AMAKURU

UKWEZI
Canal+ christmax

Musanze : Mu bipimo byafashwe 13% basanganywe COVID19

Musanze : Mu bipimo byafashwe 13% basanganywe COVID19
15-12-2020 saa 15:44' | By UKWEZI | Yasomwe n'abantu 1600 | Ibitekerezo 1

Minisitiri w’Ubuzima mu Rwanda, Dr Ngamije Daniel yatangaje ko mu bipimo byafashwe mu buryo butunguranye mu Mujyi wa Musanze nibura abantu 100 bagiye bapimwa 13 muri bo basanganywe ubwandu bwa Coronavirus.

Mu ngamba nshya zashyizweho n’Inama y’Abaminisitiri yo ku wa 14 Ukuboza 2020, Umujyi wa Musanze mu Majyaruguru y’igihugu wahawe umwihariko ku mpamvu Minisiteri y’Ubuzima isobanura ko zishingiye ku bwiyongere bukabije bw’ubwandu bushya bwa COVID19.

Ubwo yari kuri Radio y’Igihugu, Minisitiri Dr Ngamije yavuze ko “Musanze hafashwe ibyemezo byihariye kubera uko icyorezo giteye muri Musanze cyane cyane mu Mujyi wa Musanze, bigaragare ko mu bipimo twagiye dufata mu buryo uhura n’umutu atazi ko uramupima.”

Yakomeje agira ati “Ku bantu basaga 100 twafatiye ibipimo abasaga 13 bagaragaweho ibimenyetso bya COVI19. Mu minsi itatu ishize byagaragayeho ko no mu bakozi bo kwa muganga nabo bagaragaweho ubu bwandu (aba barimo abaganga, abaforomo n’abaforomokazi n’abandi bakozi).”

Minisitiri Dr Ngamije avuga ko iki cyorezo cyanabonetse cyane mu bakozi bo mu mahoteli, ari nawo mwihariko uri I Musanze utasanga mu bindi bice by’igihugu.
Agaruka ku ngamba zafashwe zirimo kugabanya amasaha, Minisitiri Dr Ngamije yavuze ko byakozwe mu rwego rwo kugira ngo barebe ko imibare y’ubwandu bushya yakongera gusubira hasi.

Minisiteri y’Ubuzima itangaza ko kwa muganga hatanzwe ibikoresho byo kwipimisha, ikaba ikangurira abakozi bo mu bitaro kwipima kugira ngo bamenye uko bahagaze kandi

Mu ngamba zihariye zafatiwe Umujyi wa Musanze harimo ko ingendo zibujijwe guhera saa moya z’ijoro kugeza saa kumi za mu gitondo mu gihe ahandi zibujijwe guhera saa mbiri z’ijoro, harimo kandi ko inama zibujijwe mu gihe cy’ibyumweru bitatu uhereye ku itariki ya 15 Ukuboza 2020.

Izi ngamba zigena kandi ko muri uyu mujyi imihango yo gushyingura itagomba kurenza abantu 30 mu gihe mu bindi bice by’igihugu ari 50.

Kugeza ubu abamaze kwandura Covid-19 mu Rwanda ni 6747 mu bipimo 671 223 bimaze gufatwa mu gihe abo yahitanye ari 56.


INKURU ZA :
Tanga Igitekerezo
Ibitekerezo 1
jonas Kuya 16-12-2020

MWIRIWE HANO MU KARERE KA MUSANZE KUGABANY’AMASAHA NTABWO ARIWOMUTI AHUBWUMUTI NUGUKUMIRA ABASHITSI BATURUKA HANZEYIGIHUGU KUKO AHANINI NIBOBAYIZANA GUSARUBANDARUGUFINIRWO RUBIHOMBERAMO KUKO SAMOYA 7H0 IRATUGORA MURAKOZE.

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA