konka coffee
KONKA

AMAKURU

UKWEZI
Minijust

Aba 12 ni bamwe mu bihangange twabuze muri 2018 [AMAFOTO]

Aba 12  ni bamwe mu bihangange twabuze muri 2018 [AMAFOTO]
27-12-2018 saa 14:30' | By Nsanzimana Ernest | Yasomwe n'abantu 7568 | Ibitekerezo 4

Umwaka wa 2018 waranzwe n’ amarira n’ ibyishimo. Bimwe mu byarijije abantu ni ukubura bimwe mu bihangane mu nzego zitandukanye birimo abanyempano, abagiraneza, n’ abanyapolitiki.

Mwozey Radio, Umunya-Uganda wari warigaruriye imitima y’ abakunzi ba muzika kubera impanuro n’ ubuhanga bwo kuririmba yitabye Imana muri 2018, mu kwezi kwa 2 ku itariki ya mbere afite imyaka 33 y’ amavuko.

Donald Moffat wavutse tariki 26 Ukuboza 1930 akamamara kubera filime yakinnye zirimo iyitwa ‘The Thing’ yo mu 1982, yatabarutse tariki 20 Ukuboza 2018.

Ethel Ayler wakinaga filime yitabye Imana ku myaka 88 tariki 18 Ugushyingo 2018. Niwe wakinnye iyitwa “The Cosby Show” (1984-92).


Winnie Madikizela Mandela wigeze kuba umugore wa Nelson Mandela yitabye Imana tariki 2 Mata 2018 afite imyaka 81. Azahora yibukwa cyane by’ umwihariko n’ Abanya Afurika y’ Epfo kubera uruhare yagize mu kubohora iki gihugu afatanije n’ umugabo we Nelson Mandela.

Penny Marshall, witabye Imana azize diabete tariki 17 Ukuboza 2018, yari umukinnyi wa filime akaba n’ umuyobozi w’ amafilime. Yayoboye iyitwa ‘Big’ mu 1988. Niwe mugore wa mbere wayoboye filime. ‘Big’ yinjije miliyoni 100 z’ amadorali y’ Amerika.

Nancy Wilson, wamamaye mujyana ya Jazz ndetse akanahabwa igihembo cya Grammy muri iyi njyana yitabye Imana tariki 13 Ukuboza 2018 afite imyaka 81. Umuzingo w’ indirimbo ze wakunzwe cyane ni ‘Turned to Blue’.

George H.W. Bush arazwi cyane kuko yarwanye intambara ya 2 y’ Isi, aba Perezida wa 41 wa Leta zunze ubumwe za Amerika. Yitabye Imana muri uyu mwaka wa 2018 tariki 30 Ugushyingo afite imyaka 94. Kimwe muri byinshi yibukirwaho ni uko yakundaga abana be cyane.

Al Matthews ni umukinnyi wa filime z’ ibivejuru witabye Imana tariki 22 Nzeli 2018. Niwe wakinnye "Superman III" (1983), "Tomorrow Never Dies" (1997) na "The Fifth Element" (1997). Uretse kuba yarakinnye izi filime yigeze no kuba umusirikare wa U.S mu ngabo zirwanira mu mazi.

Tran Dai Quang wari Perezida wa Vietman yitabye Imana tariki 21 Nzeli 2018 aguye mu bitaro bya gisirikare. Indwara yamuhitanye yagizwe ibanga gusa yapfuye amaze imyaka 2 arahiriye kuba Perezida.

Kofi Annan, ni Umunya-Ghana wabaye Umunyamabanga Mukuru wa Loni. Yitabye Imana tariki 18 Kanama 2018 afite imyaka 80. Ni umwe mu bahawe igihembo cy’ amahoro kitiriwe Nobel kandi yibukirwa ku muhate yari afite wo kurandura HIV/AIDS muri Afurika.

Aretha Franklin, yitabye Imana tariki 16 Kanama 2018. Yari umuririmbyi ukomeye mu njyana ya Rock, ndetse bamuhimbaga umwamikazi wa Roho, yaririmbye mu muhango w’ irahira rya Barack Obama ubwo yagirwaga Perezida wa US.

Patricia Morison yari umuririmbyi akaba n’ umukinnyi wa filime, yitabye Imana tariki 20 Gicurasi 2018 azwi cyane kubera igihangano cye "Kiss Me, Kate" cyo 1948. Yazize izabukuru ageze ku myaka 103.

Abanyarwanda ntabwo bazibagirwa ko tariki 17 Ukuboza 2018 , aribwo umukecuru wo mu karere ka Ruhango witwa Zula Karuhimbi wahishe abantu 150 mu gihe cya Jenoside yakorewe abatutsi mu 1994, yatabarutse azize izabukuru nyuma y’uko yari amaze igihe yarituwe yaranubakiwe inzu nziza.


INKURU ZA :
Tanga Igitekerezo
Ibitekerezo 4
Jojo Kuya 29-12-2018

Ko mwibagiwe na Kim Porter se

-xxxx- Kuya 28-12-2018

Radio niwe wapfuye akiri muto naho abandi bo ndabona Bari bakuze cyane kbs

-xxxx- Kuya 28-12-2018

Radio niwe wapfuye akiri muto naho abandi bo ndabona Bari bakuze cyane kbs

-xxxx- Kuya 28-12-2018

Radio niwe wapfuye akiri muto naho abandi bo ndabona Bari bakuze cyane kbs

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...