AMAKURU

UKWEZI
pax

COVID19 : Hongeye kuboneka abantu benshi banduye iki cyorezo mu Rwanda

COVID19 : Hongeye kuboneka abantu benshi banduye iki cyorezo mu Rwanda
20-06-2020 saa 21:57' | By Akayezu Jean de Dieu | Yasomwe n'abantu 2624 | Ibitekerezo 1

Imibare ya Minisiteri y’Ubuzima mu Rwanda igaragaza ko kuri uyu wa Gatandatu tariki 20 Kamena 2020 mu Rwanda habonetse abarwayi bashya mirongo ine n’umwe (41) ba COVID-19.

Ni ubwa kabiri mu Rwanda habonetse abarwayi bangana gutya kuva iki cyorezo cya COVID19 giterwa n’agakoko gashya ka Coronavirus cyagera mu gihugu.

Iyi mibare yaherukaga ku Cyumweru tariki 14 Kamena 2020, ubwo habonekaga nanone abarwayi bashya 41.

Muri rusange Minisiteri y’Ubuzima itangaza ko abarwayi bagaragaye uyu munsi ari 41, mu gihe abakize bagataha iwabo ari batandatu, aba bose babonetse mu bipimo 3,116 byafashwe mu masaha 24 ashize.

Minisiteri y’Ubuzima ivuga ko abo barwayi bashya ngo bakomeje kugaragara muri Rusizi, igasaba Abaturarwanda bose gukomeza kwitwararika.

Umuyobozi Mukuru w’Ikigo cy’Igihugu cy’Ubuzima, RBC, Dr Nsanzimana Sabin yavuze ko abarwayi bagaragaye bijyanye n’ibipimo byinshi biri gufatwa mu karere ka Rusizi ndetse n’abatwara imodoka zambukiranya imipaka.

Yakomeje agira ati “Iyi mibare iratwibutsa ko Koronavirusi igihari—ntakwiraara ariko #tuzatsinda”

Kuva umurwayi wa mbere wa Coronavirus yagaragara ku butaka bw’u Rwanda ku wa 13 Werurwe 2020, abantu 108,005 nibo bamaze gupimwa iki cyorezo.

Muri aba bose abagera ku 702 nibo byagaragaye ko bacyanduye mu gihe abandi 357 bamaze gukira naho abandi 343 baracyarwaye naho abantu babiri nibo bamaze guhitanwa na COVID19 mu Rwanda.


INKURU ZA :
Tanga Igitekerezo
Ibitekerezo 1
Famic Kuya 20-06-2020

Yewe ndabona biteye ubwoba

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...