konka coffee
KONKA

AMAKURU

UKWEZI
ubumwe

Filime Nyarwanda zazamuye ibendera ry’ u Rwanda muri Burkina Faso [AMAFOTO]

Filime Nyarwanda zazamuye ibendera ry’ u Rwanda muri Burkina Faso [AMAFOTO]
27-02-2019 saa 11:19' | By Nsanzimana Ernest | Yasomwe n'abantu 1444 | Ibitekerezo

Filime y’ umunyarwanda yitwa The Mercy of the Jungle, ‘impuhwe z’ ishyamba’ tugenekereje mu Kinyarwanda niyo yafunguye iserukiramuco rya filime Nyafurika mu mujyi wa Ouagadougou muri Burkina Faso.

Bukeye bwaho tariki 26 Gashyantare 2019 Umugore wa Perezida wa Burkina Faso Sika Kabore yasuye sitandi y’ imurikabikorwa rya filime nyarwanda muri iri serukiramuco ribaye ku nshuro ya 26, rizwi ku izina rya FESPACO.

Madamu Bakore wari kumwe na Minisitiri w’ Umuco na Siporo mu Rwanda Esperance Nyirasafari na Minisitiri w’ Umuco muri Burkina Faso Abdoul Karim Sango nyuma yo gutemberezwa sitandi y’ u Rwanda yashimye aho u Rwanda rugeze rwiyubaka.

Yagize ati “Nashimishijwe n’ ibyo u Rwanda rumaze kugeraho mu gihe gito. Amafoto atatse ku bikuta bya sitandi atuma ushaka gusura u Rwanda, igihugu cyiza cyane”

Iri serukiramuco ryatangiye ku cyumweru tariki 25 Gashyantare ryateguwe mu rwego rwo kwizihiza imyaka 50 FESPACO ibayeho.

Filime The Mercy of the Jungle yerekanywe hatangizwa FESPACO2019 ni iy’ Umunyarwanda Joël Karekezi ufite se yishwe muri Jenoside nk’ uko yabibwiye itangazamakuru mu mezi ane ashize.

Iyi filime iri ku rwego mpuzamahanga igaragamo abasirikare babiri baburiye mu ishyamba rya Repubulika ya Demukarasi ya Congo 1998.

‘Ubutumwa buri muri iyi filime ni ubutumwa bw’ amahoro’ niko Joël Karekezi yavuze ubwo iyi filime yerekanwaga mu salle y’ amateka ya Cinema iri mu mujyi wa Ouagadougou.

Filime nyafurika 165 zaturutse mu bihugu 16 nizo batoranyijwemo izigomba kwerekanwa muri iri serukiramuco FESPACO2019 rizamara iminsi 8.


Sika Kabore abeba uko Urukerereza rubyina

Kennedy Mpazimaka umukinnyi wa filime nyarwanda na Minisitiri Nyirasafari basobanurira Sika Kabore iterambere rya cinema nyarwanda


Sika Kabore yerekwa amabara aranga imitako ya Kinyarwanda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...