AMAKURU

UKWEZI
ubumwe

Minisiteri y’ Uburezi yahagurukiye indwara idasanzwe iri kwibasira abakobwa b’ abanyeshuri

Minisiteri y’ Uburezi yahagurukiye indwara idasanzwe iri kwibasira abakobwa b’ abanyeshuri
17-06-2019 saa 17:22' | By Nsanzimana Ernest | Yasomwe n'abantu 3849 | Ibitekerezo 2

Minisitiri w’ Uburezi Dr Eugene Mutimura yatangaje ko Minisiteri ayoboye ifatanyije na Minisiteri y’ Ubuzima bari gukurikirana ikibazo cy’ indwara idasanzwe iri gufata abanyeshuri b’ abakobwa mu mavi bakananirwa kugenda.

Iyi ndwara imaze kugaragara mu bigo bibiri byo mu turere dutandukanye kandi byombi by’ abakobwa gusa.

Ku ikubitiro iyi ndwara yagaragaye mu bakobwa biga kuri GS Rambura Filles mu karere ka Nyabihu aho yagaragaye ku bakobwa barenga 20. Nyuma iyi ndwara yagaragaye no mu karere ka Bugesera ku ishuri rya NEGA Girls School.

Mu butubwa yashyize kuri Twitter Minisitiri w’ Uburezi Dr Eugene Mutimura yagize ati “ Ikibazo cy’abana barwaye mu mavi cyagaragaye mu mashuri ya GS Rambura Filles, Nyabihu na NEGA Girls School y’i Bugesera turimo kugikurikiranira hafi ku bufatanye na MINISANTE n’izindi nzego.”.

Abaganga basuzumye aba bakobwa bafatwa n’ uburwayi bwo kugagara mu mavi bakananirwa kugenda, kugeza ubwo bagenda bakambakamba nabyo bikagera aho bibananira bagaterurwa na bagenzi babo, bavuga ko iyo basuzumye abo bakobwa nta ndwara babona.

Dr Josee Nyamusore ushinzwe indwara z’ ibyorezo mu Kigo cy’ Igihugu cy’ Ubuzima RBC yabwiye Ikinyamakuru UKWEZI ko iyi ndwara ntayo aramenya.

Umuyobozi w’iri shuri ryo mu Bugesera yabatangarije BBC ko abanyeshuri bafite iyi ndwara kuri iki kigo bajyanywe ku bitaro bya Nyamata kugira ngo bapimwe kandi bakurikiranwe n’inzobere zo ku bitaro bya gisirikare by’u Rwanda.

Ababyeyi b’ aba bana bavuga ko ibigo abakobwa babo bigaho byabatumyeho, bamwe bagatahana n’ abana babo bakabashyira abanyamasengesho bagakira basubira ku mashuri uburwayi bukongera bukabafata.


Kugeza ubu iyi ndwara yo mu mavi iri kwibasira abakobwa gusa


INKURU ZA :
Tanga Igitekerezo
Ibitekerezo 2
giti Kuya 18-06-2019

iyo ndwara yitwa mafuni

Joseph Ishimwe Kuya 17-06-2019

icyicyorezo reta nigishyiremo imbaraga kuko birahangayikishije ikibaz nabakobwa gsa

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...