AMAKURU

UKWEZI
Canal+ christmax

Abana 42 bavukiye mu bitaro bitadukanye byo muri Kigali ku munsi wa Noheli

Abana 42 bavukiye mu bitaro bitadukanye byo muri Kigali ku munsi wa Noheli
26-12-2020 saa 09:20' | By UKWEZI | Yasomwe n'abantu 1612 | Ibitekerezo 2

Abana 42 bavukiye mu bitaro bitandatu byo mu Mujyi wa Kigali, ku wa 25 Ukuboza 2020, Umunsi Isi yose yizihizaho Isabukuru y’Ivuka rya Yezu Kristu uzwi nka ‘Noheli.’

Noheli ni umunsi ufatwa nk’uwavutseho Yezu Kristo kandi Abakristu b’ingeri zitandukanye bawufata nk’umunsi ukomeye mu myemerere yabo.

Kuri uwo munsi abana 12 bavukiye mu bitaro bya Kacyiru, mu gihe 15 bavukiye mu bitaro bya Muhima byo mu karere ka Nyarugenge, barindwi bakavukira kuri Hôpital La Croix Du Sud.

Mu bitaro by’Umwami Faisal havukiye abana bane, mu gihe abandi batandatu bavukiye mu bitaro bya Kibagabaga.

Bamwe mu babyeyi bibarutse ku munsi mukuru wa Noheli babwiye The New Times ko buzuye ibyishimo.

Elizabet Ugirumubyara yagize ati “ntabwo nari niteze kwibaruka ku munsi mukuru wa Noheli, nari maze iminsi ibiri mu bitaro ariko nibarutse mu ijoro rya Noheli”.

Yongeyeho ko yari yarabisabye Imana, ati “igihe Noheli yegerezaga, nari natinze kwibaruka, nsenga Imana nyisaba ko umwana wanjye yavukira umunsi umwe n’uwo Umukiza Yesu yavukiyeho, Imana yumvise gusenga kwanjye ari nayo mpamvu umutima wanjye usazwe n’ibyishimo”.

Uyu mubyeyi yise umwana we w’umuhungu ‘Ishimwe Ganza Arthur’.

Ku ruhande rwa August Mugiraneza, na we ufite umugore wibarutse kuri Noheli, yagize ati “ibi byerekana ko umwana wacu azakurikiza imigenzereze ya Yesu kandi urugo rwacu rukazuzura imigisha n’amasengesho”.

Ku ruhande rw’abaganga, bavuga kubyara kuri Noheli bishimisha ababyeyi cyane.

Muganga Victorien Ndacyayisenga yagize ati “birashimisha cyane kubyara kuri Noheli, ababyeyi benshi baterwa ishema no kwibaruka muri ibi bihe by’iminsi mikuru”.

Ku bwa Mathilde Uwimbabazi, Ukuriye serivise zo kubyara mu bitaro bya Muhima, nawe yavuze ko kubyara kuri Noheli bitera ababyeyi akanyamuneza.

Yagize ati “birabashimisha, ababyeyi benshi babifata nk’umugisha kubyara kuri Noheli, bakumva ari igikorwa cy’indashyikirwa bagezeho”.

Noheli ni Umunsi usobanuye byinshi mu myizerere ya Gikirisitu, kuko ari bwo Umukiza Yesu Kristu yavutse, azanywe mu Isi no gucungura abayituye, nk’uko imyizerere ya Gikirisitu ibivuga.


INKURU ZA :
Tanga Igitekerezo
Ibitekerezo 2
Maso Kuya 29-12-2020

Imbuto ya guma mu rugo utangaye kwera da. K’ubunani hazavuka 100,ainsi de suite

H Kuya 26-12-2020

Oya si ukuvuga ko ari bwo yavutse, ahubwo nibwo bazirikana igihe yavukiye. About bose Kristu abahe gukura neza.

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA