AMAKURU

UKWEZI
ubumwe

Minisitiri Gashumba yakiriye Minisitiri w’ Ubuzima wa Kongo baganira ku ngamba zo gukumira Ebola

Minisitiri Gashumba yakiriye Minisitiri w’ Ubuzima wa Kongo baganira ku ngamba zo gukumira Ebola
6-08-2019 saa 15:18' | By Nsanzimana Ernest | Yasomwe n'abantu 1229 | Ibitekerezo

Minisitiri w’ Ubuzima w’ u Rwanda Dr Diane Gashumba yakiriye mu karere ka Rubavu itsinda ryo muri Repubulika ya Demukarasi ya Kongo riyobowe na Minisitiri w’ Ubuzima w’ agateganyo Pierre Kangudia baganira ku ngamba zo gukumira Ebola ngo itinjira mu Rwanda.

Ibi biganiro byabaye kuri uyu wa Kabili tariki 6 Kanama 2019 bibaye mu gihe kuri uyu wa Mbere Minisitiri w’ Ubutegetsi bw’ Igihugu Prof Shyaka Anastase na Minisitiri Dr Diane Gashumba bari basuye uyu mupaka uhuza u Rwanda na Kongo mu rwego rwo kureba uko ingamba zo gukumira Ebola ku butaka bw’ u Rwanda zishyirwa mu bikorwa.

Pierre Kangudia, ni Minisitiri w’ agateganyo wa DR Congo kuko Minisitiri w’ Ubuzima Oly Ilunga w’ iki gihugu aherutse kwegura kuko atumvaga kimwe na Perezida Tshisekedi ibijyanye no kurwanya Ebola.

Kangudia waraye I Goma aturutse I Kinshasa yabwiye abanyamakuru ko ibiva mu kiganiro we n’ itsinda ayoboye bazabyereka amahanga ko aribyo ibihugu byombi bibona nk’ umuti urambye wo guhangana na Ebola.

Mu gihe cy’ umwaka umwe Ebola imaze guhitana abagera ku 1800 muri DR Congo barimo batatu b’ I Goma hafi y’ u Rwanda.

Ibi biganiro bibaye mu gihe mu minsi ishize u Rwanda rwafunze by’ akanya gato umupaka uruhuza na DR Congo rugahita rwongera rukawufungura.

Minisiteri y’ Ubuzima mu Rwanda ivuga ko kugeza ubu nta murwayi wa Ebola uragaragara ku butaka bw’ u Rwanda igasaba Abaturarwanda gukomeza kuba maso by’ umwihariko bakirida kujya ahari Ebola batajyanywe n’ impamvu zumvikana.



INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...