AMAKURU

UKWEZI
ubumwe

Gisagara Yannick witabye Imana hari amagambo ateye agahinda yari aherutse kubwira umurwaza we

Gisagara Yannick witabye Imana hari amagambo ateye agahinda yari aherutse kubwira umurwaza we
27-06-2019 saa 20:36' | By Nsanzimana Ernest | Yasomwe n'abantu 21615 | Ibitekerezo 6

Habimana Jean Claude wari umaze igihe kirekire arwaje Gisagara Yannick witabye Imana kuri uyu wa 27 Kamena 2019, saa cyenda z’ igicamunsi yavuze ko azahora yibuka amagambo yari aherutse kubwirwa na nyakwigendera wari inshuti magara.

Yannick witabye Imana yari afite imyaka 23 iwabo hari mu karere ka Rwamagana mu murenge wa Kigabiro. Yari amaze imyaka 3 arwaye impyiko zombi.

Muri 2016 nibwo abaganga babwiye Yannick ko arwaye impyiko, ndetse ko hakenewe miliyoni 19 kugira ngo yoherezwe kuvurirwa mu Buhinde.

Abanyarwanda biganjemo urubyiruko bakusanyije amafaranga ngo uyu musore age kuvurirwa mu Buhinde. Gusa muri 2018 Leta y’ u Rwanda yemeye kwishyurira Yannick ubuvuzi bwose azakenera mu Buhinde. Muri Mutarama 2019 uyu musore n’ umurwaza we wari wemeye no kumuha impyiko burira indege bajya mu Buhinde.

Habimana wari urwaje Yannick yabwiye UKWEZI ko bageze mu Buhinde Yannick atabazwe ngo ahabwe impyiko ko ahubwo abaganga bo mu Buhinde bamuvuye bisanzwe agaruka mu Rwanda muri Werurwe.


Nyakwigendera Gisagara Yannick ubwo yari mu ndege agiye kuvurirwa mu Buhinde

Uyu murwaza yatubwiye ko nyakwigendera yari amaze ukwezi n’ igice ari muzima nta kibazo afite, gusa ngo yajyaga kunyura mu cyuma kiyungurura amaraso.

Tariki 19 Kamena uyu mwaka Yannick yatelefonnye Habimana amubwira amagambo akomeye yatumye yumva agize agahinda nk’ uko yabidutangarije.

Yannick ngo yagize ati “Claude wandwaje igihe, twarabanye, urabizi ko iyo umuntu arwaye hari igihe avuga nabi, ariko umbabarire!! Urabona hari n’ igihe nakwitahira, gusa nyine Claude wambereye umuvandimwe, nawe Imana izagufashe”.

Habimana avuga ko Yannick amubwira ibi, yari akomeye nta kibazo afite ati “Gusa abimbwira nagize agahinda ndibaza nti se kuki ambwiye ibi bintu?”.

Yannick yitabye Imana amaze iminsi 2 muri koma yagiyemo kuva ku wa kabili w’ iki cyumweru. Ngo kujya muri koma byatewe n’ uko yari yagize ikibazo cyo kuvira imbere amaraso akajya mu mutwe.

Habimana na Yannick baherukaga kuvugana ku Cyumweru , icyo gihe Yannick yavuze ko yumva atameze neza mu mutwe ariko atari ibintu bikomeye.

Amaze kugwa muri koma ku wa Kabili bamujyanye mu bitaro byitiriwe Umwami Faisal basanga hari abarwayi benshi cyane, bamujyanye CHUK basanga naho ni uko, niko kumujyana mu bitaro by’ I Kanombe aho yapfiriye.

Biteganyijwe ko azashyingurwa ejo ku wa Gatanu saa cyenda z’ amanywa iwabo I Rwamagana. Abazajya gushyingura baturutse I Kigali bazahaguruka saa tatu za mugitondo.


INKURU ZA :
Tanga Igitekerezo
Ibitekerezo 6
Patrick Kuya 1-07-2019

Ruhukira Mumahoro Nejo Natwe Tukagusanga

Patrick Kuya 1-07-2019

Ruhukira Mumahoro Nejo Natwe Tukagusanga

Josiane Kuya 29-06-2019

RIP Ruhukira mu mahoro kdi Imana iguhoze intimba yose wagiriye mwisi😭😭😭

Igbacio Kuya 29-06-2019

Imana imuhe iruhuko ridashira, ariko njyewe mbona harabaye gutinda kubona ubufasha bitewe nizo ngendo zose ava mubitaro ajya mubindi, ahakirirwa abantu nkaba haracyari hacyeya mugihugu cyacu, byakabaye byitabwaho cyane

Mahoro saskia Kuya 28-06-2019

R.i.p Yannick imana ikwakire yagukunze kuturusha Hari impamvu 😪😪😪

Denis Kuya 28-06-2019

Pauvre! Yannick humura urikumwe ni Uwiteka kd aho wagiye ndizera ko muri kumwe

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...