konka coffee
KONKA

AMAKURU

UKWEZI
Minijust

Muhanga : Hatangijwe icyumweru cyahariwe ubuzima bapima abagore n’abakobwa

Muhanga : Hatangijwe icyumweru cyahariwe ubuzima bapima  abagore n’abakobwa
27-03-2019 saa 10:00' | By Muhizi Olivier | Yasomwe n'abantu 462 | Ibitekerezo

Mu Karere ka Muhanga kuri Polyclinique Ineza hatangijwe icyumweru cyahariwe ubuzima bapima abagore n’abakobwa indwara zitandura muri rusange.

Kubufatanye n’Akarere ka Muhanga ndetse n’abikorera bari mu rwego rw’ubuzima batangije icyumweru cyahariwe ubuzima bapima abagore Indwara zitandura nka Kanseri y’inkondo y’umura na Kanseri y’ibere .

Kuri uyu wa kabiri tariki 26 Werurwe 2019 ubuyobozi bw’Akarere ka Muhanga kubufatanye na Polyclinique Ineza iri mu Murenge wa Nyamabuye Akagari ka Gahogo bateguye igikorwa cyo gupima indwara zitandura ndetse no gupima umuvuduko w’amaraso .

Umuyobozi mukuru wa Polyclinique Ineza Kabanda Floribel avuga ko bishimiye kwakira iki gikorwa nkabikorera yagize ati ‘’ Twumvikanye n’ubuyobozi bw’Akarere dusanga tugomba gufasha abaturage kubavura indwara zitandura, ntago kuba byarakorewe hano aricyo turusha abandi ahubwo n’ubufatanye n’akarere ka Muhanga, twigisha abaturage kandi uko birinda ndetse no kwisuzumisha mbere bakareba uko ubuzima buhagaze aho kugirango bivuze baramaze kuremba ’’.

Dr Kabanda Floribel umuyobozi wa Polyclinique Ineza avugako basanzwe bapima abaturage ku buntu ntamafaranga babaciye .

Mukagatana Fortune umuyobozi w’Akarere ka Muhanga w’ungirije ushinzwe imibereho myiza y’abaturage avuga ko mukarere ka Muhanga bari mubikorwa bizamara icyumweru mu bikorwa byahariwe ubuzima ati ‘’ Twaganirije abafatanya bikorwabikorwa bacu mu byubuzima gufasha abaturage kumenya uko bahagaze kubijyanye n’irwara zitandura mu karere kacu tuzibanda kubukangurambaga bwo gutanga ubwisungane mu kwivuza ndetse no kwigisha abantu uburyo izi rwara zifata ndetse no kubapima izo rwara ku buntu ndetse no gushishikariza abantu kuboneza urubyaro ,icyo bakora ngo barwanye Malaria ndetse no kwisuzumisha sida ‘’.

Mukagatana Fortune akomeza avuga ko iki gikorwa kiri kubera muri buri Murenge w’Akarere ka Muhanga kose kuri buri Kigo nderabuzima cyose .

Umuyobozi w’Akarere ka Muhanga wungirije ushinzwe imibereho myiza y’abaturage yabasabye gukomeza kwipimisha ku bwinshi kugirango bamenye uko bahagaze .

Kuva iki gikorwa cyatangira hamaze kuvurwa Abagore n’abakobwa 198 abasanze barwaye inkondo y’umura ni 2 naho kanseri y’ibere ni 1 abafite ikibazo cy’umuvuduko w’amaraso ni 8 ku munsi wambere haba iki gikorwa ,iyo basanze baranduye bafashwa guhambwa imiti ndetse no kubahuza n,ibindi bitaro bagakomeza gukurikiranwa .

Hatanzwe ibinini bivura inzoka kuri buri muturage wese mu rwego rwo kwirinda indwara zitandura ziterwa n’umwanda .

Abageze mu zabukuru nabo bahawe ibi binini nyuma yo gusuzumwa indwara zitandukanye

Umuyobozi w’Akarere wungirije yashimye uruhare abikorera bagira mu gufasha Leta kurinda abaturage

Amafoto ; Muhizi Olivier


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...