AMAKURU

UKWEZI
Canal+ christmax

Hari abantu bashaka kuyigira nk’inshuti yabo-Minisitiri Shyaka avuga ku batubahiriza amabwiriza ya COVID19

 Hari abantu bashaka kuyigira nk’inshuti yabo-Minisitiri Shyaka avuga ku batubahiriza amabwiriza ya COVID19
12-12-2020 saa 13:51' | By UKWEZI | Yasomwe n'abantu 1327 | Ibitekerezo

Minisitiri w’Ubutegetsi bw’Igihugu, Prof Shyaka Anastase yasabye abanyarwanda bose gukaza ingamba zo kwirinda icyorezo cya COVID19 aho gutekereza ukwizihiza iminsi mikuru isoza umwaka, bashobora kuzayirira muri guma mu rugo.

Ni mu gihe imibare y’abanduye Coronavirus ikomeje kwiyongera muri iyi minsi bigaragaza ko abantu bamwe bakomeje kudohoka cyane ku ngamba n’amabwiriza yashyizweho hagamijwe gukumira ikwirakwira ry’iki cyorezo.

Imibare y’abandura Coronavirus ku munsi yongeye kuzamuka. Muri iyi minsi turi kubona za abantu banduye babarirwa muri mirongo aho nko mu minsi 15 ishize habonetse abanduye bashya 556 hanapfa abantu 7.

Minisitiri Prof Shyaka wari kuri Radio Rwanda yavuze ko hakomeje kugaragara abantu benshi badohotse ku ngamba zashyizweho ari nayo mpamvu y’ubu bwandu bwinshi abantu bari kubona muri iyi minsi.

Ati “Ngira ngo igihari ni uko hari ubudohoke mu banyarwanda. Kandi uko kudohoka gushingiye ku bintu bibiri bitumvikana neza, hari abibwira ko COVID19 twayitsinze cyangwa bo itabafata cyangwa ko itababuza kuryoha cyangwa ubuzima busanzwe batagendeye kuri ayo mabwiriza.”

“Ikindi hari abibwira ko ariko se ubundi ahantu hose ngenda iba ihari ? Ntishobora kuba iri I Kigali ahandi idahari ?, ibyo ngibyo rero ni bibi, amabwiriza yo kuyirinda turayazi ariko ikigaragara ntabwo tuyubahiriza. Haba mu mujyi, mu cyaro n’abandi bantu basanzwe hari ikibazo cyo kubahiriza ambwiriza.”

Avuga ko iki cyorezo kiri ahantu hose ari nabyo byari bikwiriye kubera abantu inkomanga babone ko bakwiye kwirinda bakareka guca amazi iki cyorezo.

Ati “Abanyarwanda twari dukwiye kuzirikana ko COVID19 ntiteguza. Urabona hari abantu bashaka kuyigira nk’inshuti yabo nk’aho yaza kubasura yabateguje, ugasanga mu myitwarire yacu niko bimeze.”

Minisitiri Prof Shyaka yibukije abanyarwanda ko bakwiye kwirinda kuko iki cyorezo iyo kigufashe kiza kigasenya bya bindi wakoraga wanga kubahiriza amabwiriza.

Kuva muri Werurwe iki cyorezo cyagaragara mu gihugu hamaze gufatwa ibipimo 661637, aho abamaze gusanganwa Coronavirus ni 6428 mu gihe abo kimaze guhitana ari 54.


INKURU ZA :
Tanga Igitekerezo
Ibitekerezo
canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA