AMAKURU

UKWEZI
ubumwe

Isimbi washyize hanze ubwambure bwe yakuruye impaka zajemo abayobozi n’ibyamamare - VIDEO

Isimbi washyize hanze ubwambure bwe yakuruye impaka zajemo abayobozi n’ibyamamare - VIDEO
27-03-2019 saa 10:46' | By Chief Editor | Yasomwe n'abantu 12854 | Ibitekerezo 7

Isimbi Noeline wamenyekanye cyane kubera ubuhamya yatanze ubwo yashakaga guhatanira ikamba rya Miss Rwanda 2019, akomeje gukurura impaka ndende zakuruye no kutumvikana kuri iyi ngingo hagati y’abayobozi bakuru b’igihugu batandukanye. Hari abavumira ku gahera uyu mukobwa abandi bakagaragaza ko nta nka yaciye amabere.

Isimbi Noeline yashatse guhatanira ikamba rya Miss Rwanda 2019 ariko ntibyamukundira kuko atujuje uburebure basabaga. Muri aya marushanwa niho yatangarije inzira y’umusaraba yanyuzemo aho yabaye umwana wo ku muhanda igihe kirekire, akaba umumansuzi ndetse agakora n’ibindi bikorwa bigaragara ubuzima bushaririye yabayemo mu bihugu bitandukanye byo muri Afurika.

Uyu mukobwa aherutse gushyira hanze amafoto yambaye ubusa buri buri, ndetse nyuma ntiyatinye kuvuga ko yabikoze mu buryo bwo kwihangira umurimo. Ibi ariko byakuruye impaka ndende zatumye hazamo no guterana amagambo, abayobozi batandukanye bakaba baragaragaje aho bahagaze muri iki kibazo.

Minisitiri w’Umuco na Siporo, Nyirasafari Esperance, ku ikubitiro yavuze ko ibyo Isimbi yakoze bikwiye gutuma atabwa muri yombi na RIB hamwe na Polisi y’u Rwanda kuko ari icyaha cy’urukozasoni. Ibi ninabyo byashimangiye na Ingabire Marie Immaculee, umuyobozi wa Transparency International/Rwanda.

We yagize ati “Umugore akwiriye kumenya ko atibereyeho wenyine ahubwo abereyeho abandi. Nta muntu wambara ubusa keretse umurwayi wo mu mutwe. Icyo cyo kinumvikane utari umurwayi wo mu mutwe yambara ubusa ate?.. Ngo umugore afite uburenganzira ku mubiri we? Bwacya babafata ku ngufu bagasakuza. Ibyo wandaritse mu muhanda washyize ku gasozi ushatse wese ntakoraho? Nibemere bahitemo, bemere ko imibiri yabo iba ibikinisho by’ababonetse bose cyangwa bayubahe bayisubize agaciro.”

Ibyatangajwe na Ingabire byakuruye impaka ndende, Amb. Nduhungirehe Olivier, Minisitiri Johnston Busingye, umuhanzikazi Nirere Shanel n’abandi benshi babivugaho biratinda, n’ubu impaka ziracyakomeza ku mbuga nkoranyambaga.

Umuhanzikazi Nirere Shanel yabanje kwamaganira kure ibyavuzwe na Ingabire. Yavuze ko umugore atabereyeho umugabo kandi anarwanya iby’uko Isimbi yaba arwaye mu mutwe. Shanel ati: "Ibiterasoni ni ibiki?... NTABWO UMUBIRI W’UMUGORE UBEREYEHO UMUGABO HABE NA GATO.". Yakomeje avuga ko kuba Ingabire yise uyu mukobwa umurwayi wo mu mutwe ari byo abonamo ikibazo. Ati: "Sinkunda guterana amagambo. None nkuko abaza hari uwemerewe kwita umuntu umusazi ku karubanda cyangwa kuvuga ko abafatwa ku ngufu baba babyikururiye?"

Ingabire nawe ati: "Sinkunda gusubizanya n’abapfa gusamira ibintu hejuru batabanje kumva icyo umuntu yavuze. Navuze ko nzi ko abambara ubusa ku karubanda ari abasazi. N’ubu niko mbizi. Navuze ko kwanika imibiri ku gasozi ntibazatangare bitumye n’abandi bayivogera bakanabafata ku ngufu."

Impaka zakomeje kuba nyinshi, biza no gutuma Ingabire akumira (block) Nirere Shanel mu bamukurikira, ibintu uyu muhanzikazi yahise agaya cyane akavuga ko bibabaje. Yagize ati: "Niba ikiganiro ku bato n’abakuru bitoroshye ko kibaho ntibizoroha kubaka umunyango nyarwanda usesuye twifuza . Niba utememeranya n’umuntu mushobora kuganira mu kinyabupfura ntawe uciriyeho undi iteka."

Ibyavuzwe na Ingabire byananenzwe na Amb. Nduhungirehe Olivier nawe wagaragarije ku rubuga rwa twitter aho ahagaze. Yagize ati: "Oya rwose Ingabire imyitwarire mibi n’andi makosa ayo ari yo yose yaba akozwe mu ruhame n’abakobwa ntabwo bishobora guha uburenganzira abagabo bwo kubafata ku ngufu cyangwa se ngo bibabere inyoroshyacyaha. Iyo myitwarire n’ayo makosa bihanwa hakurikijwe amategeko." Minisitiri w’ubutabera nawe yagaragaje ko ashyigikiye Nduhungirehe, ku bijyanye n’uko ntawavuga ngo abagabo bafashe ku ngufu abakobwa kubera imyitwarire yabo irimo kwambara ubusa.

Umuvuzi ukunda gufasha abantu nk’aba abivugaho iki we?

Gerardine Mugwiza, asanzwe azwi nk’umunyamakuru ariko muri iki gihe akora ibijyanye n’ubuvuzi gakondo ariko yibanda cyane ku bugorozi bw’umuco nyarwanda no gufasha abafite ibibazo bitandukanye baterwa n’ubuzima butandukanye baba barabayemo. Mu kiganiro twagiranye, yasobanuye uko ibyo Isimbi yakoze n’ubwo ari abyita uburenganzira bwe, harimo ikibazo kuko yatandukiriye. Gusa agaragaza byinshi abayobozi bakwiye kwitaho no guha agaciro, bakamenya ko uyu mukobwa kimwe n’abitwara nkawe bakwiye gufashwa byihariye aho kubafata nk’abarwayi bo mu mutwe.

REBA VIDEO Y’IKIGANIRO TWAGIRANYE HANO:


INKURU ZA :
Tanga Igitekerezo
Ibitekerezo 7
Nana Kuya 31-03-2019

Ibyo Mme Ingabire avuga ,bifute ishingiro ahubwo ndunva habayemo kumwunva nabi , ntago yavuze ko abafatwa kungufu arababa biyambitse ubusa, ahubwo yavuzeko uwiyambitse ubusa agafatwa kungufu aba ariwe uba ubyikururiye , abasazi benshi babagore bafatwa kungufu nabagabo kuko baba bona bambaye ubusa ugasanga babateye na mada, Nirere uvuga ngo umubiri wumugore ntubereyeho umugabo, ndabona Mme Ingabire ntaho yavuze ko ubereyeho umugabo, bishoboke ko yavugaga ko ubereyeho abana aza abyara cg yabyaye, n’igihugu ukwacyo, ndunva ubuzima bwose yaba yaranyuzemo niba ntaburwayi bwamuteye ,ntaho bihuriye kuko siwe wambere nuwanyuma waba yaragize ibibazo , ntampanvu nimwe uretse iyu burwayi yatuma umuntu yiyambura ubusa agashyira kukarubanda,

Nana Kuya 31-03-2019

Ibyo Mme Ingabire avuga ,bifute ishingiro ahubwo ndunva habayemo kumwunva nabi , ntago yavuze ko abafatwa kungufu arababa biyambitse ubusa, ahubwo yavuzeko uwiyambitse ubusa agafatwa kungufu aba ariwe uba ubyikururiye , abasazi benshi babagore bafatwa kungufu nabagabo kuko baba bona bambaye ubusa ugasanga babateye na mada, Nirere uvuga ngo umubiri wumugore ntubereyeho umugabo, ndabona Mme Ingabire ntaho yavuze ko ubereyeho umugabo, bishoboke ko yavugaga ko ubereyeho abana aza abyara cg yabyaye, n’igihugu ukwacyo, ndunva ubuzima bwose yaba yaranyuzemo niba ntaburwayi bwamuteye ,ntaho bihuriye kuko siwe wambere nuwanyuma waba yaragize ibibazo , ntampanvu nimwe uretse iyu burwayi yatuma umuntu yiyambura ubusa agashyira kukarubanda,

BC Kuya 29-03-2019

INGABIRE Immaculee uvuga ukuri wakwiye gushigwa ivugurura ry’amategeko cyanecyane ayumuryango harimo atajyanye nukuri kuri hanze aha uzagire icyo uvuga kubijyanye nishyingiranwa kuri contract mbona bikenewe

ka Kuya 27-03-2019

Ahubwo se ko yibagiwe kwiyambura akaba yambaye ikanzu ntabangamiye uburenganzira bwo kwambara ubusa.

Karangwa valens Kuya 27-03-2019

Tubashimira ku bwakuru Meza,mutujyezaho.

Karangwa valens Kuya 27-03-2019

Tubashimira ku bwakuru Meza,mutujyezaho.

mugisha Kuya 27-03-2019

Ibyo Mme Ingabire MI avuga bifite ishingiro kuko hari ibyaha biba nyirabo yabigizemo uruhare abakobwa/abagore bagomba kumenyako imibiri yabo ikurura abagabo ibyo bandarika hari ababibona bagombye kwishyura kandi tugomba kumenyako na Police ihora itugira inama ko namafaranga ubwayo kuyagendana cash bakayakwiba uba wabigizemo uruhare none ibaze ibintu bitangwaho ruswa ikemerwa nukuvugako nabyo ari ibivunjwafaranga, indi nama ikomeye irareba ababyeyi bakuze bari kwambara impemure nibo bahemukira abakobwa babo kuko ntabwo umwana azambara ibimwubahishije ntawe areberaho. iki kibazo kirasaba imbaraga nyinshi kuko iri terambere ry’imyambarire rizadukoraho.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...