye aho gushyiramo akaryoshye ahubwo akabashyiraramo uburozi.

Yagize ati “Twaranyweye bigeze hagati tubona umukecuru arirenze tubonye ijosi arimo kurinaga turavuga duti reka tumujyane kwa muganga tutaramugezayo tubona arapfuye”
Uyu ni umwe mu banyoye kuri iyi nzoga ubu yamaze kuba impumyi arwariye muri CHUK

Nkurunziza ari nawe nyir’aka kabari ari nawe wacuruzaga iyi nzoga yahitanye aba bantu bose yavuze ko yari asanzwe acuruza inzoga z’ibitoki, gusa nyuma aza kujya kurangura inzoga azi ko ari kanyanga ariko yisanga ari uburozi.

Yagize ati “Ubundi njyewe nacuruzaga inzoga z’ibitoki ni ukuvuga ngo naragiye mbiguramo hariya muri kazi ni kazi niho naziguze, aba mbere baranywa ntibagira icyo baba noneho abanyuma baranywa harimo na mama wanjye na bakuru banjye ni bo bafashwe, ni iza alukoro batubeshyabeshya ngo ni za kanyanga atari nazo ubwo rero ndaza mvangavanga mu nzoga nanjye nanyoyeho n’umuryango wange wose abandi barapfuye...

Umuganga w’indwara z’umubiri mu bitaro bya CHUK, Dr Rutaganda Eric yashimangiye ko ubu buhumyi no gupfa kwa bamwe byatewe n’iyi nzoga banyoye, asobanura ko izi nzoga ziba zirimo uburozi kandi butera ibibazo birimo guhuma.

Yagize ati “Bisaba kunywa 30ml, ni ukuvuga ngo ni igice cy’agacupa ka fanta, biba bihagije ubundi ugatangira ubona ibikezikezi hanyuma ugahuma ugacanganyukirwa mu mutwe nyuma ukagwa muri koma ugapfa”

Umuvugizi wa Polisi mu Mujyi wa Kigai, SSP Hitayezu Emmanuel, yavuze ko iperereza ryatangiye kugira ngo harebwe niba koko ibyishe aba bantu ari ibinyobwa bitemewe, nibimuhama uyu mugabo azabihanirwa nk’uko itegeko ribiteganya hatitawe kuba nawe byaramugizeho ingaruka dore ko nawe yamaze kuba impumyi ndetse n’abo mu muryango we bakaba barapfuye. Uyu niwe nyir’akabari nawe yamaze kuba impumyi ariko ngo Polisi iri kumukoraho iperereza ashobora kuzabihanirwa niba yaracuruje inzoga zitemewe zanahitanye abantu


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...