Mu Rwanda kuri uyu wa 24 Mata 2020 habonetse abarwayi bashya 22 bafite covid-19, ibi byatumye umubare w’abarwayi wiyongera ugera ku 176, abakize nta makuru mashya yabonetse bagumye kuri 87.

Mu itangazo rya Minisiteri y’ubuzima harimo ko ubu bwiyongere bwagaragaye mu Rwanda bwerekana ubwiyongere bw’iki cyorezo mu batwara amakamyo yambukiranya imipaka. Minisante ivuga ko abarwayi bose bari kuvurirwa ahabugenewe.

Mu karere u Rwanda ruherereyemo DR Congo niyo ifite abanduye benshi, 416 abakize 49,abapfuye 28. Hakurikiraho Kenya : abanduye bamaze kugera kuri 336, abakize, 94 abapfuye 14, ikurikirwa na Tanzania ifite abarwayi 299 ,abakize, 48 abapfuye 10, u Rwanda ruri ku mwanya wa 4 n’abanduye 176 ,abakize 87 abapfuye 0.

U Rwanda rukurikirwa na Uganda : Abanduye 75 ,abakize 46,abapfuye 0, Uganda ikurikirwa n’ u Burundi bufite abanduye 12 abakize 4,abapfuye 1. Mu karere Sudani y’ Epfo niyo ifite abarwayi bake : abanduye 5,abapfuye 0, abakize 0.

Ku Isi abamaze kwandura iyi virus barenga miliyoni 2 n’ibihumbi 800, abakize barenga ibihumbi 800, abapfuye barenga bari hafi mu bihumbi 200.

Abakoresha imbuga nkoranyambaga bari kwifata amashusho bakomera amashyi abaganga babashimira akazi keza ko kwita ku barwayi ba covid-19 bakayasakaza.

Ikigo cya Kanyinya kivura abarwaye covid-19 mu Rwanda kimaze guseserera abagera kuri 87 bakize

Minisitiri w’ Ubuzima Dr Ngamije Daniel avuga ko muri rusange mu Rwanda nta bwandu bwinshi buhari bw’iki cyorezo kuko habonetse kuko iyo habonetse abanduye benshi mu minsi ikurikiyeho hongera hakaboneka imibare iri hasi, mu gihe mu bihugu ubwandu bwinshi imibare y’abanduye yiyongera buri munsi.