AMAKURU

UKWEZI
ubumwe

‘Uzanyura panya azafatwa nk’ ugiye kuzana Ebola mu Rwanda ahanwe bikomeye’ Minisitiri Gashumba

‘Uzanyura panya azafatwa nk’ ugiye kuzana Ebola mu Rwanda ahanwe bikomeye’ Minisitiri Gashumba
1-08-2019 saa 18:20' | By Jean Claude Habimana | Yasomwe n'abantu 2014 | Ibitekerezo

Mu gihe kuri uyu munsi byagaragajwe ko Umupaka uhuza u Rwanda na Kongo wari wafunzwe by’agateganyo, hibajijwe niba Abanyarwanda benshi batunzwe n’ubucurizi bwo muri Repubulika ya Demukarasi ya Kongo, batagiye kujya baca inzira za bugufi kugira ngo bakomeze ubucuruzi bwabo dore ko benshi mu Banyarwanda baturiye imipaka bagaragaje ko ubuzima bugiye kubagora mu gihe imipaka yaba yafunzwe.

Mu kiganiro cyahuje Ministeri y’Ubuzima na Ministeri y’Ububanyi n’Amahanga n’Abanyamakuru, Minisitiri y’Ubuzima yavuze ko umuntu wese uzambuka mu buryo bwa magendu cyangwa kwambuka bizwi nka Panya azahura n’ibibazo bikakaye.

Dr. Diane Gashumba ati "Ntidushobora kwihanganira umuntu wese wajya hakurya muri Kongo, agamije guhungabanya umutekano w’Abanyarwanda, uwo byagaragaraho wese hari inzego zibishinzwe zizamukurikirana kandi ntibizamworohera".

Minisitiri Gashumba akomeza avuga ko umuntu wese unyura mu nzira za panya kuri ubu agiye kujya ashinjwa kuzana icyorezo cya Ebola mu Rwanda, akajya ahanwa bikomeye.

Nduhungirehe Olivier, Umunyamabanga wa Leta muri Ministeri y’Ububanyi n’amahanga abajijwe kubyavuzwe ku ifungwa ry’Umupaka, avuga ko nta mupaka wigeze ufungwa nubwo benshi mu baturage bakorera ingendo n’akazi muri Kongo bavuze ko bahagaritswe kujya muri Kongo

Icyorezo cya Ebola kimaze umwaka n’igice kigaragaye muri Republika Iharanira Demokrasi ya Kongo.

Iki cyorezo cyatangiriye ahitwa Mbandaka, kigera Butembo, ubu kigeze mu mujyi wa Goma. I Goma abantu batatu ni bo bamaze byemejwe ko banduye virusi ya Ebola babiri barapfuye umwe arakitabwaho n’ abaganga.

Gashumba aburira Abanyarwanda baturiye ibice byegereye Kongo kwirinda gucumbikira abantu bose baturutse muri Kongo by’ umwihariko abaturutse mu bice birimo Ebola

Imibare ya Ministeri y’Ubuzima igaragaza ko abantu 138 bahuye n’ umurwayi uherutse guhitanwa na Ebola mu mujyi wa Goma.

U Rwanda rumaze gukingira abantu 3000 by’ umwihariko abantu bashobora kujya gutabara igihe Ebola yaba yageze mu Rwanda bigajemo abaganga.

Ubusanzwe virusi ya Ebola ikunze kugaragara mu nyamaswa nk’Inkende, Udusamunyiga n’ isha. Ebola ntishobora kugera mu Rwanda hatabayeho kujya kuyizana.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...