AMAKURU

UKWEZI
Canal+ christmax

COVID-19 : Mu nkingo miliyoni 2 u Rwanda rwaguze rwamaze kwakira iza mbere

COVID-19 : Mu nkingo miliyoni 2 u Rwanda rwaguze rwamaze kwakira iza mbere
3-09-2021 saa 08:13' | By Martin | Yasomwe n'abantu 589 | Ibitekerezo

U Rwanda rwakiriye dose ibihumbi 108 z’inkingo za COVID-19 zo mu bwoko bwa Johnson& Johnson zije ari icyiciro cya mbere mu nkino miliyoni 2,1 zaguzwe na Guverinoma y’u Rwanda.

Ni inkingo zakiriwe ku mugoroba wo kuri uyu wa Kane tariki 02 Nzeri 2021 aho ubu bwoko bwa bwa Johnson & Johnson ari bwo bushya bwinjiye mu Rwanda mu gihe ubwari bumaze kugera mu Rwanda bwanakoreshejwe ari AstraZeneca ndetse na Phizer.

Ubu bwoko bwa Johnson & Johnson butandukanye n’ubundi bwoko bw’inkingo kuko utewe uru rukingo ahabwa doze imwe gusa mu gihe izindi zo bisaba guterwa doze ebyiri cyangwa zirenze.

Izi dore 108 000 za Johnson & Johnson zibaye icyiciro cya mbere mu nkingo 2 191 000 zaguzwe na binyuze muri gahunda yo kugura no gukwiza inkingo mu bihugu bya Afurika izwi ku izina rya AVAT.

Ibi biratanga icyizere cyo kugera ku ntego yo kugera ku mubare wifuzwa w’abaturage bagomba gukingirwa mu Rwanda aho nibura hifuzwa ko umwaka utaha wa 2022 wazarangira hamaze gukingirwa 60% ari na wo mubare wifuzwa.

Kugeza ubu mu Rwanda hamaze gukingirwa abantu 1 592 405 barimo 782 834 bamaze guhabwa doze zombi.

Umujyi wa Kigali umaze gukingirwamo umubare munini, ubu hari n’igikorwa cyo gukingira abantu bose bafite kuva ku myaka 18 y’amavuko.

UKWEZI.RW


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA