konka coffee
KONKA

AMAKURU

UKWEZI
ubumwe

Kaminuza y’ u Rwanda yatanze amahirwe ku bifuza kuminuza Ikinyarwanda

Kaminuza y’ u Rwanda yatanze amahirwe ku bifuza kuminuza Ikinyarwanda
26-02-2019 saa 10:02' | By Nsanzimana Ernest | Yasomwe n'abantu 1725 | Ibitekerezo 1

Kaminuza y’ u Rwanda igiye gutangiza Progaramu y’ ikiciro cya kabiri cya kaminuza mu bijyanye n’ ubuvanganzo Nyarwanda. Inzego zitandukanye zivuga ko bizatuma Ikinyarwanda cyongera kugira agaciro cyane.

Ibi byatangaje mu cyumweru gishize ubwo u Rwanda rwifatanya n’ ibindi bihugu kwizihiza umunsi mpuzamahanga w’ ururimi kavukire.

Iyi porogaramu ya Masters mu Kinyarwanda yateguwe na Kaminuza y’ u Rwanda ifatanyije n’ Inteko Nyarwanda y’ ururimi n’ umuco (RALC)

Cyprien Niyomugabo, Umwe mu bayobozi ba RALC yavuze ko ari ubwa mbere abanyeshuri bagiye kuminuza Ikinyarwanda mu kiciro cya kabiri cya Kaminuza.

Yagize ati “Ni ubwa mbere ubuvanganzo bw’ Ikinyarwanda bugiye kwigwa muri Masters. Iyi porogaramu izatangirwa muri Kaminuza y’ u Rwanda ishami ry’ uburezi i Rukara. Abanyeshuri batangiye kwiyandikisha kuzatangira kwiga mu mwaka utaha”

Niyomugabo usanzwe ari umwanditsi ufite ibitabo byanditse mu Kinyarwanda avuga ko iyi porogaramu izongerera agaciro Ikinyarwanda nk’ Ururimi Kavukire.

Espérance Nyirasafari, Minisitiri w’ Umuco na Siporo avuga ko iyi gahunda izatuma Ikinyarwanda kigira agaciro mu Ntiti z’ igihugu.

Ati “Ikinyarwanda kiri kwigishwa mu mashuri y’ Inshuke, amashuri abanza, n’ ayisumbuye mu gihe cya vuba tugiye kugira Masters yigisha Ikinyarwanda bizatufasha kongera agaciro Ubuvanganzo Nyarwanda”

Minisitiri Nyirasafari yavuze ko nubwo RALC ifite inshingano zo guteza imbere Ururimi rw’ Ikinyarwanda igomba kubifashwamo n’ izindi nzego.

Ati “Dukeneye ubufatanye bukomeye mu Banyarwanda bose. Abarezi, ababyeyi, abayobozi, abanyamakuru, n’ urubyiruko kugira ngo duteze imbere ururimi rwacu rutazazimira. Tugomba kwirinda kuruvanga n’ izindi ndimi”

The New Times yatangaje ko mu kwizihiza ku nshuro 16 Umunsi Mpuzamahanga w’ ururimi kavugire intego yagiraga iti “Twite ku Kinyarwanda mu kivuga no kucyandika”.

Abitabiriye uyu muhango bacyeje uruhare rw’ Ikinyarwanda mu kunga Abanyarwanda.

Dr Isaac Munyakazi, Umunyamabanga wa Leta muri Minisiteri y’ Uburezi ushinzwe amashuri abanza n’ ayisumbuye aherutse kuvuga ko abana biga icyiro cya mbere cy’ amashuri abanza bagomba kwigishwa mu Kinyarwanda aho kwiga Ikinyarwanda nk’ isomo gusa.


INKURU ZA :
Tanga Igitekerezo
Ibitekerezo 1
Kan ya Rwanda Kuya 27-02-2019

Ndasaba niba bishoboka, abanyamakuru bose bandika mu kinyarwanda inkuru zisomwa kuli murandasi ko bakwiyandikisha muliyi kaminuza.
Mbona akenshi ikinyarwanda gipfira mu binyamakuru.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...