konka coffee
KONKA

AMAKURU

UKWEZI

Gicumbi: Ababyeyi b’umwana waciwe igitsina ari gusiramurwa barahangayitse

Gicumbi: Ababyeyi b’umwana waciwe igitsina ari gusiramurwa barahangayitse
27-08-2018 saa 20:46' | By Vincent Nsengiyumva | Yasomwe n'abantu 7708 | Ibitekerezo 2

Umugabo witwa Kanyenyeri Claude utuye mu nkambi ya Gihembe iherereye mu karere ka Gicumbi ahangayikishijwe bikomeye n’ubuzima bw’umwana we w’umuhungu waciwe igitsina n’abaganga ubwo bari mu gikorwa cyo kumusiramura mu mwaka wa 2016 none ngo ubuzima bwe bukaba butameze neza.

Kanyenyeri avuga ko abaganga bo mu kigo Nderabuzima kiri muri iyi nkambi ya Gihembe bamusiramuriye umwana nabi, bamuca igitsina none ubu umwana amerewe nabi ku buryo ngo babona icyizere cy’uko azakira cyarayoyotse.

Yagize ati “Mu mpera za 2016 twagiye gusiramuza umwana wacu w’umuhungu kuri ubu ufite imyaka 10 y’amavuko ku Kigo Nderabuzima kiri muri iyi nkambi bamusiramura nabi bimuviramo gucika igitsina kuko bagiciyemo kabiri.”

Uyu mugabo yabwiye TV1 ko ubwo abaganga bo muri iki kigo nderabuzima bamaraga gukora aya makosa, ngo yabajyanye mu nkiko maze urukiko rutegekako cyishyura uyu muryango indishyi y’akababaro igera kuri miliyoni icumi n’igice z’amafaranga y’u Rwanda kubw’amakosa yakozwe n’abaganga bacyo.

Kanyenyeri avuga ko umuryango we utewe impungenge n’uko umwana wabo ashobora kutazabyara akurikije ibyo yabwiwe n’abaganga, bityo akifuza ko leta yamuha ubufasha umushinga ARC ukora ibikorwa by’ubuvuzi muri iyi nkambi ukamuha indishyi z’akababaro nkuko inkiko zabitegetse.

Kamanzi Straton umukozi wa MIDMAR uyobora inkambi ya Gihembe yemera ko habayeho ikosa mu gusiramura uyu mwana nyuma nyuma umushinga ARC ugategekwa kumuvuza.

Yakomeje avuga ko bari bazi ko ikibazo cyakemutse ahubwo ko nabo batunguwe n’uko bumvise kitarakemurwa. Uyu muyobozi yanavuze ko bagiye kubikurikirana vuba na bwangu umuryango w’umwana uhabwe ubutabera.

Abo mu muryango w’umwana bavuga ko kugeza ubu agifite ikibazo cyo kugorwa no kwihagarika kuko rimwe na rimwe ngo igitsina inzira isohora inkari iraziba yajya kwihagarika bikananirana ndetse ngo akanaribwa cyane.


INKURU ZA :
Tanga Igitekerezo
Ibitekerezo 2
Nsabimana Jean Pierre Kuya 21-09-2018

Ubutabera bw’igihugu nibumuhe ubutabera nyabwo kdi byihutirwa kuko iyo kirazira y’umuco nyarda

Claude Kuya 30-08-2018

Ariko akazi lose kagira RISK abanyarwanda tujye twihangana,none nahabwa 10mllions zizavuza uriya mwana akire kweli?

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...