AMAKURU

UKWEZI
ubumwe

Kwizera ufunzwe yasigiye umujinya Mukaperezida anatera intimba uwo yangirije umwana -VIDEO

Kwizera ufunzwe yasigiye umujinya Mukaperezida anatera intimba uwo yangirije umwana -VIDEO
5-09-2019 saa 09:29' | By Chief Editor | Yasomwe n'abantu 16481 | Ibitekerezo

Kwizera Evariste w’imyaka 21 uheruka gukora ubukwe agasezerana na Mukaperezida Clotilde w’imyaka 48 y’amavuko, ubu yamaze gukatirwa igifungo cy’imyaka 10 nyuma yo guhamwa n’icyaha cyo gusambanya no gutera inda umwana w’umukobwa utarageza ku myaka y’ubukure. Ibi byasigiye uburakari bukomeye umugore we Mukaperezida ariko binatera intimba n’agahinda umubyeyi w’umwana w’imyaka 15 watewe inda na Kwizera nyuma bakayikuramo kuko babonaga yazabateza ikibazo.

Tariki 30 Kanama 2019 nibwo Kwizera yakatiwe igifungo cy’imyaka 10 nyuma yo guhamwa n’icyaha nawe ubwe yiyemereraga cyo gusambanya no gutera inda umwana w’umukobwa w’imyaka 15. Ubushinjacyaha bwari bwamusabiye gufungwa imyaka 25 ariko kwemera icyaha byatumye agabanyirizwa igihano. Umubyeyi w’umwana wasambanyijwe ashimangira ko uyu mugabo yamusambanyije inshuro nyinshi kugeza ubwo yaje no kumutera inda.

Uwo mubyeyi yatangarije ikinyamakuru Ukwezi ko uwo mwana yarerwaga na Mukaperezida, Kwizera akaza kuza muri urwo rugo avuga ko aje kwivuza cyane ko Mukaperezida ari umuvuzi gakondo w’ikimenyabose muri Musha na Gishari ho muri Rwamagana. Uwo mwana ngo yatangiye gusambanywa na Kwizera na mbere y’uko akundana na Mukaperezida, uyu mugabo arahaguma akajya abwira Mukaperezida uko amukunda biza kurangira bakundanye byeruye.

Ngo igihe cyaje kugera banapanga iby’ubukwe ndetse tariki 31 Mutarama 2019 nibwo basezeraniye mu murenge wa Musha ho mu karere ka Rwamagana, ubukwe bw’aba bombi bukaba bwararanzwe n’udushya twinshi ndetse n’ibitwenge ku bantu benshi cyane bari babutashye. Nyuma y’ubukwe ariko nk’uko n’umwana ubwe yabidutangarije, Kwizera yaje gukomeza kujya acunga Mukaperezida adahari akamusambanya, kugeza ubwo yaje no kumutera inda.

Uyu mubyeyi avuga ko mbere yo kumenya ko umukobwa we atwite, Mukaperezida yamwirukanye iwe amushinja gusambana n’umugabo we, nyuma y’iminsi micye bikaza kumenyekana ko atwite ari nabwo Kwizera yamubwiraga ko yamuha ibibi bagakuramo inda. Igihe cyaje kugera batanga ikirego uyu Kwizera atabwa muri yombi ariko nyuma y’iminsi micye ararekurwa.

Uyu mubyeyi yaje gusaba ko umwana we bamukuriramo inda kuko atujuje imyaka y’ubukure kandi n’amategeko akaba abyemera ku mwana nk’uyu, barabikora ari naho haturutse ibimenyetso simusiga byatumye Kwizera ahamwa n’icyaha kuko icyavuye muri uwo mwana bakuriyemo inda cyakorewe ibizamini bya ADN bagasanga bihura n’uturemangingo twa Kwizera bishimangira ko ari we wari waramuteye inda.

UMVA UKO UYU MUBYEYI N’UMWANA WE BAGARAGAZA AGAHINDA KABO HANO:

Ku rundi ruhande ariko Mukaperezida avuga ko umugabo we Kwizera yagambaniwe bigizwemo uruhare n’umukobwa we ndetse n’umukwe we. N’ubwo Kwizera yaburanye yemera icyaha akanasaba imbabazi, Mukaperezida we avuga ko bishoboka ko uwo mukobwa bamumuteze, ndetse ko arengeje imyaka y’ubukure kuko ngo gutwara inda bigaragaza ko umukobwa aba akuze. Uyu mugore avuga ko n’iyo Kwizera bazamufunga imyaka 100, azafungurwa bagakomeza kubana kandi ngo ntazamutererana azamugemurira anamwiteho nk’umugabo bashakanye.

Mukaperezida avuga ko n’ubwo Kwizera yaba yaramuciye inyuma icyo cyaha kimwe kitamumucaho, ngo siwe gusa wabikoze n’abandi bagabo byababaho. Mu magambo ye hari aho we aca amarenga nk’uzi ko Kwizera yasambanyije uwo mwana inshuro nyinshi ariko agatsimbarara ku myaka aye avuga ko akuze, agashyira mu majwi umukobwa we n’umukwe we ko ari bo bamugambaniye ngo bazakunde bigarurire imitungo ye.

UMVA UMUJINYA UBURAKARI BWA MUKAPEREZIDA HANO:

Ubukwe bwa Mukaperezida na Kwizera bwari bwavuzweho byinshi cyane mbere y’uko buba na nyuma yo kubona butashye bukandika amateka. Ni ubukwe kandi abatari bacye bakunze kutavugaho rumwe, aho bamwe banavugaga ko Kwizera azajya ata umugore we akajya kwishakira abandi bakobwa bakiri bato.

REBA VIDEO Y’UDUSHYA TWABAYE MURI UBU BUKWE HANO:

REBA VIDEO Y’IKIGANIRO GITANGAJE TWAGIRANYE KU MUNSI W’UBUKWE HANO:

REBA UKO BARYOHEJE KU KIYAGA CYA MUHAZI HANO:

REBA UKO BASOMAGURANYE ABANTU BAKUMIRWA HANO:


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...