AMAKURU

UKWEZI
ubumwe

Intambara y’urukundo rutangaje rwa Raissa na Jean Paul ufite ubumuga bw’uruhu - VIDEO

Intambara y’urukundo rutangaje rwa Raissa na Jean Paul ufite ubumuga bw’uruhu - VIDEO
13-06-2019 saa 17:12' | By Chief Editor | Yasomwe n'abantu 4786 | Ibitekerezo

Raissa na Jean Paul, ni urugero rwiza rw’abarwanye intambara y’urukundo, bakirengagiza iby’inshuti na bamwe mu bo mu miryango babacaga intege, bakiyemeza gukundana kugeza bashakanye nyamara umugabo afite ubumuga bw’uruhu mu gihe umugore nta bumuga afite. Inzira y’urukundo banyuzemo kugeza n’ubu bakiri kumwe, ni isomo ku bibeshya ko abafite ubumuga bw’uruhu hari icyo barushwa n’abandi batabufite.

Tariki 13 Kamena buri mwaka, ni umunsi mpuzamahanga ngarukamwaka wahariwe ubuvugizi ku bafite ubumuga bw’uruhu (International Albinism Awareness Day). Muri bimwe mu bihugu bya Afurika, abafite ubumuga bw’uruhu barahohoterwa abandi bagahabwa akato, ndetse hari ibihugu nka Tanzania bivugwa ko babashimuta bakabica bakabakoresha mu mihango y’ubupfumu.

No mu Rwanda hari bamwe mu bafite ubumuga bw’uruhu bavuga ko bahabwa akato, abandi bakabafata nk’abadashoboye cyangwa abatuzuye. Ibi ariko si ukuri nk’uko bishimangirwa na Raissa umaze imyaka ine ashakanye na Jean Paul ufite ubumuga bw’uruhu, ndetse bafitanye umwana w’umuhungu witwa Yannick wavutse nawe adafite ubu bumuga.

Mu kiganiro twagiranye, aba bombi badusobanuriye uko bakundanye, uko Jean Paul yaje gusaba urukundo Raissa n’uburyo benshi mu nshuti n’abo mu muryango wa Raissa bamaganye iby’uko yabana n’umusore ufite ubumuga bw’uruhu, kugeza n’ubu ngo hari abamucitseho ariko yanambye ku mukunzi we kandi ashimangira ko ari umunyabwenge, umunyembara akaba n’umugabo uhamye kuburyo ntacyo abadafite ubumuga bw’urubu abona bamurusha.

REBA VIDEO Y’IBYO TWAGANIRIYE BYOSE HANO:


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...