AMAKURU

UKWEZI
cheno 2020

Hatanzwe ambulance 20 ku bitaro byari bizikeneye kurusha ibindi

Hatanzwe ambulance 20 ku bitaro byari bizikeneye kurusha ibindi
22-11-2019 saa 16:42' | By Nsanzimana Ernest | Yasomwe n'abantu 3074 | Ibitekerezo

Minisiteri y’ ubuzima ifatanyije n’ umuryango Imbuto Foundation bahaye imbangukiragutabara 20 bimwe mu bitaro byo mu Rwanda.

Umuhango wo gushyikiriza abayobozi b’ ibitaro byatoranyijwe izi mbangukiragutabara wabereye I Kigali kuri uyu wa 22 Ugushyingo 2019.

Ibitaro byahawe imbangukiragutabara n’ ibyari bifite imbogamizi yo kugeza abarwayi kwa muganga kurusha ibindi.

Dr Zuber Muvunyi umuyobozi mukuru muri RBC ushinzwe ibikorwa by’ ubuvuzi rusange avuga ko hagikenewe imbangukiragutabara nyinshi.

Yagize ati “Dukurikije amavuriro dufite, dukurikije serivise ziba zigomba guhabwa abaturage turacyabura imbangukiragutabara nyinshi. No mu zo dufite hari iziba zitangiye gusaza, ibi rero tuba dukora ni nko gusimbuza iziba zitakimeze neza, ubundi haba kanewe ambulance imwe ku barwayi ibihumbi 10, naho nawe bara umubare w’ abanyarwanda urawuzi ngaho bara”.

Dr Muvunyi avuga ko magingo aya Leta y’ u Rwanda ifite imbangukiragutabara 300 nazo zirimo izitameze neza.

Umuyobozi w’ Ibitaro bya Kabgayi, Dr Philippe Nteziryayo avuga ko ibitaro ayoboye byari bikeneye ambulance cyane ndetse ngo bamubwira ngo age kuyifata yishimye cyane.

Yagize ati “Mu by’ ukuri zari nkeya ku buryo twari dukeneye ambulance, bambwira ngo nze gufata ambulance narabyishimiye cyane, nabishimiye Minisiteri y’ Ubuzima ihora itureberera kuko ambulance muri kariya karere ziba zikenewe cyane kubera impanuka zibera mu mihanda idukikije”

Ibitaro bya Kabgali biri mu karere ka Muhanga ahanyura umuhanda Kigali-Huye, Umuhanda Kigali- Ngororero- Rubavu, Umuhanda Kigali – Rusizi.

Dr Nteziryayo avuga ko iyi ari imihanda minini ikunze kubamo impanuka nyinshi zitandukanye kandi ngo abenshi bahita bajyanwa mu bitaro bya Kabgayi. Ati “Ubu rero biradufashije cyane mu by’ ukuri”.

Izi mbangukiragutabara zatanzwe binyuze mu bukangurambaga bwa Baho Neza Minisiteri y’ Ubuzima ifatanyije na Imbuto Foundation.

Izi mbangukiragutabara 20 zatwaye amafaranga y’ u Rwanda agera kuri miliyari. Minisiteri y’ ubuzima ivuga ko yakoze igenzura igasanga nibura hakenewe imbangukiragutabara 174.


Umuyobozi Mukuru wa Imbuto Foundation, Umutoni Sandrine




INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...