AMAKURU

UKWEZI
ubumwe

Ubuzima bubabaje bwa Sekora n’ umuryango we [AMAFOTO]

Ubuzima bubabaje bwa Sekora n’ umuryango we [AMAFOTO]
13-08-2019 saa 05:49' | By Nsanzimana Ernest | Yasomwe n'abantu 6227 | Ibitekerezo 25

Sekora Louis, umusaza w’ imyaka 83 afite yavukanye ubumuga bwo kutabona, abagize umuryango we iminsi itatu mu cyumweru barabwirirwa bakanabura kubera kubura icyo barya. Inzu babamo irashaje cyane kandi nta biryamirwa bafite.

Uyu muryango utuye mu mudugudu wa Kadahokwa, Akagari ka Ryakibogo Umurenge wa Gishamvu mu karere ka Huye mu ntara y’ amagepfo.

Kuri iki Cyumweru umunyamakuru wa UKWEZI yahuye n’ uyu musaza ari kuva iwe yerekeza I Tumba. Yari yambaye inkweto zishaje cyane ari kumwe n’ umwana w’ umuhungu uri mu kigero cy’ imyaka 10 umurandata.

Yagize ati “Nta kubaho kwanjye rwose, abandi bahawe inka, abandi bubakiwe inzu njye ntayo nubakiwe”

Uyu musaza yavuze ko mu rugo iwe barya rimwe ku munsi habaka ubwo babwiriwe bakanaburara.


Uyu musaza Sekora avuga ko izi nkweto yaziguze 700 mu myaka itanu ishize

Ati “Iyo uriye ku manywa nijoro uraryama ukabyihorera”.

Uyu musaza yahise akomeza urugendo yerekeza I Tumba, cyokora mbere yo gukomeza urugendo yarangiye umunyamakuru aho atuye.

Umunyamakuru ageze mu rugo kwa Sekora yasanzeyo umwana w’ umukobwa w’ imyaka 19 n’ undi mukobwa muto uri mu kigero cy’ imyaka 4 n’ abandi bana b’ abaturanyi bari babasuye.

Inzu Sekora abanamo n’ umuryango we ni akazu gato gashaje k’ amategura kometseho akandi gato k’ amabati.

Uwo mukobwa wa Sekora w’ imyaka 19 yari aryamye mu twatsi turi ku irembo. Uyu mukobwa byagaragaraga ko afite intege nke yadutangarije ko aheruka kurya ejo. Ubwo twaganiraga hari saa cyenda z’ igicamunsi atubwira ko ku manywa batariye. Cyokora yari atetse ibishyimbo ku mashyiga ari mu nzu baramo. Yari ategereje ko se aza gutaha bagira amahirwe akaba yabonye umuha utwo kugerekaho.

Mu ijwi ryumvikanamo ikiniga uyu mukobwa yavuze ko yavuye mu ishuri arangije uwa gatandatu, ngo gukomeza amashuri byaramunaniye kuko yavaga ku ishuri ashonje agasanga mu rugo nta biryo bihari agasubira ku ishuri atariye hakaba ubwo abuze imbaraga zimusubizayo.

Avuga ko mu ishuri atari umuswa ariko ngo imibereho mibi iwabo babayemo ntabwo yatumye akomeza amashuri.

Uyu mukobwa yakomeje avuga ko iyo imvura iguye nijoro inzu yabo yuzuramo amazi , imyenda ishaje bararaho igatoha, bakabyuka bakajya guhagarara mu cyumba ababyeyi babo bararamo nubwo nacyo kiva.

Uyu muryango weretse umunyamakuru ibiri mu nzu byose. Muri iyi nzu hari harimo imyenda ishaje abagize uyu muryango baraho n’ inshumangizo bazirikaho akabwana gato k’ ingurube. Nta kintu cyo kurya cyari muri iyi nzu uretse utwumbati nk’ ikilo kimwe twari ku mufuniko w’ indobo.
Ubwo twasuraga uyu muryango umugore wa Sekora, Nyirasafari Antonia ntabwo yari mu rugo.

Umuturanyi w’ umuryango wa Sekora witwa Karegeya Joseph yavuze ko uyu muryango wa Sekora ubayeho nabi cyane yongeraho icyo yabasabira Leta ariko nibura yabubakira inzu yo kubamo.

Mu nzira tuva kwa Sekora twasanze umugore we Nyirasafari w’ imyaka 69 ku isantere iri hefo y’ iwabo, atubwira ko amafaranga y’ inkunga y’ ingoboka Leta ibaha bayakoresha mu kwatisha umurima agahinga, ubundi agaca inshuro.

Yagize ati “Mu rugo ukuntu turya mba naciye agacuro nakabona tukagateka naba nakabuze tukirarira aho gutyo…Buri munsi saa sita ntabwo turya, turya nijoro gusa”.

Nyirasafari yavuze ko mu minsi irindwi igize icyumweru agenekereje iminsi babwirirwa bakanaburara ari 3. Ibi bihuye n’ ibyo umukobwa we twasanze mu rugo yatubwiye kuko nawe yavuze ko cyumweru inshuro barya zitarenga 4 kandi ko barya rimwe gusa ku munsi.

Nyirasafari ati “Icyo nasaba Leta ni uko yatwubakira kuko tuba mu kazu k’ ibyumba 2 , tukarara tubyigana n’ abana , umwe agasasa hano undi agasasa hariya rwose ni ukuri ntabwo nkubeshya”.

Uyu muryango usaba Leta ko yawubukira bakabona aho kuba, ikanabaha inka muri gahunda ya girinka. Uyu muryango ufite isambu ingana na metero kare 40, gusa Nyirasafari bigaragara ko agifite imbaraga avuga ko Leta ibahaye inka yayitaho akajya ayishakira ubwatsi ntiyicwe n’ umukeno.

Umunyamabanga Nshingwabikorwa w’ umurenge wa Gishamvu yabwiye UKWEZI ko atari aziko kwa Sekora Louis babayeho mu buzima bubi cyane avuga ko bagiye gushaka icyo babafasha kugira ngo bave mu buzima bubi babayemo.

Yagize ati “Reka nze mbaze umuyobozi w’ umudugudu kuko hari abajya bafashwa ibyo bahawe bakabipfusha ubusa. Umuntu yareba tukabikurikirana nabo bakagira ubuzima bwiza nk’ abandi”.

Abaturanyi ba Sekora bavuga ko inkunga uyu muryango uhabwa utayipfusha ubusa bakavuga ko kuba Leta ibaha inkunga y’ ingoboka kandi bakarenga bakabwirirwa bakanaburara inshuro nyinshi biterwa ni uko iyo nkunga iba idafite ikiyunganira.







Ibi byenda bishaje nibyo abagize uyu muryango baryamaho

Iyi myumbati gusa nibyo biryo twasanze bafite mu nzu


INKURU ZA :
Tanga Igitekerezo
Ibitekerezo 25
Clement Kuya 19-08-2019

Koko uyu muryango urababaje cyane. Kubw’ibyo hari grp ya whatsup twakoze yo gukusanya inkunga tukaba twazajya kuwusura. Ukeneye kwifatanya natwe wabaza 0782002883. Ni fondateur wa grp wamwandikira cg ukamuhamagara niba wumva wafasha akakongera kurutonde ukifatanya nabandi tukazasura uyu muryango!

Andrew Kuya 16-08-2019

Birandenze nako birenze ubwenge bwa muntu, njye nibwo nabona iyi nkuru ariko pe ndumva ngize ikiniga.

Njye ndumva ufite icyo yafashisha uyu muryango twakwishyira hamwe tukazajya kuwusura pe tugakora grp ya what’s up tukabipanga neza nimero yanjye ni 0785397286. Uyu munyamakuru numunyamwuga pe ndamushimye

Juvenal Kuya 16-08-2019

Uyu muryango urababaye pe! Bangezeho nibura nabaha kubyondya!

mahoro Kuya 16-08-2019

Ayiweeee ndumva bindenze rwose. Aha hantu hari abayobozi? Kandi ubwo birirwa bubakira abishoboye. Mumubaze n’icyiciro cye buriya wasanga baramushyize mu cya 3!!!
wa munyamakuru we ndagukunze cyane, ngusabiye amahoro n’umugisha ku Mana ishobora byose. Se ubu mwagiye mwandika ibi ibindi mwaqndika ngo abishwe no gusambana, ngo abishe abana babo, ngo abatinganyi..... mubona ibyo tubikeneye?
Niba perezida yasabye ko hahigwa ibihindura ubuzima bw’abaturage, namwe mwandike inkuru zijyanye n’ubuzima bw’abaturage zitabariza ababikeneye nkaba muve mu matiku n’inkuru zica ibikuba n’iza byaracitse turazihaze. Mudufashe kubaka ubumuntu.
Najye ndaje dufatanye uru rugamba rwo kurengera uyu muryango.

murebwayire Kuya 15-08-2019

uyumunyamakuru rwose Imana imuhe umugisha ariko ndanenga abayobozi buyu muryango gitifu wumurenge , gitifi wakagari, umuyobozi wumudugudu, Bose koko habuze ubona uwobayoboyeko ameze nabi mwakwereye abo muyoboye koko.

Sarah Kuya 14-08-2019

Yooo, disi uno mugabo jya mubona asabiriza mu mujyi wa Huye arandaswe n’akana k’agahungu, Imana imbabarire ko ntacyo namufashije

Xxxx Kuya 13-08-2019

Ese ninde wababwiyeko uwo muryango ugira telephone? Njyewe ndabona umunyamakuru yabayoboye aho yavuze n’umudugudu 0783965327

Eric Kuya 13-08-2019

Iri tsinda gira Ubumuntu family rwose iki gitekerezo kinkoze ku mutima.imana ikomeze ibongerere

Mutoni Kuya 13-08-2019

Mwakoze kubabera abavugizi arko Executif waho ndamugaye rwose kdi cyane

DUKUZUMUREMYI J.NEPOMUSCENE Kuya 13-08-2019

Mu by’ukuli uyu muryango urakennye cyane bikabije, aliko kuki umukuru w’umudugudu adatanga report y’aba bantu koko? Birababaje kandi biteye agahinda ngo gitifu ntiyarabizi.... ibi nibyo Nyakubahwa prezida wa Repubulika yifuza ko byongerwa mu mihigo, nange muzambaze inkunga yange kuli 0788643531.

Dumburi Kuya 13-08-2019

Kubitangaza tukabyumva ntibihagije tubigire ibyacu Leta ntabwo ariyo yonyine yacyemura ibibazo byose . Umunyamakuru Ernest ni adufashe abafite umutima utanga duhure twisuganye tugire icyodukora nkúmuntu wageze kuri aba bantu na Leta izaza nyuma wenda wababera Malayika mulinzi hari impamvvu yatumye ubageraho.

Alice. Kuya 13-08-2019

Ikinyamakuru ukwezi ndabashimiye cyane kubwiyi nkuru idukoze ku mutima .mumboneye number nabonaho uyu muryango mwayimpa nanjye nkabasha kugira icyo nafasha uyu muryango.murakoze.number yanjye ni0788691426

Alice. Kuya 13-08-2019

Ikinyamakuru ukwezi ndabashimiye cyane kubwiyi nkuru idukoze ku mutima .mumboneye number nabonaho uyu muryango mwayimpa nanjye nkabasha kugira icyo nafasha uyu muryango.murakoze.number yanjye ni0788691426

Karangwa Kuya 13-08-2019

Murakoze,
Umuryango wa Sekora uhabwa inkunga y’ingoboka buri kwezi, mukubongerera ubushobozi, uyu mwaka bazorozwa inka muri gahunda ya girinka, umurenge tuzabafasha kuyubakira ikiraro, aho nabo tuzabubakira inzu yo kubamo kuri site yo guturaho yatujweho n’abandi mu mwaka ushize.

Jackie D. Kuya 13-08-2019

nanjye hari icyo nakora kuri uyu muryango ndamutse menye adresse.my number ni 0788501389.thanks

Sereine Kuya 13-08-2019

Naje gusanga ababayeho nkaba Ari benshi. Ariko nimubageraho ntimukabandikeho gusa mujye munashyiraho uburyo bwo kubafasha.
Murakoze cyane

Habiyaremye R.Emmanuel Kuya 13-08-2019

Nshimiye cyane uyu munyamakuru wa Ukwezi.com yakoze igikorwa cy’ubutwari. gusa namusaba ko akomeza gukora ubuvugizi uyu umuryango tukawufasha

-xxxx- Kuya 13-08-2019

gira neza wigendere jyewe mumpe numero yuwo muryango kuri 0786124236 hanyuma ntange umusanzu wanjye thx

-xxxx- Kuya 13-08-2019

gira neza wigendere jyewe mumpe numero yuwo muryango kuri 0786124236 hanyuma ntange umusanzu wanjye thx

Mary Kuya 13-08-2019

Yewe! Imiryango ibayeho uku ni myinshi wenda ni uko abo nabonye ubakorera ubuvugizi. Uyu munyamakuru turamushimiye.

uwimana alice Kuya 13-08-2019

nukuri tugire neza tuzanisanga imbere jyewe umusanzu wanjye nuko mwampa numero yuwo muryango kuri 0786124236 hanyuma nkatanga inkunga yanjye murakoze

Nancy Kuya 13-08-2019

Donatien urakoze nukuri Ariko nanjye nimujyayo ntimuzansige rwose haricyo nabafasha.murakoze num ni 0788309774

Samu Rugege Kuya 13-08-2019

Arko nk,ubu gitifu aba abeshya bands NGO ntabyo yari azic ashinzwe iki kugeza ubwo umunyamakuru amenya ibyo murugo kurenza nyirabyo ,Karushya isaba uwabumva barahira

Donatien D Kuya 13-08-2019

Sorry igitekerezo cyanjye cyacitsemo 2! Ariko nyuma yo gushimira umunyamakuru wakoze iyi nkuru, nasabaga ko boshobotse mwaduha nomero yiwe akaturangira aho uyu muryango utuye, then tukazabasura! Itsinda ryitwa Gira Ubumuntu Family(GUF) ryifuje kuzausura uyu muryango! Ni itsinda rifite gufasha abantu uko rishoboye, no kubigisha kugira ubumuntu! Nomero mwazimpa kuri 0788717711/0727000953

NDABASHIMIYE

DONATIEN

Donatien Kuya 13-08-2019

Uyu munyamakuru wakoze iyi nkuru ndamushimiye kuko ameze nk uwakuyeho irido ngo abantu birebere by amashirakinyoma ubuzima uyu muryango ubayemo! Nasabaga ko mwaduha nomero y

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...