konka coffee
KONKA

AMAKURU

UKWEZI
Minijust

VIDEO: Umukecuru wahaswe imiti igabanya ubukana bwa SIDA atayirwaye ubu amerewe nabi

VIDEO: Umukecuru wahaswe imiti igabanya ubukana bwa SIDA atayirwaye ubu amerewe nabi
18-04-2019 saa 13:38' | By Chief Editor | Yasomwe n'abantu 5217 | Ibitekerezo 12

Nirere Venantie, ni umukecuru w’imyaka 83 y’amavuko kuko yavutse mu 1936. Atuye mu murenge wa Mbuye wo mu karere ka Ruhango, ubu umuryango we ukaba ushimangira ko amerewe nabi bitewe n’ingaruka z’uko yamaze imyaka isaga 4 ahabwa imiti igabanya ubukana bw’agakoko gatera SIDA kandi nta bwandu afite. Uretse ingaruka yatewe n’iyo miti, ibiherutse kwanzurwa n’urukiko nabyo ngo byaramushenguye bikomeye.

Ikibazo cy’uyu mukecuru kimaze igihe gikurikiranwa n’inzego zitandukanye ndetse n’umuryango we ushyiraho akawo, gusa Habinshuti Bonaventure; umuhungu wa Nirere Venantie ashimangira ko kuwa mbere tariki 15 Mata 2019, umubyeyi we ubuzima bwe bwarushijeho kujya mu kaga bitewe n’imyanzuro y’urukiko yasomwe uwo munsi ivuga ko abaganga bamuhaye imiti igabanya ubukana bwa SIDA atayirwaye, ari abere.

Mu gushaka kumenya neza imiterere y’iki kibazo, Habinshuti Bonaventure yaganiriye n’ikinyamakuru Ukwezi agaragaza agahinda ke by’umwihariko, umutwaro iki kibazo cyakoreje umuryango wose ndetse n’akaga uwo mukecuru arimo by’umwihariko. Ni ikiganiro kirambuye twafashe mu buryo bw’amashusho.

REBA VIDEO Y’IKIGANIRO KIBISOBANURA BYOSE HANO:

Habinshuti Bonaventure abisobanura agira ati: "Umubyeyi wanjye yagiye kwivuza bisanzwe bamubwira ko arwaye SIDA bamushyira ku miti yamazeho imyaka isaga ine. Amaze kuremba byo kuba yakoherezwa gukurikiranirwa kuri hopital (ku bitaro) nibwo abaganga bamubwije ukuri ko ari muzima barangije bamwaka ka ga code ke (agafishi kariho nimero yivurijeho) bati taha uri muzima. Nyuma nkibimenya nakoze iryanjye perereza ndanamupimisha koko nsanga ni muzima uretse ingaruka zikomeye zatewe n’iyo miti. "

Habinshuti akomeza asobanura neza uburyo uyu mukecuru yasebye mu muryango kuko yari abwiwe ko yanduye SIDA ageze mu za bukuru kandi yarapfakaye, bigatuma ajya gufatira imiti kure y’aho atuye, ibintu byamuzonze cyane ariko akanazongwa byihariye n’uburyo imiti yamuzahazaga. Avuga ko iperereza ryakozwe n’inzego zibishinzwe ryagaragaje ko iyo miti yahabwaga yangije cyane abasirikate b’umubiri we.

Uyu Habinshuti yasobanuye agahinda yagiye aterwa n’ibyabaye ku mubyeyi we, mu byamushenguye hakaba harimo ko yandikiye Minisitiri w’Ubuzima amugezaho ikibazo bahuye nacyo ariko agategereza ko yasubizwa agaheba. Ikibazo cyaje kugezwa mu rwego rw’Ubugenzacyaha, kugeza ubwo mu minsi ishize urubanza rwaburanishijwe maze bakavuga ko ikirego nta shingiro gifite kandi ko abo baganga ari abere.

Ibi byo byazahaje cyane uwo mukecuru kuburyo ubu amerewe nabi ameze nk’uwahungabanye, binatewe ahanini no kuba umwe muri abo bakozi b’ikigo nderabuzima bamukurikiranye baturanye, akaba yaratashye abyina intsinzi bigashengura umukecuru wumvaga ko abakoze amakosa bagiye kubibazwa.

Icyakoze ngo uyu muryango ufite gahunda yo kuregera indishyi z’akababaro n’impozamarira kuko ngo bahombye byinshi banashyirwa mu kaga n’ibibazo bishimakiye ku burwayi bw’abakoko gatera SIDA uwo mukecuru yari yitiriwe kandi ari muzima.


INKURU ZA :
Tanga Igitekerezo
Ibitekerezo 12
Ngango Kuya 26-04-2019

Ubundi se mwari mwabibona, muhemba abarimu macye aribo babigisha mugira ngo si abantu badafite na busa bazajya basohoka

jolie Kuya 23-04-2019

Ubwo ngo namwe mufite abantu bize amategeko ntimugasekwe. Abo baganga bose bagombye kwamburwa impamanyabuswa zabo, umukecuru agahabwa impozamarira. Njya ndira ngo ndi imahanga, Mana warakoze kundokora kiriya gihugu. Puuu, mbega abagome, Imana izababaraho amaraso y’inzirakane. Arasama uyamena wese ntazamugwa neza. Ibyohe gusa.

Chris Kuya 20-04-2019

Ubundi ikibazo abantu dufite nuko ntarukundo abantu bakigira. NGO umuntu afate ikibazo cya mugenzi we akigire icye. Ubu umucamanza waciye uru urubanza iyo biza kuba ari nyina cg umugore we cg Umuvandimwe we wahuye Niki kibazo bakamuha imiti imyaka4 yose yuburwayi adafite nyuma ikamugiraho ingaruka, si uku yari guca urubanza. Yarikujurira ntaho atari kugera. Uyu muryango niwihangane

claire Kuya 19-04-2019

Oya namakosa. Cd4babafata nibindi? Ntibskabaye baramenye kobibeshye. Niyihangane mukecuru

ganja Kuya 19-04-2019

uwo nurwakarago rugiye kumwica arashaje uratakaza utwawe wamugabo we ngushaka indishyi ndumva wiruka kubyagusize maze umuntu ufite 84 nimiti ya sida igiye kumwica nimfu ziraha hanze warekeriyo warekeriyo wagumana ubukene ufite

Addy Kuya 19-04-2019

Uyu mugabo ari guta umwanya we pe aho yakabaye aba hafi umukecuru we ari kwiruka mu manza kandi ntazatsinda, biriya bibaho kandi kuba wafata imiti utarwaye ntacyo yagutwara. Nta hantu amakosa ataba ahubwo yari kugira ikibazo iyo aza kuba arwaye ntavurwe kurusha uko yavuwe atarwaye.

peter Kuya 19-04-2019

sinemeranya nuvuzeko gukora ikosa utarishaka bishyira mu kaga ubuzima bw’undi muntu bidahinduka icyaha!? uwibeshye agatanga imiti kubera ibipimo byamushutse cg byaciye ahandi ariko harimo kwibeshya ashobora kudahawa igihano penal! ariko ikigo yakoreraga gishobora kuryozwa amakosa yateje akaga umurwayi bamugenera indishyi!

ex: chauffeur aramutse atwaye imodoka igacika ferri akagonga umuntu agapfa cg agakomereka ntibikuraho ko victim agira icyo agenerwa! so rero sintekereza ko amategeko y’urwanda akennye ugeza aho victim ashobora gushiriramo kuko ibyamuteye ubumuga buhoraho bitavuye mubushake bw’umuganga!!

uko biri fond de guarrante irahari niba habuze uryozwa ayo makosa yahaba igatanga indishyi ikindi uwo mukecuru niyihangane rwose!!.

peter Kuya 19-04-2019

sinemeranya nuvuzeko gukora ikosa utarishaka bishyira mu kaga ubuzima bw’undi muntu bidahinduka icyaha!? uwibeshye agatanga imiti kubera ibipimo byamushutse cg byaciye ahandi ariko harimo kwibeshya ashobora kudahawa igihano penal! ariko ikigo yakoreraga gishobora kuryozwa amakosa yateje akaga umurwayi bamugenera indishyi!

ex: chauffeur aramutse atwaye imodoka igacika ferri akagonga umuntu agapfa cg agakomereka ntibikuraho ko victim agira icyo agenerwa! so rero sintekereza ko amategeko y’urwanda akennye ugeza aho victim ashobora gushiriramo kuko ibyamuteye ubumuga buhoraho bitavuye mubushake bw’umuganga!!

uko biri fond de guarrante irahari niba habuze uryozwa ayo makosa yahaba igatanga indishyi ikindi uwo mukecuru niyihangane rwose!!.

Karangirwa Kuya 19-04-2019

Iki kibazo kirakomeye cyane sinumva ukuntu ubucamanza butinyuka kwanzura ngo sbaganga ni abere?!!! Reka nirengagize uwamupimye bwa mbere akabona positif da ubwose ko wumva nyuma ya 6mois babakoreraga examen ya CD4 bakayimukorera inshuro imwe gusa muri iyo myaka yose ine ho babisobanura gute? Ikindi nibaza kuki ibisubizo byavuye i kgli byemeje ko ari muzima 100% nabwo bagakomeza bamuha iyo miti?? Igihe cyose unyweye umuti utarwaye ukugiraho ingaruka. Uyu mukecuru yarahohotewe cyane rwose. Nahabwe ubutabera nyabwo indangare z’abaganga zikosorwe. Duce umuco wo kudahana. Ndababaye cyane

Muganga Kuya 18-04-2019

Ubwo se mwize he?iyabaari muburaya cg amerika ngo mwirebere uko baca urubanza.
Uwo mukecuru miriyoni leta yarizamuriha ntizibarika.nagende yipfire afurika we!
Ese ubwo wavura umuntu imyaka ine utamufata amaraso?birambabaje cyaneeeeeeee!!!!!!

uwato Kuya 18-04-2019

ashingira kuki yemeza ko wenda atari yanduye nyuma agakira?

Nkundurwanda Kuya 18-04-2019

Uyu musore yishoye mubintu atazi.ibi babyita faux positif kandi abazihawe nibenshi.science rero yemerako hari % zo kwibeshya mugupima. Iryo si ikosa ry umuganga cg umuforomo cg laborantin wamupimye kandi niyo haba harabayeho kwibeshya ntacyo amategeko yashinja uwabikoze atabigambiriye..umva amakosa yakoresheje abaganga ba prive NGO bamuhaye igisubizo bari kumwe ethic itabyemera. Icyaha cyari kuba iyo baba baramwimye imiti kandi yujuje criteria zo kuyibona harikuba harabaye uburangare ndetse nubuswa.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...