AMAKURU

UKWEZI
ubumwe

U Rwanda na Kongo bagiye gukingira Ebola abambukiranya imipaka barenga ibihumbi 150

U Rwanda na Kongo bagiye gukingira Ebola abambukiranya imipaka barenga ibihumbi 150
20-08-2019 saa 10:54' | By Nsanzimana Ernest | Yasomwe n'abantu 748 | Ibitekerezo

Repubulika ya Demukarasi ya Kongo yatangaje ko yo n’ u Rwanda bagiye gukingira Ebola abacuruzi bakora imirimo yambukiranya imipaka y’ ibi bihugu, Kongo izakingira ibihumbi 64 naho u Rwanda ruzakingira abarenga ibihumbi 100.

Dr. Jean Jacques Muyembe, umuyobozi w’ibikorwa byo kurwanya Ebola muri DR Congo yabitangaje kuri uyu wa Mbere aho yavuze ko bafite gahunda yo gukingira abantu 64,000 bambuka bajya mu Rwanda.

Bitangajwe mu gihe Minisiteri z’ ubuzima z’ ibi bihugu ziherutse gusinyana amasezerano y’ ubufatanye mu guhangana n’ icyorezo cya Ebola.

Dr Muyembe yemeza ko u Rwanda rwatumije inkingo zigera ku 100,000 zo gukungira abacuruzi b’ u Rwanda bajya muri Kongo.
Amatariki izi nkingo zizabonekera n’igihe zizatangirwa aramenyekana.

Urukingo rwa Ebola, ruri mu igerageza, rushyigikiwe n’abahanga mu buzima batandukanye harimo n’ishami ry’umuryango w’abibumbye ryita ku buzima, OMS nk’ uko BBC yabitangaje.

Uru rukingo rukorwa n’uruganda Johnson and Johnson, rutandukanye n’urundi rukorwa na kompanyi ya Merck rutangwa inshuro imwe rwakoreshwaga muri Congo mu mwaka ushize.

Bamwe mu bakora muri ibi bikorwa byo kurwanya Ebola muri DR Congo bavuga ko hari impungenge ku rukingo rwa Johnson and Johnson rutangwa inshuro ebyiri mu minsi 50 kugira ngo rukore.

Ibi ngo bishobora kuba imbogamizi mu burasirazuba bwa DR Congo aho abantu bagenda cyane kandi amakuru y’impuha yihuta.

Dr Muyembe avuga ko nyuma yo gukingira abacuruzi bambukiranya umupaka, urukingo ruzagezwa no mu turere twavuzwemo indwara ya Ebola abadutuye bagakingirwa.

Kuva iyi ndwara yagera mu mujyi wa Goma mu kwezi gushize, ubuhahirane n’urujya n’uruza hagati y’imijyi ya Gisenyi mu Rwanda na Goma muri Congo rwagabanyijwe n’abategetsi bigaragara.

Abantu barenga 1900 bamaze guhitanwa na Ebola muri DR Congo mu mwaka umwe ushize yongeye kuhaduka.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...