AMAKURU

UKWEZI
Canal+ christmax

Bibiliya irimo amagambo menshi akomeretsa abafite ubumuga- NUDOR

Bibiliya irimo amagambo menshi akomeretsa abafite ubumuga- NUDOR
5-12-2020 saa 17:07' | By UKWEZI | Yasomwe n'abantu 1866 | Ibitekerezo 6

Ihuriro ry’Imiryango y’Abafite Ubumuga (NUDOR) ritangaza ko zimwe mu mvugo zigikoreshwa mu gitabo gitagatifu kizwi nka ‘Bibiliya’ zipfobya kandi zigakomereysa abafite ubumuga.

Imvugo zikoreshwa muri ibi bitabo byo hambere nka Bibiliya akenshi usanga zirimo izitajyanye n’igihe tugezemo bigatuma hari benshi bajya basaba abayobozi b’amadini ari nabo bafite mu nshingano ikoreshwa ry’ibi bitabo ko bareba icyakorwa ngo imvugo zihindurwe.

Umuyobozi wa NUDOR [National Union of Disability Organizations of Rwanda], Bizimana Dominique avuga ko ari Umukristu Gatolika ariko hari igihe ajya mu misa agataha yakomeretse kubera imvugo ziba zakoreshejwe.

Ati “Hari igihe mbona umwanya ngiye gusenga ndi mu mwuka nagera mu misa nkavamo numva nasitaye kubera amagambo ankomeretsa. Ugeraho ukibaza uti ese Bibiliya n’abafite ubumuga hari icyo bapfa."

"Bibiliya ifite amagambo akomeretsa abantu hari n’igihe wumva hari aho bavuga ngo Yezu arimo agenda ahura n’igipfamatwi, umuntu wahanzwe..””

Ikiganiro na Bizimana uyobora NUDOR

Mu kiganiro yagiranye na UKWEZI yavuze ko bakomeje gukora ubuvugizi kugira ngo barebe ko izi mvugo hari icyo zahindurwaho.

Yagize ati “Kwigisha ni uguhozaho, dufite uburyo duhuza imiryango itandukanye ku buryo duhura n’abashinzwe amadini kuganira nabo kuri icyo kibazo.”

Ubuyobozi bwa NUDOR buvuga ko hari amasezerano bagiranye n’Itorero rya EPR ko ntawe uzabuza abantu kuvuga amagambo uko yanditse muri Bibiliya ariko umwugisha akagira umwanya wo gusobanurira abakristo.

Bizimana avuga ko hari n’ibiganiro byari byatangiye byo kureba uko Bibiliya yahindurwa kugira ngo ayo magambo avemo ariko ari ibintu bisaba igihe kirekire.
Ikiganiro na Bizimana uyobora NUDOR


INKURU ZA :
Tanga Igitekerezo
Ibitekerezo 6
b Kuya 8-01-2021

ahubwo njye mbona amazina bavuga aba ari ibisobanuro by’ubwo bumuga Atari amazina, none se bibiliya ko ibaho imyaka myishi buri wese azanye impinduka ze muri politique bibiliya yajya ihinduka buri gihe. kereka niba bibila nyarwanda zitanditse muburyo izindi zanditse, ni igitabo mpuzamahanga

Eric Kuya 8-12-2020

jye mbana n’ubumuga ark rimwe numva haraho dukabya kuko hari aho dufata igisobanuro tugashaka ko aribyo twita izina nkurwo rugero atanze « igipfamatwi » ufite nubumuga bwamatwi bikaba izina ntabwo aribyo

Dusabe Kuya 8-12-2020

arko koko ubu njyiye kumirwa nakakanya ubu murumva mugiye no guhindura amagambo ari muri bible muranatinyuka cyakoze no kubivuga ubwabyo muzikururira ibyago birenze nibyo mufite

s Kuya 6-12-2020

hari ibizatuma bibiliya idakurwamo ayo magambo. abayobozi bacu bahindaguraimvugo bakurije uko bavuga. urugero :
igihekane njye nagikuye bakigira nge ; mu byukuri uyu yashingiye ku ki :, nihaza uvuga ikigoyi "nta" azayihindura "nda" " mpa" ayihundure "mba", guhindura amazina n’uturere,.... ibi nibyo ihuriro ry’amadini ya kristo ashingiraho , avuga se nitubihindura uyu munsi, ejo hakaza undi nawe agashyira ibye,... amaherezerezo azaba ayahe.

Ayiki J.Felix Kuya 6-12-2020

Hazabona ishyano umuntu uzagira icyo akura cg yongera kuri ayamagambo uyisoma wese abyitondere ! noneho iyohabahazwi abayanditse bakiriho barikujyanwa munkiko.

Olivier Kuya 5-12-2020

Ariko ntitugakabye ngo dushake guhindura amazina kuko niko ubuzima buba bumeze,nk uko habaho umutindi,umuhanya,umukire,no nk uko habaho i yo bibazo bindi by ubumuga kd amagambo yabyo ni ayo ngayo nyine,mu zindi ndimi twwumva deaf,borgne,muet...

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA