konka coffee
KONKA

AMAKURU

UKWEZI

Hatangijwe uburyo bwo kwishyura mituweri wibereye iwawe mu rugo

Hatangijwe uburyo bwo kwishyura mituweri wibereye iwawe mu rugo
26-05-2018 saa 18:09' | By Akayezu Jean de Dieu | Yasomwe n'abantu 3766 | Ibitekerezo 13

Kuri uyu wa Gatandatu tariki 26 Gicurasi 2018, Minisiteri y’Ubutegetsi bw’Igihugu n’Ikigo cy’Igihugu cy’Ubwiteganyirize (RSSB) bafatanyije n’Umuryango Nyarwanda uhuje abanyamakuru n’urubyiruko rwo muri Kaminuza bagamije guteza imbere imibereho myiza y’abaturage (AMC, -Arts and Media for Change) batangije ubukangurambaga bwo kwishyura ubwisungane mu kwivuza hakoreshejwe ikoranabuhanga ririmo murandasi binyuze ku Irembo ndetse na telefone igendanwa bigakorwa umuturage yibereye iwe mu rugo atagombye kujya kuri Sacco cyangwa ku biro by’Umurenge kwishyura ‘Mituweri’.

Abaturage bitewe n’icyiciro cy’ubudehe babarizwamo bishyuraga ubwisungane mu kwivuza binyuze muri koperative Sacco hanyuma bagahabwa urupapuro rwemeza koko ko bishyuye mituweri hanyuma ukarujyana kuri RSSB ku kigo nderabuzima bamara kugaragaza ko bishyuye mu ikarita yabo y’ubwisungane mu kwivuza bagashyiriwamo ikimenyetso (Kashe) kigaragaza koko ko wemerewe kwivuza.

Ubu buryo ngo bwagoraga abaturage ku buryo byatwaraga umwanya ndetse ugasanga hari n’abatuye kure y’aho Umurenge Sacco cyangwa ikigo nderabuzima bikorera ugasanga batega bikabatwara amafaranga. Kuri ubu ngo ibi byose byahindutse aho umuturage ashobora gukoresha telefone ye igendanwa akishyura mituweri cyangwa akaba akaba yakwegera ibiro by’irembo bimwegereye bakabimukorera hakoreshejwe ikoranabuhanga.

Uyu wa Gatandatu nibwo mu karere ka Nyamagabe, Intara y’Amajyepfo hatangijwe ubukangurambaga aho abaturage batangiye gukoresha ubu buryo bushya bwo kwishyura ndetse bagaragaza ko bwihuse kandi bworoshye kurusha uko mbere bajyaga bajya gutonda imirongo kuri za Sacco.

Ntawuyirushamaboko Celestin uhagarariye uyu muryango uhuriyemo abanyamakuru n’urubyiruko rwo muri Kaminuza yavuze ko nyuma y’inama yahuje aba bombi Minaloc yagaragaje ko akarere ka Nyamagabe ariko kari ku mwanya wa nyuma mu gutanga ubwisungane mu kwivuza ari nayo mpamvu bahisemo guhera muri aka karere kugira ngo nako kave ku mwanya wa nyuma kaze imbere.

Rulisa Alex ushinzwe ishami rya Mituweri muri RSSB yavuze ko ubu buryo bwo gukoresha ikoranabuganga mu kwishyura ubwisungane mu kwivuza buzakemura byinshi birimo igihe byatwaraga kugira ngo umuturage abone mituweri, ndetse ngo biroroshye cyane ko nta muturage uzongera kujya kwivuza ajyanye ikarita ya mituweri ahubwo bazajya bitwaza indangamuntu y’uhagarariye umuryango.

Umunyamabanga wa Leta muri Minisiteri y’Ubutegetsi bw’Igihugu ushinzwe imibereho myiza y’abaturage, Madamu Mukabaramba Alvera watangije ubu bukangurambaga bwatangijwe mu karere ka Nyamagabe yavuze ko aka karere umwaka ushize kari kaje ku mwanya wa nyuma mu kwitabira gutanga ubwisungane mu kwivuza asaba abayobozi b’ibanze gushyira imbarara mu gukangurira abaturage gutanga ubwisungane mu kwivuza no kwitabira gahunda za leta muri rusange. Minisitiri Mukabaramba na Meya w’akarere ka Nyamagabe, Uwamahoro Boneventure Rulisa Alex ushinzwe ishami rya mituweri muri RSSB yavuze ko ubu buryo buzakemura ibibazo byinshi

Celestin Ntawuyirushamaboko, uhagarariye umuryango AMC ufatanya na Minisiteri y’Ubutegetsi bw’igihugu muri ubu bukangurambaga
, Minisitiri Mukabaramba niwe watangije ubu bukangurambaga bwo gukangurira abaturage kwishyura ubwisungane mu kwivuza hakoreshejwe ikoranabuhanga ririmo na telephone

Ab’inkwakuzi bahise bishyura mituweri y’umwaka utaha wa 2018/2019, babikorewe muri ako kanya bahita basoza kwishyura batavuye aho



INKURU ZA :
Tanga Igitekerezo
Ibitekerezo 13
fred Kuya 7-06-2018

SHA MUDUPFUNYIKIYE AMAZI PE!!!!!NONESE UBU NIYO WABA URI BAMENYA WAMENYA UKO UZAJYA UKORESHA Tel?nonese ikibazo ki imirongo yo gushaka amakarita cyo murakivugaho iki?

longin Kuya 31-05-2018

None nkumuntu utari kumwe
numutware wumuryango (Igige ataba iwabo)indangamuntu azayibona gute?

longin Kuya 31-05-2018

None nkumuntu utari kumwe
numutware wumuryango (Igige ataba iwabo)indangamuntu azayibona gute?

Fifi Kuya 29-05-2018

Mumbwire inzira umuntu acamo kuri phone kugirango yishyure

ntabareshya Kuya 27-05-2018

Ko mudasobanura uko umuntu abigenza kugirango yishyure mituelle kuri iryo koranabuhanga? Inkuru ntisobanutse.

ok Kuya 27-05-2018

Ubuse iyi nkuru iruzuye Ubu umuturage wa Nyabihu utari uri i Nyamagabe aho byatangirijwe akaba afite Tel azabwirwa niki aho anyura ngo yishyure???????

Habukubaho Kuya 27-05-2018

Mudusobanurire ukobikorwa mbese bisaba iki

Habukubaho Kuya 27-05-2018

Mudusobanurire ukobikorwa mbese bisaba iki

Habukubaho Kuya 27-05-2018

Mudusobanurire ukobikorwa mbese bisaba iki

Habukubaho Kuya 27-05-2018

Mudusobanurire ukobikorwa mbese bisaba iki

Habukubaho Kuya 27-05-2018

Mudusobanurire ukobikorwa mbese bisaba iki

kek Kuya 26-05-2018

ko mutatubwiye inzira tunyuramo kuri terefone

kek Kuya 26-05-2018

ko mutatubwiye inzira tunyuramo kuri terefone

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...