konka coffee
KONKA

AMAKURU

UKWEZI

Rulindo: Urukuta rw’inzu rwagwiriye umuryango w’abantu 4 bahita bapfa

Rulindo: Urukuta rw’inzu rwagwiriye  umuryango w’abantu 4 bahita bapfa
24-04-2018 saa 11:31' | By Akayezu Jean de Dieu | Yasomwe n'abantu 4598 | Ibitekerezo 1

Imvura idasanzwe yaraye iguye mu bice binyuranye by’igihugu, aho mu kagari ka Mugote, umurenge Ngoma, akarere ka Rulindo mu Ntara y’Amajyaruguru, inkangu yatewe n’iyi mvura yagwiriye inzu yarimo umuryango w’abantu batanu bane muri bo bahita bitaba Imana umwe abasha kurokoka.

Iyi mvura yaguye ahagana saa kumi z’umugoroba wo kuri uyu wa Mbere tariki 23 Mata 2018, yari nyinshi cyane ndetse yiganjemo umuyaga aho yageze muri uyu murenge ihitana uyu muryango w’abantu bane barimo umusaza witwaga Bernardin Nzabanita wari ifite imyaka 74, umugore we Anne Marie Ikitegetse w’imyaka 72, abuzukuru babo b’abakobwa aribo Pascasie Yankurije na Sandrine Nakabonye

Iyi nzu uyu muryango wari utuyemo bivugwa ko bigeze kuyisiga bimukira m Mutura nyuma baza kugaruka yarabaye nabi kuri ubu ikaba yagaragaraga nk’’ishaje.

Umukozi w’umurenge wa Ngoma ushinzwe imibereho myiza y’abaturage, Rwishema Theoneste yahamirije Ukwezi.com koko ko uyu muryango w’abantu batanu bari baryamye imvura yaguye mu ijoro yakeye igateza inkangu igahitana mo bane umwe akarokoko

Rwieshama yakomeje avuga ko kuri ubu bari mu gikorwa cyo gushaka uburyo aba bose bashyingurwa ndetse no kureba uburyo nk’ubuyobozi bakwita ku basigaye bo muri uyu muryango ari nako bakangurira abaturage gutura ahantu hatari mu manegeka.

Mu itangazo ryasohowe na Minisiteri Ishinzwe Impunzi n’Imicungire y’Ibiza, MIDMAR yavuze ko imvura yaraye iguye mu ijoro ryakeye yahitanye abantu 18 mu turere dutandukanye tw’igihugu turimo Rulindo na Gasabo.

Mu karere ka Rulindo abapfuye bazize iyi mvura ni 7 naho akarere ka Gasabo abahasize ubuzima ni 8 mu gihe akarere ka Gatsibo ko abapfuye bazize iyi mvura ari 3. Iyi Minisiteri yakomeje ivuga ko imibare y’ibindi byangijwe n’iyi mvura ikiri kwegeranywa.


INKURU ZA :
Tanga Igitekerezo
Ibitekerezo 1
kafa Kuya 24-04-2018

imana ibakire mubayo nukuri

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...