konka coffee
KONKA

AMAKURU

UKWEZI

Muhanga: Abana batagaburirwaga ku ishuri ngo bashukishwaga amandazi bakabatera inda

Muhanga: Abana batagaburirwaga ku ishuri ngo bashukishwaga amandazi bakabatera inda
8-05-2018 saa 13:36' | By Chief Editor | Yasomwe n'abantu 2713 | Ibitekerezo 1

Urwunge rw’amashuri rwa Kibangu, ni ikigo cy’uburezi bw’ibanze bw’imyaka 12 kirimo amashuri y’incuke, abanza ndetse n’ibyiciro byombi by’ayisumbuye, kikaba giherereye mu murenge wa Kibangu mu karere ka Muhanga, uyu murenge ukaba uherutse kuba uwa mbere mu karere mu kugira abana benshi batwaye inda z’imburagiye ariko by’umwihariko iki kigo kikaba cyari icya mbere mu murenge no mu karere mu mwaka wa 2016. Ubu biragenda bigabanuka, mu mpamvu zabiteraga mbere ngo hakaba harimo abashukishwaga amandazi kuko batasangiye n’abandi ku ishuri.

Ubwo intumwa za Minisiteri y’Uburezi zikora ubukangurambaga ku ireme ry’uburezi zageraga muri iki kigo cy’Urwunge rw’Amashuri rwa Kibangu, zashimye bimwe mu bimaze gukorwa mu kunoza ireme ry’uburezi ariko bagaragaza ko ikibazo cyo guta ishuri no gutwara inda z’imburagihe ku bana b’abakobwa giteye inkeke ndetse ko kigomba gushakirwa umuti byihuse.

Intumwa za Minisiteri y’Uburezi zaganirije abarimu n’ubuyobozi bw’ikigo ku bijyanye n’uburyo hakurwaho ibikomeza kubangamira ireme ry’uburezi

Muri 2016, abana b’abakobwa batanu nibo batwaye inda z’imburagihe bibaviramo no guhagarika kwiga, naho mu mwaka ushize ubuyobozi bw’ikigo bwamenye undi mukobwa wakuyemo inda, muri iki gihembwe cya mbere nabwo ubuyobozi bukaba bwaramenye amakuru y’undi mwana utwite akaba yaranahagaritse amasomo.

Sebashi Claude, umuyobozi ushinzwe uburezi mu karere ka Muhanga, nawe yagaragaje ko Abasenateri baherutse kumusaba ibisobanuro kuri iki kibazo cy’abana b’abakobwa batwara inda z’imburagihe, n’ubuyobozi bw’ikigo bukaba bwemera ko gihangayikishije.

Umwarimukazi ushinzwe icyumba cy’umukobwa no kwigisha abangavu ibijyanye n’ubuzima bw’imyororokere, yatangarije intumwa za MINEDUC ko ubu byagabanutse, kandi ko impamvu muri 2016 abangavu benshi batwaye inda, ari uko abana bamwe batagaburirwaga ku ishuri hanyuma abasore bakabashukisha amandazi n’utundi two kurya bakabasambanya. Ubu ngo ku bufatanye n’ababyeyi, abana biga mu mashuri yisumbuye bose bagaburirwa ku ishuri kumanywa.

Uyu mwarimukazi ushinzwe gukurikirana abakobwa avuga ko mbere byaterwaga n’uko abana bose batabashaga kugaburirwa ku ishuri

Ndindabahizi Protogène, umuyobozi w’Urwunge rw’Amashuri rwa Kibangu, we yavuze ko kuba n’ubu hakigaragara abana batwara inda z’imburagihe n’ubwo byagabanutse,1 mu mpamvu zibitera ngo harimo imibanire mibi y’ababyeyi babo ndetse n’uburere budahwitse aba bana bahabwa mu miryango yabo.

Ndindabahizi Protogène, umuyobozi wa G.S Kibangu

Yagize ati: "Mu batwaye inda muri 2006, babiri baribanaga, undi ababyeyi be bari baragiranye ikibazo batabana, hari abana nabo bari barananiranye bizwi, abandi nabo bari barataye ishuri bagarutse ku ishuri batwite. Abandi bana nabo baherutse kugaragaraho gutwara inda twabonaga ko batitwara neza, umwe na nyina bivugwa ko yiyandarika, ubona rero uburere bahabwa mu miryango nabyo ari ikibazo gikomeye".

Gutwara inda z’imburagihe kandi binajyana no guta ishuri bigaragara ko biri ku kigero cyo hejuru muri iki kigo, kuko nko mu mwaka ushize wa 2017, mu mashuri yisumbuye abagera kuri 56 bataye ishuri naho mu mashuri abanza ho abataye ishuri bakaba bagera kuri 11.

Abanyeshuri bahagarariye abandi nabo bakanguriwe guhugura bagenzi babo


INKURU ZA :
Tanga Igitekerezo
Ibitekerezo 1
kadafi Kuya 9-05-2018

kibangu oyeee!!! icyo ni ikigo cyacu cyatureze twese turakura

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...