konka coffee
KONKA

AMAKURU

UKWEZI

Gakenke: Umusaza w’imyaka 90 yasezeranye n’umukecuru ufite 93 bakorerwa ibirori bidasanzwe- Amafoto

Gakenke: Umusaza w’imyaka 90 yasezeranye n’umukecuru ufite 93 bakorerwa ibirori bidasanzwe- Amafoto
22-04-2018 saa 21:01' | By Akayezu Jean de Dieu | Yasomwe n'abantu 11807 | Ibitekerezo

Kuri iki Cyumweru tariki 22 Mata 2018, Umusaza w’imyaka 90 y’amavuko n’umukecuru ufite 93 batuye mu mudugudu wa Nyakabanda akagari ka Busake, Umurenge wa Muhondo mu karere ka Gakenke ho mu Ntara y’Amajyaruguru bakoze ubukwe bwatangaje benshi bari bitabiriye ibirori byabo ndetse n’abandi benshi bahurujwe no kuza kureba ubu bukwe busa nk’ubwanditse amateka aho uyu musaza n’umukecuru we bambikanye impeta y’urudashira basezeranira imbere y’Imana ko bazabana akaramata.

Ibi birori byo gusezerana imbere y’Imana byari byitabiriwe n’imbaga y’abantu biganjemo abo mu muryango w’aba bombi barimo abana, abuzukuru ndetse n’abuzukuruza b’uyu muryango byabere muri Kiliziya Gatorika, Santarare ya Ruganda iherereye muri uyu murenge wa Muhondo.

Umusaza Sebuyange Ananiya n’umukecuru we Nyirabakire Helene bafitanye abana 8, bakagira abuzukuru 72 ndetse n’abuzukuruza 12 gusa uyu musaza we avuga ko yifuza ko uyu muryango we yazitahira umweretse n’ubuvivi.

REBA VIDEO Z’UBU BUKWE HANO:

Mu byateye uyu muryango kuba babashije gusezerana bageze mu zabukuru ngo ni uko uyu musaza Sebuyange yari atunze umugore we wa mbere nyuma baza gutandukana ariko batandukana bari barasezeranye imbere y’Imana bivuze ko atari yemerewe kongera gusezerana n’undi mu gihe uwa mbere akiriho cyane ko ariko imyemerere y’abakirisitu Gatorika ibigena.

Uyu musaza Sebuyange yavuze ko uwo bari barabanye mbere yaje kwitahira (gupfa) biba ari nayo mpamvu yahise asaba gusezerana imbere y’Imana bwa kabiri biza kurangira abyemerewe kuri iki Cyumweru bakaba bakoze ubukwe imiryango ibakorera ibirori by’agatangaza byanatwaye akayabo ka miliyoni ebyiri (2,000,000Frw).

Mu kiganiro kigufi aba bombi bagiranye na Ukwezi.com bamaze gusezerana twababajije uko bakiriye uyu munsi w’ibirori byabo bagaragaza ibyishimo bidasanzwe bafite kuri uyu munsi aho bose bahurije ku kuba ari iby’agaciro kuba baramutse bitahiye bazataha mu mahoro ari abakirisitu

Uyu musaza Sebuyange yagize ati “Ibirori byange mbyakiriye n’umutima mwiza kubera k (……) ariko se wowe ntabyakira neza ntureba ko aba bantu bose ari nge bashagaye, nonese aba si umuryango wange?”

Umukecuru we, Nyirabakire Helene ugaragara ko ananiwe cyane yagize ati “Mbyakiriye n’umutima mwiza umusaza namubwira akajambo keza nkabwira abana baton abo ngo bazagere mu kigero nk’icyacu bafite umutima mwiza n’abafasha babo”

Bizimana Augustin, umwana wa karindwi mu bana umunani b’uyu muryango yabwiye Ukwezi.com ko aba bombi bamaze imyaka 63 babana badasezeranye imbere y’Imana, aho ngo uyu musaza yagiye gushyingura umuntu utari umukirisitu abonye uburyo bamushyinguye bimutera kumva adakwiye kuzashyingurwa muri ubwo buryo

Charles Nkurunziza we ni umwuzukuru w’uyu muryango we yavuze ko bishimiye bikomeye igitekerezo cy’uyu musaza yagize cyo gusezerana n’umufasha we. Yanavuze ko kuri we ubu bukwe ari ikitegererezo kumva ko umuntu wese n’imyaka yaba afite yose adakwiye gupfa atubahirije icyo itegeko ry’Imana rivuga ku bijyanye n’abashakanye.

Ibirori byo gusezerana byabereye kuri Santarare ya Ruganda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...