konka coffee
KONKA

AMAKURU

UKWEZI

Igihe cya Harera Imana cyararangiye, ubu harera umubyeyi n’igihugu – Min.Kaboneka

Igihe cya Harera Imana cyararangiye, ubu harera umubyeyi n’igihugu – Min.Kaboneka
13-10-2018 saa 08:11' | By Vincent Nsengiyumva | Yasomwe n'abantu 3955 | Ibitekerezo 1

Minisitiri w’Ubutegetsi bw’igihugu, Francis Kaboneka , yihanije abaturage batita kuri gahunda zo kuboneza urubyaro bakabyara abo badashoboye kurera, abasaba kwirinda imyumvire yo kumva ko hatunga /harera Imana.

Ibi Minisitiri Kaboneka yabigarutseho kuri uyu wa 12 Ukwakira ubwo yaganiraga n’imbaga y’abaturage bo mu karere ka Burera mu gikorwa cyo gusoza icyumweru cyahariwe ubuzima bw’umwana n’umubyeyi,

Minisitiri Kaboneka yabasabye kwirinda imyumvire yo hasi yo kumva ko bagomba kubyara uko babishaka hanyuma ubuzima bw’abo bana bakabushyira mu biganza by’Imana.

Yagize ati “Igihe cya Harera Imana , Hatunga Imana cyararangiye. Ubu harera umubyeyi , harera igihugu. Mu Kinyarwanda baravuga ngo Imana ifasha uwifashije.”

Yunzemo ati “Nta gaciro nta shema byaha umubyeyi wese kubyara abo atazashobora kurera, akabyarira umuhanda, akabyara mayibobo. Nta mubyeyi w’u Rwanda wakishimira kubona umwana yabyaye ari ibandi.”

Minisitiri Kaboneka yanagarutse ku kibazo cy’ibiyobyabwenge bikigaragara mu Karere ka Burera, ashimangira ko aribyo biza ku isonga mu guteza ibibazo bikunze kugaragara muri aka karere.

Yagize ati “Biriya bibazo byo gutwara inda igihe kitageze, iby’amakimbirane mu miryango, biterwa n’ibiyobyabwenge nka bya kanyanga bigaragara muri aka karere. Abanyoye kanyanga bagasinda , hari ubwo akora biriya bikorwa atazi icyo akoze, bikamutera gukora amarorerwa azatuuma yicuza igihe cyose.”

Yasabye buri wese by’umwihariko urubyiruko kurwanya ibiyobyabwenge aho biva bikagera bagaragaza abagira uruhare mu kubicuruza no kubikwirakwiza.

Akarere ka Burera ni kamwe mu turere tw’u Rwanda tugaragaramo ibibazo by’ikoreshwa ry’ibiyobyabwenge ku rwego rwo hejuru no kugira abana benshi bagwingiye biterwa no kutaboneza urubyaro, aho abana babarirwa kuri 43% bafite ikibazo cyo kugwingira.


INKURU ZA :
Tanga Igitekerezo
Ibitekerezo 1
Gatera Kuya 13-10-2018

Ndasubiza Minister Kaboneka.Si Abanyarwanda gusa bishyizemo ko "Imana ariyo ikora ibintu byose".Bita amazina ngo "Habyarimana,Bizimana,Bizimungu,Niyibizi,Niyibikora,Niyibigena,...".Ndetse n’amadini araririmba ngo "Imana ni byose".Nawe nyumvira!! Ndetse n’umuntu ugiye KWIBA bigacamo,aravuga ngo ni Imana ibikoze.Uzi ko n’abantu bakoze Genocide bavugaga ngo ni Imana yatanze Abatutsi?? Reka mu mupira sinakubwira.Ikipe itsinze ngo ni Imana ibikoze!! Abantu bemeye bakiga Bible neza,iyi mitekerereze yahinduka.Abantu bagakora ibyiza gusa,bakumvira imana,bagashaka imana aho kwibera mu byisi gusa,kugirango nayo izabazure ku Munsi wa nyuma.ibahembe ubuzima bw’iteka muli Paradizo.Soma Yohana 6,umurongo wa 40.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...