AMAKURU

UKWEZI
Canal+ christmax

Hapfuye benshi kuva COVID yagera mu Rwanda, bose hamwe ubu ni 162

Hapfuye benshi kuva COVID yagera mu Rwanda, bose hamwe ubu ni 162
22-01-2021 saa 06:25' | By Martin Niyonkuru | Yasomwe n'abantu 1513 | Ibitekerezo 1

Kuri uyu wa Kane tariki 21 Mutarama 2021, COVID-19 yishe abantu icyenda (9) akaba ari na bo benshi ihitanye mu masaha 24 kuva yagera mu Rwanda mu gihe abamaze guhitanwa n’iki cyorezo bose ari 162.

Aba bahitanywe n’iki cyorezo gikomeje gukaza umurego, barimo abagore bane ; uw’imyaka 80 w’i Karongi, hakaba ufite imyaka 61, uw’imyaka 43 na 32 b’i Kigali.

Naho abagabo batanu barimo uw’imyaka 86 w’i Huye, ab’imyaka 75, 73 na 72 b’i Kigali n’uwa 58 wo mu Karere ka Rubavu.

Kuri uyu wa 21 Mutarama 2021 kandi hagaragaye abarwayi bashya 310 mu gihe abakize ari 161.

Ni ukuvuga ko abamaze gusanganwa iki cyorezo bose mu Rwanda ari 12 170 mu gihe abamaze kugikira ari 7 973 naho abo kimaze guhitana bakaba ari 162.

Iyi mibare ikomeje gutumbagira mu gihe mu Rwanda bari mu cyumweru cya mbere cy’ingamba nshya zo kwirinda ikwirakwira ry’iki cyorezo zafatiwe mu nama y’Abaminisitiri wo ku wa Mbere w’iki cyumweru.

Ni ingamba zasize Umujyi wa Kigali usubizwa muri gahunda ya guma mu rugo kuko ari wo wugarijwe cyane haba mu mibare y’abandura kimwe n’abahitanwa n’iki cyorezo.

Muri iki cyumweru kandi u Rwanda rwakiriye umuti ugabanya ubukana bw’iyi ndwara ndetse Ikigo cy’Igihugu cy’Ubuzima (RBC) kikaba cyaratangaje ko u Rwanda ruzakira inkingo za mbere rwatumije muri Gashyantare cyangwa mbere yaho gato.

UKWEZI.RW


INKURU ZA :
Tanga Igitekerezo
Ibitekerezo 1
HITIMANA,JOSEPH Kuya 22-01-2021

natwe batura rwanda nukuri mugihe urukingo rutaraza twihangane dukoreshe agapfuka munwa twumviramabwiriza tubwirwa ninzego zubuzima covid-19 nukuri yatwibasiye. ndi bunyogwe , i rubavu

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA