AMAKURU

UKWEZI
RPF

Umunyarwandakazi uba i Paris, yatangije umushinga yatewe n’intimba y’abe barohamye mu mazi

Umunyarwandakazi uba i Paris, yatangije umushinga yatewe n’intimba y’abe barohamye mu mazi
12-07-2018 saa 13:43' | By Chief Editor | Yasomwe n'abantu 5535 | Ibitekerezo 3

Intimba n’agahinda Umunyarwandakazi uba mu Bufaransa yatewe no kubura musaza we na muramu we barohamye mu mazi mu bihe bitandukanye ariko bikurikirana, byatumye agira igitekerezo cyo gutangiza umushinga ugamije gufasha abana no guteza imbere uburezi bw’u Rwanda muri rusange, kandi ibi ahamya ko afite icyizere cyo kuzabigeraho.

Umusore witwaga Nshuti Roger Raoul wari umuyobozi w’umuryango mpuzamahanga witwa AIESEC yari ahagarariye mu Rwanda, yapfiriye i Dar es Salaam muri Tanzania muri Gicurasi 2016, aho yari yitabiriye inama mpuzamahanga y’uyu muryango. Ibi byagoye mushiki we ari nawe muvandimwe rukumbi yari afite, Romane Chaouki wamenyekanye nka Romane Cassidy mu muziki nyarwanda yakoraga atarajya kuba mu Bufaransa. Uyu Romane, yaje kongera gushengurwa n’intimba mu mwaka wakurikiyeho wa 2017, ubwo muramu we nawe yarohamaga mu mazi akahasiga ubuzima. Intimba y’abe barohamye mu mazi, yamuhatiye kusa ikivi cyabo, bimutera gutangiza umushinga yitezeho impinduka mu burezi no mu iterambere ry’u Rwanda.

Gupfa mu buryo bw’impanuka kw’aba bavandimwe be, byatumye imishinga ijyanye no gufasha bari bahuriyeho ihita ihagarara, maze intimba n’agahinda ka Romane bituma yumva ko akwiye gukora ibyo bari kwikorera iyo baba bakiriho.

Romane avuga ko akurikije ubwitange n’imishinga bapfanye musaza we na muramu we bapfanye, yasanze akwiye kwiha intego yo kusa ikivi bari baratangiye ari naho mpamvu yatangije umushinga ugamije gufasha abana b’abakene bari mu mashuri mu Rwanda no guteza imbere umuco wo gusoma no kwandika mu bana b’u Rwanda bari mu mahanga.

Romaje yashinze E Nshuti Initiative Association, nk’ umuryango n’ishyirahamwe bitegamiye kuri Leta. Uyu muryango wavutse muri Mutarama 2018, uvukira mu Bufaransa aho atuye dore ko ari naho yashatse.

Mu bindi byatumye agira umuhate harimo kuba yarabonaga akenshi inkuru z’Abanyarwanda n’abanyafurika muri rusange zibarwa n’abandi batabibayemo akenshi bakaba banashobora kubihindura bitewe n’inyungu baba babifitemo.

Kugeza ubu uyu muryango ukorana n’inzu zandika zikanasohora ibitabo ari zo Mudacumura Pubishing House na Imagine We bazajya bafatanya haba mu kuba ufite inkuru ashaka gutangaza yabanyuraho cyangwa se no mu gihe hari uwifuza kugurisha ibitabo hirya no hino haba mu Rwanda n’i Burayi.

Muri Gicurasi uyu mwaka, ubwo abashinze uyu muryango bari mu Rwanda mu rwego rwo gutangiza ibikorwa byawo ku mugaragaro, batanze inkunga y’ibitabo n’ibikoresho by’ishuri mu rwunge rw’amashuri rwa Kabgayi B , ari naho Romane na musaza we bize. Ibyifuzo by’uyu muryango ni ukuzabona umunsi umwe u Rwanda rwifitiye abanditsi benshi babigize umwuga ndetse bikazagera n’aho ibitabo by’amashuri byandikwa n’abanyarwanda b’inzobere mu masomo n’amashami atandukanye.

Uyu muryango kandi uha ikaze abafite umutima wo gushyigikira no gufasha ibikorwa byabo wese, aho uwakwifuza ibindi bisobanuro, kubatera inkunga cyangwa kwifatanya nabo muri iyi gahunda yanyura kuri page yabo ya facebook : E Nshuti Inititiative .


INKURU ZA :
Tanga Igitekerezo
Ibitekerezo 3
Rose Caroline Kuya 18-07-2018

Komereza aho Romane!!!
Nyagasani abigufashemo

Igihe Kuya 13-07-2018

Nibyo akora nibyiza aliko icyiza nugushishikariza abana b’urwanda kwiga koga. Nagize amahirwe mvukira ku kivu iyo amazi yagendaga twajyaga ku kivu. Twese iwacu bazi koga.
Numvaga abana babanya kigali barohama bikanshavuza.
Erega piscine cg sweeming pool nikivu cg umugezi biratandukanye cyane ! !! Densité volumique ya piscine ni nto cane.
Ikivu kiraremera.

denise Kuya 12-07-2018

courage Romane Wacu Imana ikomeze ibitekerezo byiza wifitemo bya kimuntu.

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...