AMAKURU

UKWEZI
ubumwe

Umuherwe Mukwano uherutse kugura ubumwe grand hoteli yitabye Imana

Umuherwe Mukwano uherutse kugura ubumwe grand hoteli yitabye Imana
11-07-2019 saa 12:03' | By Nsanzimana Ernest | Yasomwe n'abantu 4771 | Ibitekerezo

Amirali Karmali, wamenyekanye cyane nka Muzehe Mukwano yitabye Imana ku mugoroba wo kuri uyu wa Gatatu, yari afite imyaka 89, icyo yazize ntabwo kiramenyekana.

Amakuru y’ urupfu rw’ uyu musaza wari umwe mu baherwe muri Uganda yemejwe n’ abo mu muryango we nk’ uko byatangajwe na Chimpreports.

Ali Mohamed Karmali, se w’uyu wapfuye, yari Umunyaziya wageze muri Uganda mu 1904 ajya gutura ahitwa Fort Portal mu burengerazuba bwa Uganda. Kubera imibanire ye n’abo yahasanze bamuhimbye ’Mukwano’ mu kigande, bivuga Inshuti Kinyarwanda.

Mu myaka ya 1960 yatangiye ibikorwa by’ubucuruzi yitiriye iri zina, biyoborwa n’umuhungu we Amirali Karmali Amooti (Mzee Mukwano) nk’uko bivugwa mu mateka y’uyu muryango.

Inganda za Mukwano zaramenyekanye kubera ibicuruzwa byazo, nk’amazi, amavuta, amazi, amasabune n’ibindi byifashishwa mu buzima busanzwe bw’abantu mu bihugu byo mu karere.

Mukwano Group of Companies ni umwe mu bashoramari bakomeye muri aka karere, mu kwezi kwa 12 umwaka ushize yaguze Ubumwe Grand Hotel muri cyamunara i Kigali kuri miliyoni zirenga 34 z’amadorari.

Mu mwaka ushize, ikinyamakuru Forbes cyanditse ko uyu mukambwe Alykhan Karmali, umuhungu wa Mzee Mukwano, ari ku mwanya wa gatatu mu bakire 10 ba mbere muri Uganda n’umutungo ubarirwa kuri miliyoni 700 z’amadorari.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...