AMAKURU

UKWEZI
ubumwe

Icyumba cy’umukobwa cyahinduye imyigire y’abana babakobwa,ariko ababyeyi baranengwa kutaganiriza abana

Icyumba cy’umukobwa cyahinduye imyigire y’abana babakobwa,ariko ababyeyi baranengwa kutaganiriza abana
21-10-2019 saa 18:58' | By Muhizi Olivier | Yasomwe n'abantu 2148 | Ibitekerezo

Icyumba cy’umukobwa kigira uruhare runini ku bana babakobwa bagejeje igihe cyo kujya mu mihango bikaba akarusho iyo igihe cyo kujya mu mihango kigeze bari ku ishuri bagafashirizwa muri icyo cyumba ,ntibasibe amasomo .

Ku munsi mpuzamahanga wahariwe umwana w’umukobwa ,umuryango mpuzamahanga wita ku bana Save the children wageneye ikigo k’ishuri ribanza rya Intwari riherereye mu karere ka Nyarugenge umurenge wa Rwezamenyo mu mujyi wa Kigali ibikoresho bigize icyumba cy’umukobwa .

Umuyobozi w’ishuri ribanza ry’Intwali Uzamukunda Zamda avuga ko icyumba cy’umukobwa cyahinduye imyigire y’abana b’ abakobwa cyane cyane ko abenshi baba bakiri n’abana bato .

Agira ati ‘’ ubu n’ubwo ishuri ryacu ari ishuri ribanza ariko harimo abana b’abakobwa batangiye kwigira imbere kuburyo batangiye kujya mu mihango ,ibi bikoresho rero tubonye bidufitiye akamaro kanini cyane ,bizatuma umwana wacu yibona ko nta kibazo afite muri bagenzi be naramuka akeneye igikoresho icyo aricyo cyose ahite akibona hafi bitagoranye ’’.

Uzamukunda akomeza agira ati ’’ kubera ko turi ababyeyi abenshi bigisha ahangaha abana batwibonamo ntago badutinya kugira icyumba cy’umukobwa birabafasha cyane kuko tubabwira ko kujya mu mihango atari uburwayi ko ari ugukura, inshuro nyinshi tujya tubashyira hamwe tukabaganiriza kubijyaye n’ubuzima bw’imyorokere bikabashimisha cyane ’’.

Uzamukunda avuga ko ababyeyi bataganiriza abana babo kandi bibagiraho ingaruka ati ‘’ ababyeyi ubona bahangayikishijwe n’imyigire yo mwishuri gusa naho ibijyanye n’ubuzima bw’imyorokere ubona batabishyiramo ingufu ,kuko iyo uganiriye n’abana ubona bibatunguye ntamakuru baba babifiteho baba bakeka ko ari uburwayi ,kuko ababyeyi babo ntibabaganiriza ‘’.

Uzamukunda avuga ko ababyeyi bataganiriza abana babo kandi bibagiraho ingaruka

Tumukunde Safari Stella wiga mu mwaka wa 6 w’amashuri abanza avuga ko icyumba cy’umukobwa kibafasha cyane ndetse kuba babonye ibikoresho bihagije bizabafasha .

Yagize ati’’ icyumba cy’umukobwa kizadufasha njye na bagenzi banjye kuko iyo uje ku ishuri uba uvuye mu maboko y’ababyeyi ugiye mu maboko y’abarezi bacu hano kwishuri ,icyumba rero cy’umukobwagituma udahuzagurika kuko uba wizeye ko uri bufashwe kuri buri kimwe kuburyo bitaba ngombwa ko usiba ishuri ‘’.

Abana babakobwa ishimiye kubona icyumba cy’umukobwa kirimo ibikoresho bihagije

Ibikoresho ishuri ribanza ry’Intwali bahawe na Save the Children birimo Matela, amashuka,isume , ibikoresho by’isuku, imyambaro y’imbere

Ishuri ribanza ry’Intwali ryigwamo n’abana 2686 barimo abakobwa 1209.

Photo by ; Hitayezu Christophe


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...