konka coffee
KONKA

AMAKURU

UKWEZI
Minijust

‘Abarokotse Jenoside 35% bafite ibibazo by’ ubuzima bwo mu mutwe’

‘Abarokotse Jenoside 35% bafite ibibazo by’ ubuzima bwo mu mutwe’
4-03-2019 saa 16:30' | By Nsanzimana Ernest | Yasomwe n'abantu 1095 | Ibitekerezo

Ikigero cy’ agahinda gakabije mu Rwanda kiri kuri 11,9% muri rusange ariko mu barokotse Jenoside yakorewe Abatutsi by’ umwihariko iki kigero kiri kuri 35,6%.

Inzobere mu kuvura indwara zo mu mutwe, akaba n’Umuyobozi w’agashami gashinzwe ubuvuzi bwo mu mutwe, mu Kigo cy’Igihugu cy’Ubuzima (RBC) Dr Jean Damascène Iyamuremye yatangaje ko abantu 223,500 umwaka ushize bagiye mu bitaro bya Leta kwivuza indwara zo mu mutwe.

Muri 2017 na 2018, Ikigo RBC gifatanije n’ abarimo Kaminuza y’ u Rwanda n’ urwego rw’ ubutabera bakoze inyigo igamije kumenya uko ubuzima bwo mu mutwe buhagaze. Ni inyigo yakorewe ku bantu ibihumbi 20 000 barimo 1 200 barokotse Jenoside.
Dr Iyamuremye amurika ibyavuye muri iyi nyigo yavuze ko basanze agahinda gakabije mu Banyarwanda kari kuri 11,9% na 35% ku barokotse Jenoside yakorewe abatutsi mu 1994.


Dr Iyamuremye Jean Damascene

Dr Iyamuremye yavuze ko abashakashatsi basanze ababajijwe hafi ya bose bazi ko serivise zita ku buzima bwo mu mutwe zihari ariko bake muribo nibo bafite ubushake bwo kuzigana

Yakomeje agira ati “Nubwo hakenewe ubushakashatsi kugira ngo hamenyekane impamvu zituma abarwayi batitabira kwivuza, zimwe muzo abashakashatsi babonye ni akato, ubumenyi buke butuma badafata ikibazo cyo mu mutwe nk’ indwara, hakaba n’ abafite imyizerere y’ uko bene izi ndwara zivurwa n’ abapfumu”

The New Times yatangaje ko Dr Iyamuremye yavuze ko mu bitera Abanyarwanda ibibazo byo mu mutwe 18% ari HIV/AIDS ariko ko hari n’ izindi mpamvu zirimo n’ ubukene.
U Rwanda rufite inzobere mu mitekerereze ya muntu 2000 n’ abandi 12 bari kuminuza ibijyanye n’ ubuzima bwo mu mutwe.

Ishami ry’ Umuryango w’ Abibumbye ryita ku buzima OMS, rivuga ko umuganga umwe wo mu mutwe yita ku bantu 100 000, ndetse ko 40% by’ ibihugu bigize isi igitanda kimwe mu bitaro bivura izi ndwara kiba kigenewe abantu 10 000.

Magingo aya ibihugu birenga 40% ntibifite politiki yo guhangana n’ ibibazo byo mu mutwe naho ibirenga 30 ntibifite gahunda yo kwita ku buzima bwo mu mutwe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...