AMAKURU

UKWEZI
ubumwe

Ubuhamya: Eliane wakuyemo inda kubera inzara, yashoye 1000 Frw bimugeza kuri za miliyoni

Ubuhamya: Eliane wakuyemo inda kubera inzara, yashoye 1000 Frw bimugeza kuri za miliyoni
14-06-2019 saa 14:45' | By Chief Editor | Yasomwe n'abantu 7155 | Ibitekerezo 7

Niyonagira Eliane, ni umugore ufite umugabo n’abana bane. Ni umugore ufite ubuhamya burebure bw’inzira y’umusaraba yakuriyemo, abaho mu buzima bw’ubukene bukabije bwaje no gutuma akuramo inda kubera inzara, ariko ubu yihagazeho, ahora mu ndege akora ibikorwa by’ubucuruzi mu mahanga, ndetse afite amaduka atatu mu mujyi wa Kigali. Ibi byose ngo yabigezeho ahereye ku mafaranga y’u Rwanda 1000 nk’uko abishimangira.

Eliane Niyonagira ubu ni umubyeyi w’abana bane, umukuru muri bo akaba afite imyaka 14 y’amavuko. Iyo avuga ubuhamya bwe ahanini ahera ku buzima yabayemo ubwo yari amaze igihe gito ashatse umugabo, akavuga uburyo inzara yamuriye n’uko bashatse kumutandukanya n’umugabo we ariko bagakomeza gushyira hamwe.

Mu kiganiro cy’amashusho yagiranye n’ikinyamakuru Ukwezi, Niyonagira Eliane yadusobanuriye uburyo we n’umugabo we bamaze igihe gito bashakanye, yaje kwinjira cyane mu bijyanye no gutwarwa n’agakiza, abiyitaga abakozi b’Imana bamuhanurira ibinyoma byaje gutuma ibyo urugo rwabo rwari rumaze kugeraho byose biribwa n’abo biyitaga abakozi b’Imana.

REBA VIDEO Y’UBUHAMYA BWE BWOSE HANO:

Avuga ko bamufatiranye bakamurya imitungo yose kugeza no ku myenda yo kwambara, bigera ubwo inzara ibica bigatuma n’inda yari atwite iza kuvamo kubera kubura ibyo kurya hakiyongeraho no kunanirwa kwivuza, kuburyo no kwiyishyurira ubwisungane mu kwivuza byari 1000 icyo gihe ariko ngo barayashatse barayabura. Uretse inzara yatumye akuramo inda, banahuye n’ibindi bibazo birimo kwirukanwa mu nzu, gushaka kumugurisha ku wundi mugabo muri Uganda bikozwe n’abo mu muryango we bari barambiwe kumubona yicwa n’inzara n’ibindi.

Muri ubu buhamya burebure bwa Eliane, asobanuramo inzira y’umusaraba babayemo n’umugabo we, ariko bagakomeza gushyira hamwe no gushikama. Avuga kandi ko abantu batandukanye bagiye bamukomeretsa mu magambo, barimo uwabwiye umugabo we ko bazafasha Eliane yamaze gupfa, uwamubwiye ko nta masezerano yo gukuramo inda bagiranye n’ibindi bibi.

Ubu Eliane asigaye afite amaduka acururizamo mu mujyi wa Kigali, bwa buzima bubi bwabaye amateka

Niyonagira Eliane avuga ko yaje kurota umugabo mwiza amubwira ko ubuzima buzahinduka agatera imbere bidasanzwe, ko azaba umucuruzi ukomeye, ko azatunga inzu nziza muri Kigali, ko azatunga imodoka, amwereka amadolari azatunga n’ibindi byinshi kandi ibi kugeza ubu byaje gusohora.

Eliane asobanura uburyo yaje kubona umwigisha kwiga gukora amaherena n’utundi dutako dukorwa mu budozi, arabyiga abikora abikunze bimufasha kubona amafaranga macye, nyuma aza kubona umugiraneza umwishyurira amashuri yisumbuye arayiga, kugeza ubwo noneho yaje kubyaza umusaruro umwuga yari yarize azi n’icungamutungo bimugeza ku ntera ishimishije.

Muri ubu buhamya tugerageza kuvuga muri macye ariko mwakumva neza muri iki kiganiro cy’amashusho, Eliane asobanura uko yabaye umuzunguzayi, uko yagiye akora akazi gatandukanye bikagera ubwo yaje gutangira kwikorera ahereye ku mafaranga 1000 gusa, ubu akaba afite amaduka atatu acuruza imyenda, imitako n’ibindi byinshi bikorerwa mu Rwanda (Made in Rwanda) aho abona abakiliya benshi biganjemo abanyamahanga. Iduka rimwe arifite muri UTC, irindi arifite hafi ya Hotel Isimbi naho irindi rya gatatu riri muri Marriott Hotel.

Ubu bafite inzu nziza muri Kigali, imodoka n’indi mitungo itandukanye, ibi byose akaba akangurira abandi bagore kumva neza ko bashobora guhera ku buhamya bw’uko yabigezeho nabo bakaba bazamuka. Asaba abashakanye gushyira hamwe no kudapfa ibibazo by’ubukene n’imibereho mibi kuko byatuma batagira aho bagera.

REBA VIDEO Y’UBUHAMYA BWE BWOSE HANO:


INKURU ZA :
Tanga Igitekerezo
Ibitekerezo 7
Niyonagira Eliane Kuya 29-06-2019

Urakoze B.I.A amakuru meza nuko aya mazina yikinyoma atanasobanutse iwacu atahaba, ikindi urimo kwibeshya kurusha abo ubeshya hanyuma kwihana byo bimenywa na nyirabyo na Kristo nkorera kandi ntabwoba bwabashaka kunca intege ngira kuko basigara bavuga jyewe nakomeje. Va muri abreviatuon uzane amazina yawe hano nkuko ayanjye ahari abazi famille yanjye bakumenye🤔🤔🤔 ubwo bazanaduhuze ufite amakosa ahanwe.

Niyonagira Eliane Kuya 28-06-2019

Urakoze B.I.A amakuru meza nuko aya mazina yikinyoma atanasobanutse iwacu atahaba, ikindi urimo kwibeshya kurusha abo ubeshya hanyuma kwihana byo bimenywa na nyirabyo na Kristo nkorera kandi ntabwoba bwabashaka kunca intege ngira kuko basigara bavuga jyewe nakomeje. Va muri abreviatuon uzane amazina yawe hano nkuko ayanjye ahari abazi famille yanjye bakumenye🤔🤔🤔 ubwo bazanaduhuze ufite amakosa ahanwe.

B.I.E Kuya 24-06-2019

Eliane ni mwene wacu byahafi
Gusa sinaba nkawe ngo mutange hano kurubuga kuko nubundi yishyize hanze,,gusa namugira inama yo kudakomeza kubeshya bigeze aha!!
Dear Eliane,ibyo wakoze bibi byose(abo wambuye,abo wabeshye,..) byose nizereko ubyibuka.
Gusa uzihane!!

Niyonagira Eliane Kuya 24-06-2019

Ndashaka kwibariza uwavuze ko nshaka kuba umu star nshaje? Ko yaba azi imyaka mfite kuburyo nshaje? Ese umu star niki? Ese uwo nambuye utavuze amazina ye yayazana hano hanyuma akanavuga department yakozemo, umwaka namezi yambuwe? Ikindi nibaza hari amategeko arengera abakozi yakabaye yarirenganuje, hanyuma uvuze ko ayo maduka nta ryanjye ririmo ari aya madame Semunyana nigute anyanditseho kuva kuri tin number kugera kubyapa na contracts zamazu nkoreramo kuki nyirayo atayiyanditseho? Ese yaba yaragutumye kumurenganuza kuko yarenganye? Nshuti bavandimwe ubuze icyo asebya inka atuka igicebe cyamukamiwe, so ukuri kuva mu mutima sinibaza niba wibeshya uburyo wabwiza abandi ikuri, amazina yanyu ubwayo mwarayabeshye ngo amagambo mwandika yaba ukuri? Niba wibeshya kwizina ryawe nuko nawe utiyizi so ntabwo wamenya Eliane nawe utarimenya ikindi abafashijwe barafashijwe ndetse nabandi baracyafashwa naho abasebanya muzatahira ibyo gusa MB zawe uzazimara ukurikira aho Eliane ageze mugihe izanjye nzimara nongera umusaruro va munzangano namatiku muze twubake ibifite akamaro bizagutungira abana.

God bless you

Gikundiro Kuya 19-06-2019

Manaweee!!! Mbega umugore wiyera!!! Birandenze njye uyumugore ndamuzi, gs yarorohewe, ark ibindi namakabyo!!! Arashaka kuba umusitari ( star )
Ashaje, njye naranamukoreye aranyambura.

mariyana Kuya 15-06-2019

ndabona yaraciye mubuzima butoroshye.ndamuzi ariko age acabugufi kandi yubahe uwo mugabo we kuko mbona yishyira hejuru cyaneee ayo madorali arata nayo namaguzanyo age yibuka gushima Imana yamukuye mubw buzima bubi kandi afashe abakene

AH Kuya 14-06-2019

Hari ikintu nibaza nku umuntu muZima akicara akabeshya izuba riva ngo afite amaduka atatu kandi muri ayo yose nta nirye ririmo. Ariane we kizwa neza ureke kubeshya. Ayo Madura ni aya madamu Semunyana ukorera. Kizwa.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...