konka coffee
KONKA

AMAKURU

UKWEZI

Sobanukirwa indwara ya Ebola ihangayikishije Isi

Sobanukirwa indwara ya Ebola ihangayikishije Isi
30-10-2018 saa 21:06' | By Jean Claude Habimana | Yasomwe n'abantu 1130 | Ibitekerezo

Ebola ni agakoko gashobora kwandurira mu maraso cyangwa amatembabuzi ava mu mubiri w’inyamaswa yanduye (akenshi kaboneka mu nkende cyangwa mu ducurama).Aka gakoko gakwirakwiza n’umwuka; iyo umuntu amaze kwandura atangira kuyikwirakwiza mu bandi bantu.

Nk’uko tubikesha urubuhaga rwa Wikipedia, izina Ebola rikomoka ku mugezi wo muri Repubulika Iharanira Demokarasi ya Congo aho yagaragaye bwa mbere muri 1976. Muri uwo mwaka, nyuma gato cyane iyi ndwara ya Ebola yongera kugaragara muri Sudani.

Mu kiganiro Urubuga rw’Itangazamakuru riharanira amahoro, PaxPress, bagiranye n’abayobozi b’ibitangazamakaru ndetse n’abakozi ba Ministeri y’Ubuzima hagaragajwe ko iyi ndwara itaragera mu Rwanda.

Dr. Muvunyi Zuberi ushinzwe ubuvuzi rusange muri Ministeri y’Ubuzima ashimangira ko nubwo Indwara ya Ebola yahitanye umubare utari muto w’abantu mu bihugu bihana imbibe nk’u Rwanda na Uganda, ngo ntabwo iragera ku butaka bw’u Rwanda.

Yagize ati “Nta muntu n’umwe uragararaho icyorezo cya Ebola mu Rwanda.”

Mu mwaka wa 2014 nibwo icyorezo cya Ebola cyigaragaje ku bwinshi mu bihugu bya Guinea, Sierra Leone na Liberia.

Dr. Muvunyi Zuberi yavuze ko hari ibintu by’ibanze buri munyarwanda yakagombye kumenya ku ndwara ya Ebola.

Dr. Muvunyi Zuberi ushinzwe ubuvuzi rusange muri Minisante

Muri byo harimo ibi bikurikira

Impamvu Ebola iteye ubwoba ni iyihe?

Umuryango w’Abaganga Batagira Umupaka, Medecin Sans Frontiere (MSF) uvuga ko Ebola ari cyo cyorezo gitwara ubuzima bw’abantu benshi ku Isi. Medecin Sans Frontiere ifata Ebola nk’indwara yandura cyane; ishobora kwica 90% by’abayanduye igateza ihahamuka n’ubwoba muri rubanda kandi uwo ifashe apfa avirirana amaraso ahantu hose hari umwenge k’umubiri .

Igaragazwa n’ibihe bimenyetso?

Nk’uko bisonaurwa na Dr, Zuberi Muvunyi avuga ko iyo Ebola yamaze gufata umuntu hari ibimenyetso bihita bigaragara nko guhinda umuriro ,gucika intege , kubabara mu ngingo kubabara umutwe no mu muhogo . Ibi bimenyetso bishobora kugaragara nyuma y’iminsi 2 kugeza ku minsi wa 21 nyuma y’ubwandu.

Umuryango Mpuzamahanga wita ku buzima ku isi, uvuga ko ibi bimenyetso umuntu ashobora kubanza kubyitiranya n’iby’izindi ndwara nka Malaria, Tifoyide cyangwa Mugiga.

Ibi bimenyetso bikurikirwa no kuruka, guhitwa, kwangirika kw’impyiko n’umwijima rimwe na rimwe kuva amaraso imbere no hanze y’umubiri.

Ebola ivurwa ite?

Kugeza ubu Ministeri y’Ubuzima mu Rwanda ivuga ko iyo umuntu yagaragayeho indwara ya Ebola hakiri kare ashobora kuvurwa agakira ariko iyo ubwandu bwarenze urugero uyirwaye ashyirwa ahantu habugenewe wenyine ubundi akajya yitabwaho n’abaganga b’inzobere kuri Ebola.

Ni iyihe miti ishobora guhangana n’iki cyorezo?

Urukingo rumwe nirwo rwageragejwe ku bakorerabushake muri Kaminuza ya Texas. Ikigo gihangana n’ibyorezo cya USA,Centers for Disease Control and Prevention, giherutse gutangaza kourundi rukingo rwa Ebola ruzageragezwa muri Nzeli 2019.

Ebola yandura ite? Isakara ite?

Umuryango Mpuzamahanga wita ku buzima bw’isi OMS ivuga ko uducurama ari two dusakaza Ebola mu zindi nyamaswa muri Afurika . Abantu bandura Ebola igihe bahuye n’amatembabuzi, amacandwe, ibimwira, amaraso, amazirantoki, ibirutsi n’ibindi bashobora guhura nabyo n’umurwayi wa Ebola, cyangwa inyamaswa yanduye iki cyorezo.

Ubu mu Rwanda hari gukorwa iki?

Mu Rwanda ubu hamaze iminsi hatangijwe uburyo budasanzwe bwo gupima abinjira ku kibuga cy’indege i Kanombe n’ahandi ku nkiko z’u Rwanda. Minisiteri y’ubuzima iherutse gukora umwitozo w’uko hakorwa ubutabazi hagize umuntu ugaragaraho ubwandu bwa Ebola.

Ministeri y’Ubuzima iributsa abanyarwanda ko mu gihe hari uwabona umuntu ugaragaje bimwe mu bimyetso byavuzwe haraguru ashobora kwitabaza abajyanama b’ubuzima, ibigo Ndererabuzima, Ibitaro by’Uturere cyangwa Nimero ya Ministeri y’Ubuzima ku buntu 114.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...