AMAKURU

UKWEZI
cheno 2020

Abanyarwanda 9 Uganda yarekuye bari kwitabwaho n’ ibitaro bya Kanombe

Abanyarwanda 9 Uganda yarekuye bari kwitabwaho n’ ibitaro bya Kanombe
9-01-2020 saa 23:41' | By Nsanzimana Ernest | Yasomwe n'abantu 3717 | Ibitekerezo

Minisitiri w’Ubuzima Diane Gashumba ari kumwe na Minisitiri w’Ububanyi n’Amahanga Vincent Biruta basuye Abanyarwanda 9 baherutse kurekurwa na Uganda aho bari kwitabwaho n’abaganga mu Bitaro bya Gisirikare i Kanombe.

Saa sita z’ ijoro ryo kuri uyu wa 9 Mutarama 2020 nibwo aba banyarwanda 9 bageze mu Rwanda. Leta y’ u Rwanda ivuga ko Abanyarwanda Uganda ifunze mu buryo bunyuranyije n’ amategeko barenga 100.

Abagiye bava muri Uganda bafunguwe muri ubu buryo bagiye batanga ubuhamya bagaragaza ubuzima bubi bari babayeho muri Uganda, bamwe muribo babaga bafite inguma abandi barangiritse zimwe mu ngingo z’ umubiri kubera iyicarubozo bakorerwa.

Abarekuwe ni Rene Rutagungira, Herman Nzeyimana, Nelson Mugabo, Etienne Nsanzabahizi, Emmanuel Rwamucyo, Augustin Rutayisire, Adrien Munyagabe, Gilbert Urayeneza na Claude Iyakaremye.

Nyuma yo kugera mu Rwanda kuri uyu wa Kane, Rutagungira uri mu Banyarwanda ba mbere bashimutiwe i Kampala, yavuze ko yafashwe ku wa 05 Nyakanga 2017 afungwa amezi atatu muri Gereza z’Urwego rushinzwe iperereza mu gisirikare, CMI.

Perezida Kagame yigeze kuvuga ko uyu Rene Rutagungira abarwanyi ba RNC bamusabye kubiyungaho arabyanga bituma akomeza gufungirwa muri Uganda.

Abarekuwe uko ari 9 bahise boherezwa mu Bitaro bya gisirikare I Kanombe ngo basuzumwe ndetse Minisiteri y’ ubuzima ibinyujije ku rubuga rwa Twitter yatangaje ko yashyizeho itsinda ry’ abaganga bo kubitaho no kubavura.

Umuvugizi wa Guverinoma y’ u Rwanda akaba na Minisitiri w’ Ububanyi n’ amahanga Dr Vincent Biruta wasuye aba banyarwanda ari kumwe na Minisitiri w’ Ubuzima Dr Diane Gashumba mu kiganiro aheruka kugirana n’ abanyamakuru yavuze ko kuba Uganda yarekuye aba banyarwanda 9 ari intambwe nziza mu mubano w’ ibi bihugu umaze imyaka irenga ibiri utifashe neza.


Rene Rutagungira na bagenzi be mbere y’ uko boherezwa mu Rwanda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...