konka coffee
KONKA

AMAKURU

UKWEZI

Sobanukirwa akamaro n’ubwirinzi bukomeye wakura mu kurya igitunguru n’uko wabyitwaramo

Sobanukirwa akamaro n’ubwirinzi bukomeye wakura mu kurya igitunguru n’uko wabyitwaramo
9-07-2018 saa 08:37' | By Muhire Aime Placide | Yasomwe n'abantu 8335 | Ibitekerezo 2

N’ubwo inyandiko zagaragjwe n’abahanga nka Charaka Samhita zemeza ko igitunguru ari umuti, ku isi yose kizwiho ibintu bibiri: gutera impumuro mu kanwa no kuriza umuntu wese gitarukiye mu jisho. Iki kirungo kimenyabose gikoreshwa mu bikoni hafi ya byose bitewe n’impumuro yacyo yihariye cyongera mu mafunguro, imwe mu mpamvu ituma kiba rudasumbwa mu birungo.

Impuguke nka Dr. Jonathan Stegall zikugira inamo yo kurya igitunguru kibisi kuko aribwo kiba gikungahaye ku ntungamubiri n’ubwo ushobora no kukirya gitetse. Hari ubwoko butandukanye bw’ibitunguru bihingwa ndetse bikanaribwa ku isi yose harimo iby’umuhondo, ibitunguru biryohera, iby’umweru, iby’icyatsi kibisi n’ibindi. Bwa mbere, ibitunguru byagaragaye muri Asia mu myaka 5000 mbere y’ivuka rya Yesu Kristo. Sinagambiriye kuvuga amateka cyane; munkundire turebe umumamaro w’ibitunguru ku buzima bwacu.

Intungamubiri ziboneka mu gitunguru:

  • Vitamin C: - Haba harimo miligarama11.1 z’ iyi vitamin mu gitunguru. Ibi ni 19% by’izi vitamin zikenerwa n’umubiri w’umuntu buri munsi.
  • Umunyungugu wa Manganese: Haba harimo miligarama 0.2 bikaba 10% by’uyu munyu ukenerwa n’umubiri wacu buri munsi.
  • Umunyungugu wa Potassium: Haba harimo miligarama 219 z’uyu munyungugu mu gitunguru. Ku mpuzandengo ya 6% z’uyu munyu ukenerwa mu mubiri ku munsi ziba ziri mu gitunguru.
  • Vitamin B6: Miligarama o.2, ubwo ni ukuvuga ko 9% by’iyi vitamin ikenerwa mu mubiri wayisanga mu gitunguru.
  • Folate: Miligarama 28.5 zayo; bisobanura7% bya folate ikenerwa mu mubiri ku munsi wayisanga mu gitunguru.

Akamaro k’igitunguru ku buzima bwa muntu:

  • Ubuzima bwiza bwo mu kanwa: Igihe cyose wahekenye igitunguru ushobora kugira impumuro mu kanwa itishimirwa na benshi gusa burya guhekenya igitunguru bigira uruhare mu kugira ubuzima bwiza bwo mu kanwa harimo no gukomera kw’amenyo. Igitunguru gikungahaye cyane ku binyabutabire birwanya udukoko two mu kanwa dutuma amenyo acukuka, utu dukoko duhura n’akaga iyo umaze hagati y’iminota 2 n’3 uhekenya igitunguru nk’uko urubuga rwa naturalsociety.com rubitingaza.
  • Kugabanya isukari mu mubiri: Abarwayi ba Diabetes bagirwa inama yo gukunda igitunguru nk’umuti, cyane ko gikungahaye ku kinyabutabire cyizwi nka ‘Allyl Propyl Disulphide ‘gifasha mu kugabanya urugero rw’isukari mu mubiri. Iki kinyabutabire gituma utunyangingo twabugenewe turekura umusemburo witwa Insulin ku bwinshi (through stimulation) ari na wo ushinzwe kugabanya igipimo cy’isukari mu mubiri. Mbere yo kurya igitunguru, umurwayi wa Diabetes arabanza agapima ikigero cy’isukari iri mu maraso ye kuko ashobora kuzahazwa no kugabanuka kw’isukari .
  • Kugabanya uburibwe mu matwi: Mu gihe wumva ubabara mu matwi, teka igitunguru ukibirize mu mazi kugeza igihe ubona ko cyoroshye bigaragaza gushya), nurangiza ukivanemo. Banza ufate agatambaro koroshye ugashyire hejuru y’ugutwi hanyuma ushyireho uduce tw’igitubguru wamaze gukatagura maze umutobe wabyo utonyangire mu matwi yawe. Ubu ni ubufasha bw’ibanze mbere yo kujya kwa muganga nk’uko byemejwe binyuze mu bushakashatsi bwakorewe muri kaminuza yitwa Maryland Medical Center mu kinyejana cya 19. Nanone, niba ufite uburibwe ku ruhun’ inkovu zituruka ku bishishi jya usigaho umutobe w’ibitungru.
  • Gukomeza amagufwa: Ubushakashatsi bwakozwe mu w’ 2005 bwagaragaje ko mu bitunguru harimo ikinyabutabire cyahimwe GPCS, ikinyabutabire kigira uruhare mu gukomera kw’amagufwa. N’ubwo ubushakashatsi bwakorewe ku mbeba;bitanga icyizere ko ku bantu nabo byakunda. Ntidukwiye kwibagirwa ko igitunguru kibamo inulin, ikinyabutabire kigira uruhare runini mu igogorwa ry’amafunguro dufata buri munsi.
  • Kurwanya indwara z’umutima: Ntabwo ushobora gutekereza ku mafunguro ngiramumaro ngo igitunguru kize ku mwanya wa mbere! Nyamara, ubushakashatsi bwo mu w’2007 bwasohotse mu Kinyamakuru’ The journal of nutrition’ bwagaragaje ko iki kirungo kifitemo Quercetin, ikinyabutabire kigira uruhare runini mu kugabanya umuvuduko w’amaraso binyuze mu koroshya imitsi itwara amaraso. Nanone, igiitunguru gifasha cyane mu kugabanya kuvura kw’amaraso bigatuma atembera mu mubiri neza. Hatabayeho kuvura kw’amaraso(gufatana) mu mijyana n’imigarura yayo; ibyago byo kurwara indwara z’umutima byagabanuka. Ibi biterwa n’ibinyabutabire bita ‘Organosulfurs’ biba mu gitunguru, bigafasha umutima gukora neza.
  • Kugabanya umunaniro: Niba ujya uzahazwa n’umunaniro ukabije, fata nibura akayiko kamwe k’umutobe w’igitunguru kavanze n’umutobe wa Tangawizi buri gitondo na buri mugoroba. Uretse gutuma usinzira neza, ibi bizakurinda gucika intege n’umunaniro wa hato na hato. Niba urwaye indwara z’ubuhumekero zirimo na Asima, ku miti wandikiwe na muganga wongereho igitunguru bizagufasha koroherwa.
  • Kurwanya cancer: Nkuko byagaragajwe n’ubushakashatsi bwakozwe na Kaminuza ya Guelph, ikinyabutabire cyitwa anthocyanin kiboneka mu ibitunguru bitukura gifite ubushobozi bwo kurwanya cancer y’amabere ku bagore ndetse na cancer yibasira inzira z’igogora.

Kubaho ni rimwe nk’uko bivugwa: niba uzi mugenzi wawe udakunda igitunguru, ba uwa mbere mu kumumenyesha ibyiza byacyo hakiri kare. Niba wiyemeje gufata ibitunguru ku mafunguro yawe, bikore mu buryo buhoraho utazarwara ikirungurira; abagore batwite n’abonsa bakwiye kurya ibitunguru bikeya. Niba wibonyeho ibimenyetso birimo kugira isesemi no kurwara umutwe nyuma yo kurya igitunguru, ihutire kujya kwa muganga.


INKURU ZA :
Tanga Igitekerezo
Ibitekerezo 2
TWARABAMENYE Kuya 29-07-2018

WOWE WIYISE@RUGANO, TWARABAMENYE IBYANYU. MUCURUZA IBIKWANGARI BYITWA "FOOD SUPPLEMENTS" MUKAZA KUBIKORERA PUBLICITE KU MBUGA ZITANDUKANYE CYANE CYANE KU imirasire.com. MUHIMBA INKURU MWARANGIZA MUKAJYA HASI MURI COMMENTS MUKAMAMAZA IBYO BIKWANGARI. IBYO MUCURUZA SI IMITI ( NARABASUYE KURI BURI FOOD SUPPLEMENT MUCURUZA ZIVA CHINA HANDITSE KO " IT DOES NOT REPLACE MEDICINES") MWE MWARANGIZA NGO MUFITE IMITI. FOOD SUPPLEMENT BISOBANURA "INYUNGANIRANDYO". KANDI WABISANGA NO MU BIMERA. SI IMITI RERO

RUGANO Kuya 9-07-2018

Muraho, muri iyi minsi gutera akabariro bikananirana bimaze gufata indi ntera ariko akenshi usanga biterwa n’impamvu zitandukanye, hari igihe biterwa n’umunaniro cg ugasanga abantu baragiye bikinisha bakiri bato, ibyo byose bitera izo ngaruka n’ibindi bitandukanye. Gusa hari umuti nabonye witwa Revive umugabo akoresha mu gihe yaba atera akabariro bikanga, itakibyuka cg c byaranze burundu, uwo muti urabivura, ugakira burundu. uwushaka namufasha nkakugeza aho bawucuruza i Kigali, wampamagara kuri 0789466143.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...