konka coffee
KONKA

AMAKURU

UKWEZI

Sobanukirwa indwara y’ikirungurira ikunze kuzahaza abagore batwite

Sobanukirwa indwara y’ikirungurira ikunze kuzahaza  abagore batwite
18-09-2018 saa 12:24' | By Muhire Aime Placide | Yasomwe n'abantu 2925 | Ibitekerezo 1

Ikirungurira ni indwara iterwa no gusubira inyuma kw’amatembabuzi yo mu gifu (gastric contents), azamuka mu muhogo. Ubusanzwe, amatembabuzi yo mu gifu ashobora kuzamukira mu muhogo ntibiteze ikibazo runaka mu mubiri, ariko iyo aside ibaye nyinshi mu gice cyo hepfo cy’ umuhogo utangira kubabara hagati mu gituza ahagana ku igufwa ry’urutirigongo.

Abantu benshi bafatwa n’ikirungurira bakimara gufata amafunguro, abandi bagakangurwa n’uburibwe mu ijoro gusa nta wa kirengagiza ko hari ibiribwa n’ibinyobwa bishobora kugira uruhare mu gutera iyi ndwara.

Ku bagore batwite, umusemburo witwa progesterone utuma udutsi dufunga tukanafungura aho umuhogo uhurira n’igifu turushaho kwaguka ku buryo aside iturutse mu gifu, izamuka byoroshye bityo umugore utwite agahangayikishwa n’ikirungurira.

Gusa nanone uko nyababyeyi igenda yiyongera bitewe n’uko umwana akura, igenda ibyiga igifu ku buryo aside yo mu gifu iba ishobora kuzamukira mu muhogo byoroshye.

Ubushakashatsi bwagaragaje ko abantu bakuru bari hagati ya 25% na 45% barwara ikirugurira nibura rimwe mu kwezi naho Abanyamerika bari hagati ya 7% n’10% bo barwara ikirungurira buri munsi.

Ikirungurira kandi kigaragara cyane ku bagabo barengeje imyaka 40 y’ubukure.

Ikirungurira si indwara ikomeye cyane ku buryo uyirwaye wese yihutira kwa muganga, gusa mu gihe umuntu ukirwara yibonyeho ibimenyetso bikurikira yakagombye kwihutira kujya kwa muganga kuko bishobora kumushyira mu kaga.

Kumira ibiryo ukumva byahagamye mu muhogo, kugaruka mu kanwa kw’ibiryo wari wamize, bikamera nko kuza ku nyamaswa kandi bizwi neza ko umuntu atuza (kuza), kokerwa mu gice gisoza umuhogo no kubabara mu nda, ahagana mu gituza.

Biba byiza iyo umuntu usanze arwara ikirungurira yihutiye kujya kwa muganga mu gihe yibonyeho bimwe muri ibi bimenyetso kuko bigaragaza ko uwo muntu ashobora kuba arwaye indwara z’umutima.

Nk’uko twabivuze haruguru, hari ibiribwa n’ibinyobwa bishobora guteza ikirungurira birimo; inzoga, ikawa, amacunga ndetse n’iyindi mitobe ikungahaye kuri aside nayo yagutera ikirungurira.

Amafunguro akungahaye ku binure, amafunguro arimo ibirungo byinshi ku buryo uba wumva bisharira,imizabibu,inyanya nabyo byatera ikirungurira.

Bitewe n’imiterere y’umuntu, aya mafunguro avuzwe haruguru ashobora kugutera ikirungurira cyangwa se ntanakugireho ingaruka.

Uburibwe buturuka ku kirungurira bwakirindwa gute?

Nk’uko byavuzwe haruguru, abantu bose bashobora kurwara ikirungurira ariko bikaba akarusho ku bagore batwite n’abakunda agasembuye. Ubu ni bumwe mu buryo wakoresha ukirinda ikirungurira.

Gufata amafunguro yoroshye

Amafunguro akomeye akunda gutera ibibazo inzira y’igogora kuko akenshi atinda mu gifu.Uko ibiribwa bitinda mu gifu, niko igifu kirekura aside nyinshi rimwe na rimwe izamukira mu muhogo ikaba yatera ikirungurira.

Umuganga w’inzobere mu bijyanye n’ibiribwa witwa Brandeis yavuze ko amafunguro nk’imvange, amafunguro arimo isupu nyinshi ari amahitamo meza ku gifu.

Yagize ati [“Ni byiza kwita ku mafunguro akungahaye ku byubaka umubiri cyane cyane mu masaha y’ijoro kuko byorohereza igifu kandi jya uhekenya neza amafunguro akomeye kuko bifasha igifu.” ]

Niba ushaka kwirinda ikirungurira, jya ufata amafunguro akugahaye ku binyamafufu mu rugero ndetse niba unywa itabi uriveho burundu, bitari ibyo uzazahazwa n’ikirungurira gusa ushobora no kuharwarira umutima.

Gusinzira neza

Mu rwego rwo kwirinda ikirungurira mu masaha y’ijoro, abagore batwite bagirwa inama yo kuryama nyuma y’amasaha atatu bamaze gufata amafunguro.

Abagore batwite ntibagomba kuryama bakimara gufungura cyangwa se gukora imirimo ibasaba kunama kuko bibongerera ibyago byo kurwara ikirungurira.

Ni byiza kuryama ahantu haseguye kuko ni bumwe mu buryo bwatuma aside itazamuka ngo ive mu gifu igere mu muhogo byoroheje. Umugore utwite agomba kugabanya ibiro kuko uko akomeza kongera ibiro niko igifu cyotswaho igitutu bityo kikaba cyarekura aside mu buryo butunguranye.

Niba urwaye ikirungurira, ihatire kunywa amata, yawurute ndetse ushake pomme uyirye kuko nayo yagufasha kugabanya ububabare kandi wihate amafunguro yoroshye kandi akungahaye ku byubaka umubiri.


INKURU ZA :
Tanga Igitekerezo
Ibitekerezo 1
NIYOMUGABA Jean Bosco Kuya 18-09-2018

Njye narinziko giterwa n’ibijumba!!!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...