konka coffee
KONKA

AMAKURU

UKWEZI
ubumwe

Umunyamakuru Mugwiza wisize Mukorogo ubu afasha abandi bikoroze, abaca imyeyo n’abikinisha-VIDEO

Umunyamakuru Mugwiza wisize Mukorogo ubu afasha abandi bikoroze, abaca imyeyo n’abikinisha-VIDEO
16-02-2019 saa 21:37' | By Chief Editor | Yasomwe n'abantu 13226 | Ibitekerezo 1

Geraldine Mugwiza wamenyekanye cyane nk’umunyamakuru wa Radio Flash na Flash TV aho yakundaga kumvikana mu biganiro byigisha abaturage ibijyanye n’ubuzima n’imibereho muri rusange, ubu yabaye ahinduye uburyo bwo gutambutsa ubutumwa bwe aho akora ubujyanama mu by’umuco n’ubuvuzi gakondo akanavura akoresheje intekerezo n’ibiganiro ndetse n’imiti imwe n’imwe ya Kinyarwanda. Afasha abifuza guca imyeyo n’abakeneye amasomo ku bijyanye no kubaka urugo, agafasha abafite ikibazo cyo kwikinisha ndetse n’ibindi byinshi birimo kuvura abibasiwe na mukorogo, dore ko nawe ubwe yemera ko yayikoresheje akaba azi n’ingaruka zayo.

Gerry Mugwiza nk’uko benshi bakunda kumwita, ubu asigaye yigisha abantu b’ingeri zitandukanye ibijyanye n’umuco ndetse n’ubuvuzi gakondo bushingiye ku muco. Kimwe mu byo yigisha harimo abagore n’abakobwa bifuza guca imyeyo akabashyira mu rubohero aho banaganirizwa ibindi byinshi avuga ko byose atabivuga kuko ari amabanga yo mu rubohero abwirwa abayagenewe.

Mu kiganiro yagiranye n’ikinyamakuru Ukwezi, yadusobanuriye uburyo afasha abantu ku bibazo byo kubaka urugo, abafite ikibazo cyo kwikinisha akabaha imiti ijyana no kubaganiriza kuko ikibazo kinini kiba kiri mu bitekerezo, agafasha abafite imitezi n’indwara zitandukanye zirimo iz’uruhu n’izishingiye ku gufata nabi imyanya ndangagitsina.

REBA VIDEO ASOBANURA UKO AFASHA ABANTU:

Gerry Mugwiza avuga ashize amanga ko nawe yisize amavuta ahindura uruhu azwi nka Mukorogo ariko ataramenya ibyo ari byo, akanenga ababihakana barabikoze akaboneraho no kubwira ababyifuza ko abafitiye umuti ushobora kubafasha bakongera gusubirana umwimerere wabo nyuma yo kwiyangiza.

Yagize ati: "Abisize mukorogo mbafitiye umuti mbaha bakisiga igihe gito cyane akaba asubiye kuri Vaseline cyangwa ayandi mavuta asanzwe. Bariya bakobwa bisiga mukorogo ikibazo gihari, ntabwo bashaka kwemera ko bayisize, uzumva nyine umwe avuga ngo ni ukubera ko ubuzima bwahindutse... Nanjye icyo gihe nakigezemo kuko nanjye nigeze kwisiga kuri mukorogo, nkajya mbwira abantu ko impamvu nsa neza nsigaye noga kabiri ku munsi... Uzavuga ko ari ubuzima bwahindutse se umunsi mukorogo yageze mu mpyiko uzavuga ko zabaye iki?"

Uyu mugore akomeza asobanura ko mukorogo yangiza uruhu igakomeza ikagera mu bice bitandukanye by’umubiri iciye mu twengehu two ku ruhu, ibi bikaba bigira ingaruka zikomeye ku mubiri w’abayisiga. Avuga ko we ajya kuyisiga ari umuntu yabajije amavuta yisiga akamurangira yayisiga akabona arimo gucya ariko nyuma akaza gusobanukirwa ko yisigaga amavuta afite ingaruka mbi ku mubiri agahita ayareka.

Ibi n’ibindi byose n’ibindi byinshi yavuze afasha abamugana, abikorera Kacyiru hafi ya gare, ariko n’umuntu umukeneyeho ubujyanama cyangwa ubundi bufasha mu by’ubuzima cyangwa imibereho n’imigirire ishingiye ku muco, akaba ashobora kumuhamagara kuri telefone igendanwa 0788350667.

REBA VIDEO UKO ASOBANURA IBYA MUKOROGO HANO:


INKURU ZA :
Tanga Igitekerezo
Ibitekerezo 1
Alphonse Kuya 18-02-2019

yoo!! nari mfite amatsiko yo kubonaMUGWIZA Gerry. Iyo umwumva uba wumva ari umuntu usobanutse utakwikoroga.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...