AMAKURU

UKWEZI
ubumwe

Huye: Imiti yica imibu yatumye abarwara Malaria bagabanukaho 80%

Huye: Imiti yica imibu yatumye abarwara Malaria bagabanukaho 80%
1-09-2019 saa 15:41' | By Nsanzimana Ernest | Yasomwe n'abantu 608 | Ibitekerezo

Umuyobozi w’ Akarere ka Huye Ange Sebutege avuga ko umuti wica imibu watewe mu mazu yo mu karere ka Huye watanze umusaruro kuko watumye abarwayi ba malaria bagabanuka cyane.

Ibi yabitangarije mu kiganiro yagiranye n’ abanyamakuru ku wa Gatanu tariki 30 Kanama 2019.

Leta y’ u Rwanda ibinyujije muri Minisiteri y’ Ubuzima ifite uburyo bukomatanyije bwo kurwanya indwara ya malaria iri muzihitana abantu benshi ku Isi.

Bumwe mu buryo bukoreshwa mu kurwanya malaria ni ugutera imiti yica imibu. Iyi miti imara umwaka wose nyuma y’ umwaka hakazongera hagaterwa undi muti.

Meya Sebutege avuga ko mbere y’ uko mu ngo zo karere ka Huye haterwa umuti wica imibu abantu ibihumbi 40 barwaraga malaria buri mwaka. Kuri ubu abantu bo muri aka karere ka Huye barwara malaria bari munsi y’ ibihumbi 8 ku mwaka. Iri gabanuka Meya Sebutege avuga ko ryaturutse ahanini ku iterwa ry’ umuti wica imibu.

Yagize ati “Umwaka washize ngira ngo niba mubyibuka neza ni nko mu kwezi kwa 2, mu karere ka Huye habayeho igikorwa cyo gutera umuti kugira ngo turwanye imibu. Tujya gutera umuti imibare yagaragaza ko buri mwaka abantu ibihumbi 40 barwara malaria. Nyuma yo gutera umuti ejobundi imibare batweretse ni uko byamanutse biri munsi y’ ibihumbi 8”.


Meya Ange Sebutege avuga ko gutera imiti yica imibu bidasimbura uburyo busanzwe bwo kurwanya malaria burimo gutema ibihuru, gusiba ibinogo birekamo amazi no kurara mu nzitiramibu

Yakomeje agira ati “Ikigaragara ni uko uriya muti watanze umusaruro, kandi gahunda iriho ni uko gutera uriya muti bizajya bikorwa buri mwaka, kuko umara igihe cy’ umwaka umwe mu nzu”.

Dr Aimble Mutuyumuremyi , ushinzwe gahunda y’ igihugu yo kurwanya malaria mu Kigo cy’ Igihugu cy’ Ubuzima RBC avuga ko mu myaka ibiri ishize abarwayi ba malaria bagabanutseho miliyoni.

Uyu muyobozi avuga ko gutera imiti yica imibu mu mazu bihenze cyane kuko gutera uyu muti mu karere kamwe bitwara miliyoni 2 z’ amafaranga y’ u Rwanda ku mwaka.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...