konka coffee
KONKA

AMAKURU

UKWEZI

Hagiye gukorwa ubushakashatsi buzagaragaza umubare mushya w’abanduye SIDA

Hagiye gukorwa ubushakashatsi buzagaragaza umubare mushya w’abanduye SIDA
26-09-2018 saa 20:31' | By Vincent Nsengiyumva | Yasomwe n'abantu 930 | Ibitekerezo

Leta y’u Rwanda ibinyujije muri MINISANTE, igiye gukora ubushakashatsi (Rwanda Population Based HIV Impact Assessment,RPHIA) buzagaragaza imibare mishya y’abanduye Virus ya SIDA.

Mu bushakashatsi bwakozwe mu mwaka wa 2015 bwagaragaje ko abanyarwanda babana na Virus itera SIDA ari 3% mu gihugu hose

Ubu bushakashatsi bwa RPHIA, bugiye gukorwa mu Rwanda ku nshuro ya mbere, bugamije kwerekana umubare w’ubwandu bushya bwa Virus itera SIDA mu gihugu hose ndetse gukangurira abanyarwanda gahunda zitandukanye zo kuyirinda no kuyirwanya.

Minisante ivuga ko iki aricyo gihe cyo kureba uko icyorezo cya SIDA gihagaze mu Rwanda nyuma y’imyaka isaga 10 gahunda zo gutanga imiti igabanya ubukana bwa Virus itera SIDA isakajwe mu gihugu.

Ushinzwe gahunda z’ubujyanama no kwipimisha ku bushake virusi itera SIDA muri RBC, Beathe Sangwayire, yavuze ko ubu bushakashatsi buzafasha kumenya ahari intege nke maze babonereho kuhakosora no kumenya imibare fatizo izafasha mu igenamigambi .

Yagize ati “ Ubushakashatsi nibwo bufasha kumenya ahari integer nke kugira ngo hakosorwe,cyangwa se niba hari ikindi cyakongerwaho kugira ngo ubuzima bw’abanyarwanda burusheho kugenda neza. Twiteze ko bazatworohereza tukazaba twamenya neza imibare fatizo izadufasha mu igenamigambi yo kugira ngo tumenye uko dutegurira Abanyarwanda.”

Ushinzwe gahunda z’ubujyanama no kwipimisha ku bushake virusi itera SIDA muri RBC, Beathe Sangwayire

Dr. Gallican Rwibasira umwe mu bahuzabikorwa b’ubushakashatsi bwa RPHIA akanaba umuganga mu bitaro bya Gisirikare i Kanombe yavuze ko bitewe n’ubukangurambaga bari gukora mu gihugu hose bitanga icyizere cy’uko abaturage banyotewe no kwipimisha.

Yagize ati “ Turabyizeye neza ko nta mbogamizi tuzahura nazo dukeka ko ubwitabire buzaba bwinshi uko tubiteganya.”

Ubu bushakashatsi buzakorerwa mu ngo ibihumbi 11 zatoranyijwe hakazapimya abafite imyaka hagati y’imyaka 10 na 64, harebwa ubwandu bushya, n’abari baranduye ariko bagabanyije ingano ya Virus zitera SIDA mu maraso yabo kubera gufata neza imiti igabanya ubukana.

Abazakorerwaho ubushakashatsi bazasangwa mu ngo z’abo bapimwe n’ababihuguriwe, aho ibisubizo ku ndwara zizapimwa (SIDA, Hepatite B na C) bizajya bihita bitangwa, ndetse byose bigakorwa mu ibanga rikomeye.

Imibare yavuye mu bushakashatsi bwo muri 2015 mu Rwanda yerekana ko abafite Virus itera SIDA muri rusange ari 3% biganje mu bakora uburaya kuko abayifite ari 45,8%, mu bakora imibonano n’ abo bahuje ibitsina aho abafite virusi itera SIDA ari 4%.

Ubu bushakashatsi bushya bwa RPHIA buzakorwa mu mezzi 6 bukaba buzatangira gira mu Ukwakira 2018.

Dr. Gallican Rwibasira umwe mu bahuzabikorwa b’ubushakashatsi bwa RPHIA yavuzez ko bizzeye imigendekere myiza y’ubu bushakashatsi


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...