AMAKURU

UKWEZI

Nzamukosha aratabariza umwana we ufite imyenge 2 ku mutima woherejwe kuvurizwa mu Buhinde

Nzamukosha aratabariza umwana we ufite imyenge 2 ku mutima woherejwe kuvurizwa mu Buhinde
11-12-2018 saa 12:00' | By Vincent Nsengiyumva | Yasomwe n'abantu 15339 | Ibitekerezo 14

Umubyeyi witwa Nzamukosha Assoumpa utuye mu kagari ka wa Kinyinya Umurenge wa Kinyinya akarere ka Gasabo aratabariza umwana we witwa Nsabimana Princesse w’imyaka 3 wavukanye umutima munini uriho imyenge ibiri, umwe muri iyo myenge ukaba uvamo amaraso ajya mu bihaha. Uyu mubyeyi arimo gutabaza abanyarwanda ko bamufasha kubona ubushobozi uyu mwana akajya kuvurizwa mu Buhinde kuko mu Rwanda byananiranye.

Nzamukosha Assoumpa avuga ko kuvuza uyu mwana we byananiranye, ngo kuko yatangiye kumuvuza afite amezi 6, amujyana mu bitaro bitandukanye bikomeye byo mu Rwanda nka CHUK ndetse n’ibya Gisirikare bya Kanombe ariko bikomeza kwanga ngo kuko batanamubwiraga uburwayi afite.

Akomeza avuga ko nyuma yaje kumenya ko umwana afite umutima ubyimbye uriho imyenge ibiri, umwe muri iyo myenge ukaba uvamo amaraso ajya mu bihaha, ubuzima bwe bukaba buri mu kaga gakomeye.

Nzamukosha avuga ko yakomeje gukurikirana ngo amenye hakorwa iki ngo umwana we abe yavurwa agakira, abaganga b’Abahinde bamubwira ko kugira ngo akire yajyanwa akavurirwa mu Buhinde bitarenze mu Kwezi k’Ukuboza 2018.

Nsabimana Princesse yavukanye umutima ufite ikibazo gikomeye

Akomeza avuga ko aba baganga bamubwiye ko asabwa ibihumbi cumi na bibiri by’amadorali ya Amerika (12,000$) ni ukuvugaangana na Miliyoni icumi n’ibihumbi Magana ane y’u Rwanda, akubiyemo ayo kumuvuza, ayamufasha kubaho mu gihe yagiye kurwaza umwana ndetse n’itike y’indege kugenda no kugaruka.

Nzamukosha uhangayikishijwe bikomeye n’aho azakura aka kayabo kugira ngo ubuzima bw’umwana we burokorwe, avuga ko uretse kuba Abanyarwanda bamuba hafi bakamugoboka muri iki kibazo, ngo ku bwe nta handi hantu yizeye yakura aya mafaranga.

Yanavuze ko yagiye gutakambira MINISANTE kugira ngo arebe ko hari icyo yamufasha, maze bamubwira ko ingengo y’imari y’umwaka yamaze gutegurwa, bityo ko nta bufasha bamubonera.

Nzamukosha Assoumpa ufite abana batatu, nta mugabo agira kuko yitabye Imana. Mu buzima busanzwe akora akazi ko gucuruza Mituyu n’amakarita ya Telefoni muri Gare ya Nyabugogo.

JPEG - 335.2 kb

Abaganga bagaragaje uburwayi bw’umwana n’ibisabwa kugira ngo ajyanwe kuvuzwa

Uramutse ushaka kugira ubufasha uha uyu mubyeyi, wakoresha nimero 0788888148 kuri Mobile Money ye cyangwa se ugakoresha konti yo muri Equity Bank 4004111219613. Gusangiza abandi iyi nkuru ni ingenzi kuri we kuko akeneye ko abantu benshi bashoboka bamenya ikibazo afite bityo bakaba banaboneraho kumutera inkunga bashoboye iyo ariyo yose.

Yavukanye umutima ubyimbye uza kugira ibibazo byo gutoboka

Nzamukosha Assoumpa n’umwana we Nsabimana


INKURU ZA :
Tanga Igitekerezo
Ibitekerezo 14
dada Kuya 12-12-2018

Amagambo menshi siko gucyemura ikibazo.muzageza he nitiku

nzamukosha assumpta Kuya 12-12-2018

mbanje gushimira abakoze igikorwa cyubwitange. nonese umuntu witwa williams wabajije uko yaumbona ntakuntu yamufasha akamuha nimero ye akoresha kuri whats’up bakazavugana uko byagenda. murakoze kuko uku nikwo kwezi kwanyuma bamuhaye.

jane Kuya 11-12-2018

ERIK numero FRED atanze ntabwo ari iya Fred, ni iyuwo mubyeyi nk’uko ikinyamakuru cyayitanze ni nako Fred yayitanze. Ntabwo ari Rusahuriramunduru rero nkuko ubivuze

Williams Kuya 13-09-2018

Uyu mubyeyi nzamuha 100 euros ,gusa yambwira uko nzamugeraho Simba aho mba muli Europe.

henr Kuya 11-09-2018

mushyireho number za mama w’umwana

Muhire Jean Aime Kuya 11-09-2018

uyu mwana niwe gihugu cyacu kejo hazaza duhagurukire rimwe

dutabare ubuzima bwe,erega ntawamenya iyi si ntisakaye ejo byakugeraho cg nange bikangetaho wibuke ko UHAYE UMUKENE ABA AGURIJE IMANA

erik Kuya 9-09-2018

wowe wiyita fred urashyiraho numero ngo boherezeho amafaranga niwowe urwaye? nawe byakubaho reka kuba rusahurira mu nduru

fakil Kuya 9-09-2018

leta yarangiza fr yubukera rugendo ikayasyira mukuryosya gusa babyina ngo twese bidufitiye akamaro nabonye fr yamenetse ejo musanze ngo nukwiyakira ndumirwa nibavaneho bavuze umwana ariko natwe nkabanyarwa muduhe aho twayasyira kuri conte ya bnk kko tele ntiwameny niba ataruwiyandikiye

fred Kuya 7-06-2018

mureke abakene twigomwe 1000frw twoyohereze kuri 0788888148 kuko nitwe tuzi ububabare afite naho abakire bo barumva bitabareba kuko ari uwabo ntabufasha bakwaka kandi birasaba abakene 12000 gusa bikaba birakemutse.MURAKOZE KWITANGA KUGIRANGO NAMWE IMANA IZABIBUKE MUGIHE MUZABA MWAHUYE NIBIZAZANE NKIBYO.

Vladmir kim jung un Kuya 30-05-2018

Amadini yose (churches) akorera mu Rwanda azigomwe amaturo yose y’icyumweru kimwe guse maze bayatwerere uyu mubyeyi.Nibatabikora azaba atari abakozi b’Imana.Isi iraruhije koko,ariko iyaba ari ukugura ibisasu n’intwaro za kirimbuzi amafaranga yabyo yaboneka vubavuba,

Gasanq Kuya 29-05-2018

Imana imukize,ababishinzwe mwadufasha ibyo abo baganga b’abahinde bize natwe abanyarwanda bacu bakabyiga kuko amafaranga abanyarwanda dutakaza mu Buhinde ni menshi.

Eugénie Kuya 29-05-2018

ariko uyu mwana arababaje nubwo dukennye ariko abanyarwanda batuwe na miliyoni cumi n’ebyri buri wese atanze igiceri c’ifaranga ayo mafranga yaboneka cg se aabakene nubwo arbo benshi tuvuge ko miliyoni 4z’abakize buri wese atanze 1000cg 500 uyu mwana yavurwaa mbona aribwo twaba twihesha agaciro imana idufashe buri yigomwe kk2z’ibirayi.

Dionizi Kuya 29-05-2018

Nyagasani abatere inkunga muzayabona mubashe kuvuza umwana

ttttt Kuya 29-05-2018

Reta nitagufasha se wamubyeyiwe ayomafaranga yava hehe Ko arimenshi?.uretse Imana yonyine gukorera mubantu bayo nahubundi ntibyiroshye

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...