konka coffee
KONKA

AMAKURU

UKWEZI

Rwamagana: Abapfakazi n’inshike za Jenoside barabyinira ku rukoma nyuma yo kugabirwa

Rwamagana: Abapfakazi n’inshike za Jenoside barabyinira ku rukoma nyuma yo kugabirwa
6-07-2018 saa 10:44' | By Muhizi Olivier | Yasomwe n'abantu 1160 | Ibitekerezo 1

Abacitse ku icumu rya Jenoside yakorewe Abatutsi muri Mata 1994 batuye mu murenge wa Gishali ho mu karere ka Rwamagana, nyuma y’uko borejwe inka na Jali Holding Company, bavuga ko batozongera kugura ifumbire ndetse n’amata.

Kuri uyu wa Kane tariki 5 Nyakanga 2018 abakozi ba Jali Holding Company bagabiye inka abacitse ku icumu bari mu miryango itandukanye igera ku 10 ituye mu murenge wa Gishali ,inka bahawe zose zikaba zihaka kuburyo biteguye ko zizahita zibabyarira mu gihe cya vuba. Abahawe inka bavuga ko ubuzima bwabo bugiye guhinduka kuko batazongera kugura amata.

Abakozi ba Jali Holding Company mu gikorwa cyo kugabira incike n’abapfakazi ba Jenoside

Uwitwa Musabyimana Beatty aganira n’ikinyamakuru Ukwezi.com yavuze ko ubuzima bubi yari arimo bugiye guhinduka. Uyu yagize ati “Ndishimye cyane kuba mbonye inka uyu munsi, iyi nka igiye kumfasha ibintu byinshi harimo kubona ifumbire kuko byari ikibazo, kubona amata nabyo byari ikibazo kuko nayaguraga ubu amafaranga nakoreshaga ngura amata ngiye kuyakoresha ibindi nkomeze kwiteza imbere byanga bikunda ubuzima bugiye guhinduka “.

Umuyobozi w’Akarere ka Rwamagana, Mbonyumuvunyi Radjab, yashimiye Jali Holding Company yafashije abacitse ku icumu kuko imibereho yabo igiye guhinduka. Uyu muyobozi aganira n’abanyamakuru yagize ati “Ubu imibereho igiye guhinduka kuko babonye amata n’ifumbire, umusaruro ugiye kwiyongera ndetse banasagurire n’isoko bitume bava mu cyiciro kimwe cy’ubuzima bajye mu kindi ndetse bagiye no kwiyubakamo icyizere “.

Umuyobozi wa Jali Holding Company, Col. Twahirwa Dodo, yibukije abacitse ku icumu ko urugamba rwo kubohora igihugu mu ntambara rwarangiye ariko basigaranye urwo kwiteza imbere. Mu magambo ye yagize ati “Ibyabaye byinshi muri Jenoside narabibonaga n’amaso yanjye, twahuye n’abantu benshi bafite ibikomere, abo batemye abandi tukabakura mu myobo, uyu munsi rero tugomba kugira ishyaka ryo gufata mu mugongo abarokotse m urugambo rwo kwiyubaka kuko iyi nka abonye ni umusingi uzamufasha kwiteza imbere akava mu buzima bubi n’ubwigunge yari arimo“.

Umuyobozi wa Jali Holding Company, Col. Twahirwa Dodo

Jali Holding Company yabyawe na impuzamashyirahamwe ya za koperative zitwara abagenzi mu mujyi wa Kigali no mu Ntara izwi nka RFTC, buri mwaka bafasha abacitse ku icumu yaba mu kububakira amazu ndetse no kubafasha mu bundi buryo bwo kubateza imbere.


INKURU ZA :
Tanga Igitekerezo
Ibitekerezo 1
Justice Kuya 6-07-2018

Dbabyinira kurukoma ni ababa bishimira ibibi byabaye kubandi

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...