konka coffee
KONKA

AMAKURU

UKWEZI

Muhanga: Haribazwa impamvu ababyeyi benshi barya bazi ko abana babo barimo kwiga babwiriwe

Muhanga: Haribazwa impamvu ababyeyi benshi barya bazi ko abana babo barimo kwiga babwiriwe
17-05-2018 saa 11:43' | By Chief Editor | Yasomwe n'abantu 1580 | Ibitekerezo 1

Itsinda rigizwe n’Intumwa za Minisiteri y’Uburezi, ziri kumwe n’abayobozi bashinzwe uburezi mu mirenge n’akarere ka Muhanga, rimaze igihe rikoze ubukangurambaga bugamije kuzamura ireme ry’uburezi mu bigo biri mu mirenge itandukanye y’aka karere ka Muhanga. Ibibazo bitandukanye bigaragara mu bigo by’amashuri nk’ibidindiza ireme ry’uburezi, ubuyobozi bw’ibigo na komite z’ababyeyi bahuriza ku kuba biterwa n’imyumvire y’ababyeyi.

Gahunda ya Minisiteri y’uburezi izwi nka "School Feeding" iteganya ko abanyeshuri bose biga mu mashuri yisumbuye, bagaburirwa hamwe ku ishuri bakabona kwiga amasomo y’igicamunsi, nyamara byinshi mu bigo byasuwe n’intumwa za Minisiteri y’Uburezi mu karere ka Muhanga, byagaragaye ko abanyeshuri benshi ari ababwirirwa bakigana na bagenzi babo baba bagaburiwe ku ishuri.

Ibi byababaje cyane izi ntumwa za MINEDUC ndetse ntiziyumvisha uburyo abana bigana bamwe babwiriwe abandi bariye, ndetse urwego rwa Polisi ruba ruri kumwe n’iri tsinda rugaragaza ko kwishora mu busambanyi ku bana b’abakobwa, gukoresha ibiyobyabwenge no kuva mu ishuri, bishobora guterwa n’uko abanyeshuri bamwe bigishwa batariye.

Abayobozi b’ibigo, cyane cyane mu bigo by’amashuri y’uburezi bw’ibanze bw’imyaka 9 cyangwa 12, bavuga ko abatagaburirwa ku ishuri biterwa n’uko ababyeyi babo baba banze gutanga amafaranga asabwa cyangwa ibiribwa bihwanyije agaciro n’ayo mafaranga, bityo hakagaburirwa abayatanze gusa. Leta igena amafaranga 56 ku munsi mu rwego rwo kunganira ababyeyi, ariko ababyeyi benshi bakavuga ko batabona amafaranga cyangwa ibiribwa batanga ku ishuri, nyamara abo bose ntibari mu cyiciro cy’abafashwa na Leta kuko abo mu cyiciro cya mbere bo bagaburirwa badasabwe ayo mafaranga.

Sebashi Claude, umuyobozi ushinzwe uburezi mu karere ka Muhanga, avuga ko umubyeyi urya azi neza ko yohereje umwana we kwiga kandi ko nyuma ya saa sita yiga atabwiriwe, akwiye kumva ko ibyo aba akoze bitarimo umutima wa kimuntu ariko by’umwihariko bidakwiye umubyeyi, ndetse hari n’aho yabwiye abahagaririye ababyeyi ko bene nk’abo ibyo bakora byababuza no kujya mu ijuru.

Itsinda ry’Intumwa za Minisiteri y’Uburezi, zagaragaje ko muri rusange kuba hari ibigo bimwe ababyeyi babirereraho bafatanya n’ubuyobozi bw’ibigo abana babo bagasangira bose ku ishuri, bishimangira ko ikibazo atari ubukene ahubwo ari imyumvire, gusa ngo n’ubuyobozi bw’ibigo bigifite icyo kibazo bushobora kudashyira imbaraga mu kumvisha ababyeyi bose ko bakwiye kugira uruhare mu kugaburira abana babo ku ishuri.


INKURU ZA :
Tanga Igitekerezo
Ibitekerezo 1
Mugabo Kuya 18-05-2018

Yewe na bariya babyeyi ntabwo baba bariye kubera icyitwa land consolidation,gusa mu bibazo babonye bidindiza ireme ry’uburezi ku kigereranyo cya 20% naho 80% bisigaye ni uguhemba mwarimu intica ntikize

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...