konka coffee
KONKA

AMAKURU

UKWEZI

Abaganga b’indwara z’uruhu baraburira abiharaje kwisiga amavuta ya mukorogo

Abaganga b’indwara z’uruhu baraburira abiharaje kwisiga amavuta ya mukorogo
1-07-2018 saa 17:44' | By Vincent Nsengiyumva | Yasomwe n'abantu 3793 | Ibitekerezo 2

Abaganga b’inzobere mu kuvura indwara z’uruhu ndetse n’abahanga mu byerekeye imiti ( Pharmacien ) bahuriye i Kigali mu nama yari igamije kungurana ibitekerezo ku buryo bwo gukumira no kurwanya indwara z’uruhu, bakomoza ku bubi bw’uruvangitirane rw’amavuta bamwe baharaye gukoresha yamenyekanye nka ’Mukorogo’.

Iyi nama yabaye kuwa Gatanu tariki 29 Kanama 2018, yahuriyemo n’abaganga ndetse n’abaganga mu by’imiti baturutse hirya no hino mu gihugu, yateguwe ku bufatanye na KIPHARMA –SEBAPHARMA.

Ingingo nyamukuru y’utuntu nama nyunguranabitekerezo yari iyo kwiga ku buryo bwo kwita ku ruhu no kuvura indwara zitandukanye zifata uruhu zikarwangiza.

Hanagarutswe kandi ku bantu biharaje guhindura uruhu rwabo bakoresheje uruvangitirane rw’imiti inyuranye, ibintu Abahanga mu by’imiti ndetse n’abaganga b’uruhu bavuze ko bigira ingaruka zikomeye ku bisiga ayo mavuta.

Dr Gahongayire Francoise, impuguke mu bijyanye n’indwara z’uruhu, yavuze ko abisiga za mukorogo babikora byabanje kugenzura ngo bamenye ziba zakozwe mu buhe buryo, cyane ko aba ari imiti ivangwavangwa ishobora kugira ingaruka nyinshi kandi zikomeye ku mubiri w’uwayikoresheje .

Yanavuze ko n’ubwo benshi bisiga ayo mavuta ya mukorogo bashaka guhindura uruhu rwabo, ngo ari uko baba batamenye ko bashobora kwegera abaganga bakabagira inama ndetse bakanababwira amavuta yabugenewe bashobora gukoresha bahindura uruhu kandi ntabagireho ingaruka.

Yagize ati “Si mbona impamvu ushaka guhinduka, simbona impamvu ushaka kuba umuzungu kandi uwo muzungu nta n’ubwo uzanaba we kuko kenshi uzasanga ibyo bintu azajya gukoresha, wenda ubwa mbere ibyumweru bibiri cyangwa bitanu azaba koko yishimiye kuba yarahindutse atagifite urwo rukara. Ariko nyuma yaho ahubwo aba mubi kurushaho, nshobora kukwemeza ko hari abantu batakiva mu nzu kubera mukorogo bisize.”

Umuhanga mu by’imiti uyobora Umuryango Nyarwanda ugamije kurushaho kuzamura ubuzima rusange bw’abaturage Organization for public healthy improvement (OPHI) Uwambajineza Tito, yavuze ko aya mavuta ya mukorogo ari ibintu bikorwa n’abantu ahanini baba batabifitiye ubumenyi buhagije.

Yagize ati “Ibya mukorogo ni ibintu bikorwa n’abantu badasobanukiwe icyo umuti aricyo, kubera ko iyo uri umuhanga mu by’imiti uba uzi ngo niba ari imiti ugiye kuvanga, urayivanga ku ruhe rwego, urashyiramo niba wenda nabyita nk’ubukana."

Yunzemo ati "Ubukana bw’uyu muti nimbuvanga n’ubwuyu burakemura ikibazo umuntu afite? Ibyo ngibyo rero bikorerwa inyingo ukanabyemererwa n’inzego zigiye zitandukanye ntabwo ari ibintu ujya ahantu hihishe ukavangavanga ugahereza abantu.”

Uwambajineza yavuze ko hari igihe abakora mu mwuga wa farumasi cyangwa abandi bahanga mu by’imiti baha abaturage imiti batabanje kumenya iyo bakeneye, by’umwihariko iyi y’uruhu avuga ko rugira ibyiciro bitandukanye birimo uruhu ruba rwumye, urw’amavuta n’uruhu rukakaye cyane.

Abahanga mu by’imiti ndetse n’inzobere z’abaganga n’indwara z’uruhu bagarutse ku ngaruka z’amavuta ya mukorogo

Umuhanga mu by’imiti uyobora Umuryango Nyarwanda ugamije kurushaho kuzamura ubuzima rusange bw’abaturage (OPHI) Uwambajineza Tito


INKURU ZA :
Tanga Igitekerezo
Ibitekerezo 2
T Tuyisabe Ildephonse Kuya 4-07-2018

Ingarukaninyishi’ikibazo nuko bifuzagusubira ukobahoze bikabananira ugasanga ’havuyemokudindira kwimirimo bakoraga murakoze Mujyemubagira inama

Sylvan Kuya 1-07-2018

Bakomereze aho ni sawa

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...