konka coffee
KONKA

AMAKURU

UKWEZI

Menya ibya Kanseri ya Prostate ikomeje kuzahaza abagabo benshi n’uko wayirinda

Menya ibya Kanseri ya Prostate ikomeje kuzahaza abagabo benshi n’uko wayirinda
17-07-2018 saa 09:28' | By Muhire Aime Placide | Yasomwe n'abantu 7849 | Ibitekerezo 3

Kanseri ya Prostate yibasira imvubura yitwa prostate iboneka mu myanya y’ibanga y’abagabo. Iyi kanseri imaze gufata intera ndende ku buryo abagabo basaga 26,730 bahitanwa nayo naho abarenga 161,360 banduye iyi ndwara mu w’2017 nk’uko bitangazwa n’Ikigo cy’Abanyamerika gikurikiranira hafi ibya kanseri kibitangaza; kanseri ya prostate ni indwara ya kabiri ihitana abagabo benshi ku isi.

Prostate ni imbuvura ikora amatembabuzi avangwa n’intanga ngabo kugira ngo zibe inyamumaro. Prostate ishobora kurwara indwara nyinshi harimo zimwe zituruka kuri mikorobe umugabo ashobora kwandurira mu mibonano mpuzabitsina. Muri izo ndwara twavugamo nka infection urinaire, mikorobe zitera mburugu nazo zishobora kujya muri prostate zikayitera uburwayi. Kanseri ya prostate ni indwara yibasira prostate uko abagabo bagenda bakura mu myaka ku buryo ufite imyaka 55 ashobora kuyirwara igihe icyo aricyo cyose.

Ubusanzwe, uko umuntu agenda akura ni ko na prostate ishobora kugenda ikura gusa nanone ibi ntibibaho ku bantu bose. Gukura kwa prostate bishobora guterwa n’uburwayi butandukanye bushobora gutuma umugabo ahura n’ibibazo byatuma anabagwa.

Bimwe mu bimenyetso bya Kanseri ya Prostate:

Iyo ugifatwa n’iyi Kanseri nta bimenyetso byihariye ubona mu mizo yayo ya mbere. Gusa iko iminsi ishira niko Kanseri ikwirakwira prostate ndetse ikarushaho kubyimba.
Mu bimenyetso byakugaragariza ko urwaye Kanseri ya prostate twavugamo:

  • Kutabasha gufunga inkari igihe ubishakiye ndetse zigatinda kuza mu gihe uri kwihagarika
  • Gucikwa n’inkari mu gihe usetse cyangwa ukoroye
  • Kokerwa ndetse no kuribwa mu gihe uri kwihagarika cyangwa se uri gutera akabariro
  • Gushaka kwihagarika inshuro nyinshi cyane cyane mu masaha y’ijoro ndetse wanavayo ukumva ushaka gusubirayo
  • Kuzana amaraso mu nkari no mu masohoro
  • Kunanirwa kwihagarika uhagaze, inkari zikaza zicikagurika ku buryo utabasha gutungereza
  • Iyo Prostate yamaze kwangizwa na Kanseri ku kigero cyo hejuru wibonaho ibimenyetso bikurikira:
  • Kubabara mu nteranyirizo z’amagufwa ndetse mu rutirigongo
  • Kwinyaraho no kwiyitumaho mu buryo bugutunguye
  • Kunanirwa guhagarara

Ntawahita yemeza ko umuntu wese ugaragayeho bimwe muri ibi bimenyetso bivuzwe hano aba arwaye, ukwiye kwihutira kujya kwa muganga ukamenya uko ubuzima bwawe buhagaze.

Kuvura iyi ndwara biragoye ariko birashoboka iyo igaragaye itarakwirakwira muri prostate yose. Umurwayi avurwa hakurikijwe uburyo arwaye nk’uko biba byagaragajwe na muganga gusa iyo prostate yazahajwe n’iyi kanseri umurwayi arabagwa cyangwa agakorerwa Androgen deprivation therapy n’ibindi bishobora kumufasha guhangana nayo. Kubagwa bikwiriye kwitonderwa kuko bishobora gutuma uwabikorewe aba ingumba!

N’ubwo impamvu itera Kanseri ya Prostate itaramenyekana kugera ubu uraburirwa niba ubarizwa muri ibi byiciro:

  • Kuba unywa itabi cyane
  • Kuba ukorana imibonano mpuzabitsina idakingiye n’abantu benshi
  • Kuba urengeje imyaka 60
  • Kuba warigeze umenyera gukora imibonano mpuzabitsina ukabihagarika
  • Kuba urya ibinyamavuta byinshi
  • Abarwayi ba Diyabete by’umwahariko abarwaye ubwoko bwa kabiri bwayo

By’umwihariko, Abanyafurika bagomba kwitondera iyi ndwara kuko ubushakashatsi bwagaragaje ko Kanseri ya prostate yibasira abirabura kurusha abazungu. Kuba uba ahantu hashyuha ni imwe mu mpamvu zagukururira iyi kanseri: abatetsi n’abandi mukorera ahantu hashyuha cyane murarye muri menge.

Ni gute wakwirinda Kanseri ya prostate?

  • Gabanya kurya iinyama zitukura,amagi no kunywa amata
  • Ihatire kurya imboga zose zisa n’umuhondo na orange ndetse no guhekenya karoti
  • Kunda kurya imboga n’imburo, ibihumyo, ibishyimbo ndetse n’ibitunguru
  • Si byiza kurya ibiryo bikungahaye ku binure nk’amafiriti n’ibindi bitunganyirizwa mu nganda
  • Gushaka umugore ni imwe mu ngamba zagufasha kwirinda iyi Kanseri
  • Gerageza gukora imyitozo ngororamubiri kenshi gashoboka
  • Mu gihe wibonyeho kimwe mu bimenyetso bigaragaza kanseri ya prostate nyarukira kwa muganga bagufashe.

INKURU ZA :
Tanga Igitekerezo
Ibitekerezo 3
Ndizeye Leonard Prosper Kuya 21-07-2018

Unyntu urwaye prostate ntabwo yayanduza abandi? Iravurwa igakira Burundi?
Uyirwaye yemerewe gukora imirimo yingufu.

MC Kuya 20-07-2018

Umuntu wese ufite ikibazo cya prostate namufasha nkamurangira umuti stage yose yaba agezeho 250784008351

RUGANO Kuya 19-07-2018

Iki kibazo giteye inkeke mu bagabo, ikibabaje ni uko usanga gitumye no gutera akabariro bihita binanirana, gusa hari umuti nabonye witwa Revive ufasha abagabo batakibasha gutera akabariro, abo itakibyuka cg abacika intege vuba. Uba i Kigali mu ivuriro ry’abashinwa rihari, uwukeneye wampamagara kuri 0789466143 nkagufasha.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...