AMAKURU

UKWEZI
cheno 2020

Mu Rwanda abanduye CORONAVIRUS bavuye kuri 19 bagera kuri 36

Mu Rwanda abanduye CORONAVIRUS bavuye kuri 19 bagera kuri 36
24-03-2020 saa 05:35' | By Nsanzimana Ernest | Yasomwe n'abantu 1682 | Ibitekerezo

Minisiteri y’ Ubuzima mu Rwanda yatangaje ko kuri uyu wa 23 Werurwe 2020 mu Rwanda habonetse abarwayi 17 bashya ba COVID-19 bituma abarwayi bayo bose hamwe baba 36.

Minisante igaragaza ko abarwayi bagaragaye baturutse mu bihugu bitanu:

• Abantu icyenda bageze mu Rwanda baturutse i Dubai,
• Abantu batatu bavuye muri Kenya,
• Abantu babiri baturutse muri Leta Zunze Ubumwe za Amerika,
• Umuntu umwe wavuye muri Qatar,
• Umuntu umwe waturutse mu Buhinde
• Umuntu umwe watahuwe ko yahuye n’undi wagaragayeho Coronavirus mu Rwanda.

Ni ubwa mbere abarwayi ba COVID-19 biyongereye cyane ku butaka bw’ u Rwanda kuva tariki 14 Werurwe 2020 ubwo mu Rwanda hagaragara umurwayi wa mbere w’ iyi ndwara abaganga bakomeje gushakira umuti.

Minisiteri y’ Ubuzima ivuga ko abantu bose binjiye mu Rwanda guhera 17 kugeza kuri 20 ubwo guverinoma yatangazaga ingamba zikomeye zo kwirinda bose bashyizwe mu kato babanza gupimwa.

Kugeza ubu , Minisitiri w’ Ubuzima Dr Ngamije Daniel avuga ko abarwayi bose bameze neza, ndetse ko muri bo ntawe urinjizwa mu cyumba cyagenewe kuvurirwamo indembe za COVID-19.

Mu mpera z’icyumweru gishize, Minisitiri Dr Ngamije, yatangaje ko abarwayi 17 bari bamaze kugaragara icyo gihe bari barahuye n’abantu 688.

Icyo gihe kandi nibwo Minisitiri w’ Intebe yatangaje ingamba zikomeye zo kwirinda ikwirakwira rya coronavirus zirimo ko abaturarwanda batemerewe kuva mu karere bajya mu kandi.

Imipaka y’ u Rwanda nibwo yafunzwe n’ingendo zo mu kirere zirahagarara. Indege yemerewe kwinira mu Rwanda ni izanye ubutabazi cyangwa imizigo.

Ingendo za moto zarahagaritswe, keretse izitwaye imizigo by’umwihariko ibiribwa. Amaduka n’utubari byose byarahagaritswe keretse amaduka acuruza ibiribwa, n’acuruza ibikoresho by’isuku n’ibindi bikoresho by’ibanze.

Muri iyi minsi Leta y’ u Rwanda isaba ko abantu bose baguma mu ngo hagasohoka ufite impamvu yumvikana. Virusi ya COVID-19 iva ahantu ikagera ahandi binyuze mu bantu kuko idafite ubushobozi bwo kwitwara mu kirere.

Mu ishyirwa mu bikorwa ry’iyi ngamba yo kuguma mu ngo, abaturwanda by’umwihariko ba nyakabyizi batizigamiye bavuga ko bafite impungenge ko nibatava mu rugo ngo bage gupagasa bazicwa n’inzara, gusa ikiriho ni uko niyo abenshi bava mu ngo batabona aho bapagasa kuko imirimo myinshi yahagaritswe kubera iki cyorezo kimaze guhitana abantu basaga ibihumbi 16 ku Isi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...