AMAKURU

UKWEZI
pax

Abantu 3 bakize Coronavirus i Rusizi basezerewe

  Abantu 3 bakize Coronavirus i Rusizi basezerewe
23-06-2020 saa 15:25' | By Akayezu Jean de Dieu | Yasomwe n'abantu 2119 | Ibitekerezo

Abantu babatu ari nabo ba mbere bakize icyorezo cya COVID19 giterwa na Coronavirus kuva cyagera bwa mbere mu Karere ka Rusizi bakize neza bahita basezererwa mu bitaro basubira mu miryango yabo.

Ku wa 31 Gicurasi 2020 nibwo mu Karere ka Rusizi hagaragaye abantu batanu banduye Coronavirus barimo abacuruzi, abashoferi n’umumotari umwe.

Kuva icyo gihe imibare y’abanduye Coronavirus I Rusizi ntisiba kwiyongera umunsi ku munsi ndetse inzego z’ubuzima n’iz’umutekano mu gihugu zikomeje gushyira imbaraga mu gukaza ingamba zo gukangurira abaturage kwirinda.

Kuri uyu wa Kabiri tariki 23 Kamena 2020, nibwo abantu batatu ba mbere bakize iki cyorezo muri kariya karere ndetse bahita basezererwa bataha iwabo.

Abatashye uyu munsi bavurirwaga mu Kigo Nderabuzima cya Nyakarenzo giherereye mu Murenge wa Nyakarenzo, Akarere ka Rusizi.

Abarwayi basigaye muri iki kigo nderabuzima cya Nyakarenzo ni 31.

Aba baturage bavuze ko bishimiye kuba bakize iki cyorezo kandi bashimira cyane Leta yabahaye ubufasha bwose kugeza bakize.

Umuyobozi Mukuru w’Ikigo cy’Igihugu cy’Ubuzima, RBC, Dr Nsanzimana Sabin yabwiye UKWEZI ko byemejwe ko aba baturage bakize nyuma yo gufatwa ibipimo bibiri bigaragaza ko nta cyorezo kikiri mu mubiri wabo.

Yakomeje agira ati “Hafashwe ibipimo bibiri bikurikirana bigaragara ko nta Coronavirus iri mu mubiri wabo.”

Dr Nsanzimana yakomeje avuga ko kugeza ubu muri Rusizi abaturage bakomeje kubahiriza amabwiriza ya Guma mu Rugo mu gihe inzego z’ubuzima ziri gushakisha abarwayi.

Yakomeje agira ati “Abaturage bakomeje kuguma mu rugo, kuko haracyari kare nubwo hari abakize ariko haracyagaragara abantu bashya banduye buri munsi ariko ikipe yacu ibishinzwe ikomeje kubashakisha no gufatanga n’izindi nzego mu gukangurira abaturage kubahiriza ingamba z’ubwirinzi.”

Kuva umurwayi wa mbere wa COVID-19 agaragaye mu Rwanda ku wa 13 Werurwe 2020, ni ku nshuro ya mbere habonetse abanduye benshi mu munsi umwe ; byaherukaga ku wa 14 Kamena no ku wa 20 Kamena 2020 ubwo habonekaga abantu 41 banduye. Abantu batatu bavurirwaga Coronavirus mu Kigo Nderabuzima cya Nyakarenzo bakize barataha


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...